Veronica – 關心妍國際歌迷會

2014年11月20日頭條曰報關心妍瞞老公練高難動作

關心妍（Jade）快將開個唱，但為練高難度動作致雙腿傷痕纍纍，Jade自知到這年紀，要挑戰極限不容易，但趁後生多嘗試，因再過幾年就不敢。問老公見到傷痕有否心痛？「我怕被鬧，唔敢畀佢睇，見佢面黑黑，我惟有着長睡褲扮瞓，唔畀佢知，痛都唔敢出聲，佢實鬧。（老公有否給予鼓勵？）佢完全唔贊成（做高難度作），但做騷係要有些少犧牲，佢未必明白。」對於港視開台，Jade表示會睇《警界綫》及《選戰》。

資料來源 : 星島日報

Jade 為個唱練高難度動作，更不讓老公知道

2014年11月19日星島娛樂網（即時新聞）關心妍傷痕纍纍怕老公鬧

關心妍為個唱練高難動作。

2014年11月18日都市日報關心妍有驚喜

「靚太唔易做」好似好囂張，但實情要做一個靚太確實唔容易，為老公繼後香燈，又要保養得宜，如果屬事業型，還要為工作打拼，好似人妻關心妍（Jade），一直想為老公楊長智生BB，可惜愈想要愈冇，既然勉強無幸福，Jade索性重投工作懷抱，今個月尾舉行兩場演唱會，她笑言：「咩方法都試過，唔諗可能反高潮，得咗都唔定。」改變方法，隨時有驚喜！

撰文：胡比｜攝影：Diama
化妝 : Cyrus Lee
髮型 : Sev@Hair Culture｜服裝：GERMAIN
場地：安達中心CEO

35歲的關心妍與老公楊長智於09年結婚，婚後Jade未有停止工作，直至去年初失落於樂壇頒獎禮，一直想生BB的她決心減少工作專心造人，可惜事與願違，至今未有成果。既然愈想要愈冇，又有機會開演唱會，Jade要將生仔的心態略為更改，就是先做一個出色的演唱會滿足自己，唔刻意去諗生仔，想不定有意想不到的效果。不過Jade仍然有點洩氣：「咩方法都試過，所以我話唔好諗住，可能反高潮會得咗，有時係你愈諗得多愈冇。」她坦言：「依家呢幾個月係最開心，唔使再諗，可以專注做演唱會，喺嗰方面（生BB）心情同情緒上都放低咗，可能咁樣就令到嗰件事或者有機會發生。」
飲醉酒的關心妍
兩公婆是圈中出名的模範夫妻，Jade無論有任何決定，愛妻號的楊長智一定全力支持，好似Jade今次在《說》演唱會其中一個環節會化身成C-12，在舞台盡情表現不為人知的另一面。Jade說：「 C-12係虛擬嘅，之前做咗幾隻歌用呢個身份去唱，反應唔錯，我諗C-12係飲醉酒之後嘅我，會係好癲，唔需要諗，鍾意講咩就講咩，好Crazy 好Wild嘅，仲會好Sexy。」無論哪個身份的Jade，老公也同樣喜愛，從來冇「詐型」。
明明同一個人，點解要玩分身？Jade解釋：「如果關心妍無端端好性感，有人可能會覺得有新鮮感，但總會有一班喜歡我嘅人唔鍾意我咁性感。轉個身份去出現，接受能力可能會好啲。」
失落於樂壇頒獎禮的Jade，為何不疊埋心水做靚太，Jade笑言：「我唔得㗎，結咗婚叫我唔做，喺屋企做咩？我唔做嘢，咪成日煩住老公囉！佢都寧願我有嘢做啦，如果唔係，冇小朋友啲時間好難過。」Jade沒有虛度光陰，空閒時就會做義工，更已成立屬於自己的慈善基金，可以幫助更多的人。

Jade同老公楊長智經常在網上晒恩愛。

Jade為本月28、29日舉行的演唱會積極減肥。

2014年11月17日都市電視 metro daily TV 關心妍妍亮自己

Roadshow 關心妍演唱會記招

請按入以下連结觀看影片

http://www.roadshow.hk/rs-tv/rstv-grandcity/item/19647.html

2014年11月14日 ontv東網電視娛樂OnShow

觀看詳细內容請按入以下連结

2014年11冃8曰欣宣友情愛情親情咩都傾

2014年11月10日鄭欣宜關心妍老友鬼鬼

2014年11月 14日關心妍讚欣宜扮野一流

相關連结:

2014年11月 11日鄭欣宜最怕提肥姐秋官

2014 年11月12日欣宜唔減肥投入戀愛

2014 年11月13日欣宣最錘意多啦A夢豆沙包

2014年11月17日東方新地 884期名人狂熱:好飾關心妍

2014年11月15日明周娛樂演唱會製作費超支百萬　關心妍無啖好食

關心妍（Jade）早前隱姓埋名在網絡上推出「C-12」project，成功吸納了一班新歌迷，唱片公司乘勝追擊，於本月二十八日及二十九日假九龍灣國際展覽中心匯星Star hall舉行《關心妍說演唱會2014》，聞說製作費在不斷加碼的情況下超支，製作總額高達二百多萬，事事追求完美的Jade直認不諱說：「紅館無期，我九展騷當紅館做，盡量做到最好！」果然夠豪氣。

關心妍開出期票承諾演唱會將穿Deep V到肚臍的歌衫，經過三個月的操弗，上周Jade舉行搶票會時，先以低腰裝露出人魚線展示成果，早前她到演唱會服裝設計師的showroom度身和揀戰衣，預計演唱會將有五、六套靚衫登場。

她說﹕「我其實很容易肥，之前唱《玉石樂隊》時，試過肥了二十磅，體重變成一百一十八磅，瘦了之後，一直很努力keep住，體重維持一百零一至三之間，開演唱會穿的衫要有噱頭，不可不fit，丁點多餘脂肪都不能，我的目標是九十七磅，多減三磅就能達標。」

一粒朱古力做獎勵

Jade為了靚可以去到很盡。「一星期跟教練健身三次，每日都會去跑步，舉啞鈴和自己做教練的workout，不可以偷懶，我已經三個月無吃過飯，每日都是吃麥包、雞蛋、烚肉和菜，做運動和排舞要有體力時，我會食蕉，到開騷前兩星期會開始食飯，因為做演唱會需要更大的氣力，在舞台上穿高跟鞋又唱又跳而不腳顫，是體力的表現，要練出來的。」

Jade無啖好食，老公楊長智甘願陪她捱苦。「他陪我一齊地獄式減肥，早前工人合約期滿返菲律賓，新工人未到，他跟我分擔家務，晚上和我一起吃簡單的沙律，宵夜時間他會躲在一邊吃不發香味的零食，免我嗅到味道會肚餓，他是個很細心的人，還怕我不夠營養會病倒，給我吃很多維他命，迫我多飲水，見到我忍得這樣辛苦，間中會給我一粒朱古力作獎勵。」

頸椎舊患復發

「C12」project的成功，開拓了Jade的歌路，為配合節奏強勁的音樂，跳舞是必然。「雖然我的演唱會都是以歌會友，今次以『說』做主題，是想用歌去說故事，選歌時我重新翻看歌詞，將不同的歌曲串連在一起，感覺好像在看劇本一樣，另一方面因為今次多了C12的新歌，所以就算我手腳不協調，跳舞不是我的專長，點都要交功課，為了演唱會我日日練舞七個小時，弄到周身骨痛，頸椎舊患都復發，要睇跌打，又要做物理治療，幸好現在情況已有改善，我亦覺得付出是值得的。」

Jade事事追求完美，在九展的演唱會製作費花上二百多萬，比起一般同類製作高出百多萬。「我們最初是想做紅館，但因為無期才改於九展開騷，雖然場地細了，但我們當紅館騷做，舞台以靚和大型為主，用花貫穿整個演唱會，有投射影像配合歌曲，十個舞蹈藝員和很強勁的live band班底，令Star Hall都有紅館feel，公司是很有心的，不惜工本都是希望盡量去做到最好，所以我的演唱會其實很抵睇，哈哈！」