關心妍(Jade)跟同公司其他歌手拍攝新歌<< Happy Birthday >> MV。Jade 透露日前到沖繩參加朋友的沙灘婚禮，卻因要拍攝MV所以要提早回港，離開翌日沖繩就發生地震。她說：「真係好感恩！且沒有留意香港股市，連丈夫都大嚷好運，生怕入市會導致損手。」
Jade因頭兩日都落雨，原想再留沖繩幾曰。
2015年4月21曰 星島頭條網 關心妍慶幸離開沖繩即地震
Category Archives: 心妍新聞
2015年4月21日 東網娛樂 關心妍趕返港拍MV避過一劫！
【on.cc東網專訊】歌手關心妍（Jade）與同公司藝人齊齊參與唱片公司《Happy Birthday》MV拍攝。關心妍強調公司的「老臣子級歌手」不是自己，而是HotCha；而眾人中入行最耐的是張智霖（Chilam），所以，她叫Chilam做「老爺」。
Jade又指剛和老公去完沖繩參加朋友婚禮，想不到離開沖繩第二日便地震，所以覺得自己很幸運。她透露因婚禮在沙灘舉行，故害怕若發生地震會有海嘯：「本來真係諗住留低玩多幾日，不過，因為公司唔批，要我返嚟拍呢個MV，所以大家都冇留低到。」
今年出行力造人
問到在沖繩可有努力造人？Jade坦言：「呢個係冇間斷過嘅，見我都儲肥咗自己少少，都肥咗五磅，咁身邊朋友都生晒，所以，今年會為呢個大計畀多啲心機。」
訪問影片:http://tv.on.cc/hk/index.html?s=4&i=OEN150421-8524-111M-1900&d=1429623227
關心妍趕返港拍MV避一劫!
因為心妍離開沖繩第二日就地震，所以心妍覺得自己好幸運！
Jade儲肥自己努力造人。
2015年4月21日 蘋果日報(即時娛樂) 【戶口曾得26蚊】欣宜爆老竇秋官 得知後封大利是
張智霖(ChiLam)、鄭欣宜、關心妍、車婉婉等今日喺清水灣片廠拍攝《Happy Birthday生日快樂》MV，ChiLam表示今日心情好跌盪，因拍完MV之後，要去殯儀館為九十五歲仙遊嘅外婆打點，夜晚再去朋友公司嘅春茗。唔可以推春茗工作﹖ChiLam話：「唔需要，人生就係咁，而且外婆年紀都大，我哋都有心理準備，反而會向個仔講明白人會生老病死。」
關心妍透露早前放假，同老公去沖繩出席朋友婚宴，佢大呼好彩話：「返咗香港，第二日就地震，原本有諗住留多幾日喺沖繩玩，但因為要拍呢個MV，所以先冇留，真係好感恩。」佢又指自己最近肥咗五磅，亦有調理身體，所以今年會繼續進行生B大計。
問到欣宜有冇睇爸爸鄭少秋主演嘅《大時代》﹖佢話好少睇電視，但以前已經睇過，加上自己冇買股票，對數字冇乜緣份。講到欣宜早前表示戶口曾經只得廿六蚊，秋官知道後反問點解欣宜唔搵佢，欣宜話：「我大個女，要識得照顧自己。」秋官話心痛喎﹖欣宜話：「你哋唔話畀佢聽咪得囉，佢之後都有message我，仲畀咗一封大利是我。」問佢依家有收入，會唔會畀家用秋官﹖欣宜笑住話：「係咩﹖要架﹖好呀，食飯囉！」
2015年4月18日 壹週Plus 風呂私人沙灘調情 關心妍沖繩造人
關心妍同老公去沖繩參加朋友婚禮順便度假，仲入住咁有情調嘅酒店，唔通…想乘機造人？
話到明有沙灘，事業線當然唔少得啦；不過就算唔係落水玩，坐喺海邊聽吓海浪聲，或者曬吓太陽，都一樣咁高興。另外，阿Jade都有喺當地瘋狂食美食，睇佢大啖大啖食，就知好食到咩到唔記得。
文章連结及影片:http://nextplus.nextmedia.com/news/latest/20150418/185104
2015年4月13日 蘋果日報【add即時．尚】徐濠縈一早晒NikeLab X Sacai 關心妍遲足一個月先着
叫得做潮人當然是快人一步，上月Nike找來日牌Sacai設計師Chitose Abe（阿部千登勢）合作推出NikeLab X Sacai的聯乘作，潮人徐濠縈阿徐和容祖兒未賣已搶先將粉紅色版本着上身。
昨日關心妍就於微博Po新相，原來她去了日本沖繩旅行，大晒藍色版NikeLab X Sacai的聯乘作在沙灘上拍照，特意將背部的百摺細節展現，雖然都跟貼潮流，可惜就遲了足足一個月。
2015年4月5日 東周網 女星生B神醫大揭秘
生仔？生女？生仔又好，生女又好，生育從來不是六合彩講彩數。圈中不少已婚女星，雖然不設防望有B，但命好之外，更要身體爭氣。
除了西醫科學方法，人工受孕、多卵針之外，圈內女星更多相信中國源遠流長的醫術，不少更曾秘訪中醫師調理身子、養精培卵，最終得以造人成功。
本刊走訪各大女星曾求助的中醫，揭開他們的「造B」妙方，求子若渴的夫婦們，有救了！
方燦高 秘製生B正氣散
中醫師方燦高坐鎮應診的地方，一點不起眼，他就在九龍城一間名為「長春正行中西藥房」內掛診，沒有自己開設醫館或診所，但向他求診的病人卻天天絡繹不絕。
幫襯的客人除了九龍城街坊客，更多是特別揸車慕名而至，包括：李克勤夫婦、陳慧琳（Kelly）都曾求診方醫師，而克勤和Kelly分別生了兩粒「慈姑椗」，可見方醫師的醫術絕不浪得虛名。
日前，本刊發現已婚五年，並開到口想「佗B」的關心妍，竟然也求診方醫師。為免太過張揚，一身便服穿衛衣波鞋的關心妍，一到埗隨即一支箭「標」入藥房內最盡頭處、方醫師坐診的角落坐下，似是一早約定醫師。
由於診室和藥房屬於全開放式，沒遮沒掩，記者可以清晰聽到關心妍求診的全部過程。一心想調理好身體生育的她，被醫師診斷為「血虛」，故需服補血氣中藥調理之外，醫師更額外提議她吃自家調製的正氣散，對血虛女性尤為補身。
教「造人」秘訣
方醫師邊開藥方，邊語重心長教關心妍日常生活作息和飲食，以自我調理身體。方醫師循循善誘：「千祈、千祈唔好捱夜，早啲瞓，放鬆心情，身體先會好。仲有，你唔好掛住keep fit，就算唔食牛都要食其他類紅肉，養血最好嘅。至於凍嘢、豆漿就唔好飲，對女人唔係咁好。」之後，醫師更向關心妍示範平常沖涼的正確方法，每天沖熱水涼先用熱水暖腳，讓氣血先運行全身，醫師稱此法有效讓身體保溫，對血虛人士為佳。
知道關心妍一心想造人，方醫師最後更以生育專家口脗，向她指教「行房」關鍵說：「如果先生攰真係唔好亂試喇，唔好為做而做，養精蓄銳，先可以一擊即中。」
之後，關心妍執齊中藥及買了方醫師特別要求其服用的正氣散離開。記者及後致電了解她向方醫師求診一事，她不諱言為生育調理說：「其實，舊年開完演唱會之後，一早ready生仔呢樣嘢，睇中醫係想調理好身子先，朋友介紹所以咪去睇吓囉！」
日前，本刊發現已婚五年多，一心求B的關心妍，一身便服波鞋到方燦高醫師坐診的藥房求醫。
求助方醫師生育調理的關心妍，還獲醫師教路，日常生活作息和飲食需注意事項之餘，又教她「行房」關鍵，就是要養精蓄銳，方能一擊即中。
經方醫師把脈斷症後，關心妍被指「血虛」，想生仔要先補身。
關心妍需服用方醫師秘製的正氣散，每日一次、每次五粒，一小樽價錢便需一千元，價錢不菲。
有指，陳慧琳（Kelly）都曾求診方醫師調理身子造人，卒之先後誕下大仔蝦餃（劉昇）和細仔小籠包（劉琛）。