今日（31日）是關心妍36歲生日，會跟老公和朋友食飯慶祝。而前晚（29日），她就跟粉絲舉行派對預祝，由於她近期愛上《迷你兵團》（Minions），派對以此作主題，粉絲大多送上Minions系列的禮物。但有一個女粉絲卻別出心裁，竟然送了梳香蕉給她，原來是祝她早日招到個仔。關心妍好玩得，索性拎住梳蕉同大家合唱新歌《關家姐》，繼續自抽！
之後粉絲送上公仔生日蛋糕給關心妍，公仔是她開個唱時的pink lady造型，粉絲更預備一個粉紅色假髮給她，讓她即場變身，襯番個蛋糕！
Category Archives: 心妍新聞
2015年7月28日 東方日報 關心妍扮迷你兵團慶生
歌手關心妍（Jade）昨日到電台宣傳新歌，即將生日的Jade將會邀請朋友搞生日派對，近排愛上電影《迷你兵團》（Minions）的她更揚言於生日會大玩Cosplay Minions，她說：「今次會同朋友搞生日party，我會扮Minions，我仲會準備工人褲畀冇準備嘅朋友同我一齊扮。」
2015年7月28日 太陽報 關心妍開P扮Minions
關心妍（Jade）昨日到電台宣傳新歌，後日生日的她將搞生日派對宴請朋友，近排愛上電影《迷你兵團》（Minions）的她更揚言會Cosplay成Minions：「朋友就話會扮我《關家姐》入面個Look，我仲會準備工人褲畀冇準備嘅朋友同我一齊扮Minions！」
2015年7月27日 頭條日報(即時娛樂) 關心妍唔怕被催生B
已結婚將近6年的關心妍（Jade）到TVB節目《今晚睇李》當嘉賓，坦言不怕被催生BB，因為其新歌<關家姐>成為最近網上潮文，能夠頂一頂，因為話題會吸引過生B。節目開始前，Jade已揚言有心理準備被「玩嘢王」李思捷玩，所以抵死要求唱完歌，才跟思捷做訪問會安樂一點。（攝影:余潤娟）
關心妍揚言預了被思捷玩。
2015年7月27日 東網娛樂
【on.cc東網專訊】 藝人鍾麗緹與男友張倫碩、關心妍、蘇志威等在將軍澳電視城為《今晚睇李》擔任嘉賓，鍾麗緹以性感打扮與張倫碩為內地真人騷節目《如果愛》第二季宣傳。鍾麗緹要求張倫碩唱《月亮代表我的心》給她聽，張倫碩隨即清唱。問鍾麗緹是否冧到爆？她說：「好冧，好感動，等我冧吓先，好舒服、好有安全感。」張倫碩則指看見鍾麗緹就心情緊張，唯有唱歌時才回復正常。
鍾麗緹大讚張倫碩氹小朋叻，問到她三個小朋友可接受她拍拖？鍾麗緹說：「佢哋細個唔知，只係見媽咪好開心，同佢一齊好有family嘅畫面，好甜蜜、感動，見到佢好有家庭感覺。」鍾麗緹表示當年選華姐後未試過拍電視劇，有興趣一試，她說：「聽講拍劇好辛苦，每日得兩個鐘瞓，其實拍真人騷都每日廿幾個鐘，都已經習慣。」
關心妍在節目唱新歌《關家姐》，並表示會與主持李思捷探討「關家姐」這個網上潮文。問關心妍驚唔驚被追問生BB問題？她笑言現在《關家姐》話題應該吸引過生B話題。需要在節目中會飲兩杯的關心妍又自言酒量好，平時會同老公飲番兩杯。
2015年7月27日 蘋果日報(即時娛樂) 【點認？】關心妍開生日P 要朋友cosplay「關家姐」
今日關心妍（Jade）去到商台宣傳新歌《關家姐》，關心妍今個星期五就會踏入36歲，結咗婚之後一直都恨做媽媽嘅佢，生日願望除咗係身體健康，最想就緊係生個BB。後日關心妍就會同一班歌迷開生日會慶祝，至於正日就會同一班好朋友開party慶祝。
生日大晒嘅Jade話：「我已經叫咗大家要扮關家姐，一係要着黃色扮minions，因為我好鍾意，迫大家扮吓，唔扮就要罰，要着minions嘅工人褲。」Jade笑言派對當然預埋老公一份，人人有份，還自爆平日都有玩cosplay：「都鍾意0架，冇咁悶，之前玩扮職業。」
關心妍（Jade）去到商台宣傳新歌《關家姐》。
2015年7月21日 太陽報 周慧敏唔信關淑怡退出
周慧敏（Vivian）及關心妍（Jade）昨日出席《Glorwe愛信科研美肌中心》開幕發布會，提到關淑怡早前於網上表示要再次退出樂壇，Vivian坦言未有聽聞：「我同佢間中有通電話嘅，都有一、兩個月冇聯絡，但我諗唔會喇！因為佢就嚟入行三十周年，好似聽佢提過可能搞自己嘅騷！」談及工作，她表示要照顧生病的愛貓，所以未來半年不考慮工作，全心做好貓媽媽和太太的角色。
Jade則透露平日有鑽研整朱古力和香水，曾打算開朱古力店，但因租金昂貴和經常被老公潑冷水而放棄：「佢成日話唔好開喇！分分鐘損手損得甘過做歌手，就令我打消呢個念頭！
周慧敏（左）及關心妍（右）齊來支持王敏慧新店開幕。
2015年7月21日 頭條日報 未聞好友淡出樂壇 周慧敏揭關淑怡想開個唱
周慧敏昨日出席好友王敏慧開設的美容中心開幕禮，提到有指關淑怡欲退出樂壇，周慧敏透露早前才聽聞對方有意舉行入行30周年個唱，所以此事可能性不大。
周慧敏與關心妍昨日現身好友王敏慧的美容中心開幕禮，跟關淑怡份屬好友的周慧敏被問到有否留意對方在網上兩度表示想退出樂壇一事。
周慧敏表示最近沒有留意新聞，但她透露知道關淑怡想舉辦入行30周年演唱會，所以認為對方應該暫不會退出。
提到工作，周慧敏表示早前到黎巴嫩和約旦進行慈善探訪，原本還要到伊拉克，但因當地北部發生炸彈襲擊而取消。至於未來半年由於要為家中兩隻老貓打針，短期內將不會接要在外留宿的工作。
至於將於本月底生日的關心妍表示，朋友建議她舉行「關家姐」生日派對，屆時大家可齊齊扮「關家姐」跟她慶祝。提到做生意，關心妍則自嘲沒天份，她坦言連老公亦潑她冷水。另外，關心妍早前到訪東華三院的綜合服務中心時透露自己年輕時的戒煙經歷，「好多人覺得我係乖乖女，但其實年少時都試過貪玩食煙，多得前男友令我戒！」
2015年7月20日 東方日報 關心妍有意搞生日P：叫朋友扮「關家姐」
【on.cc東網專訊】 藝人周慧敏及關心妍（Jade）出席美容公司開幕禮。Jade被問到可有興趣投資生意，她自言沒有生意頭腦：「之前媽咪有嘅，但佢退咗兩年喇，如果唔使打理，淨係投資都可以諗吓！」她又謂平日有鑽研朱古力和香水，曾打算開朱古力店：「但啲鋪租太貴，問咗好多年，後尾都放棄咗！同埋我老公成日潑我冷水，話咪開啦，就令我打消呢個念頭！」
而Jade將在月底生日，她笑言有圈內朋友朋友叫她舉辦「關家姐」生日會，邀請一班兄弟姊妹參加：「佢哋話『關家姐』冇理由唔搞生日會，我諗諗啦，可能搞個生日party叫大家一齊嚟玩，扮『關家姐』！（唔同老公去旅行？）唔飛喇，之前都陪佢出咗trip，呢排都要做宣傳。」
Jade大玩自抽，想開番個「關家姐」生日派對！
如果要扮「關家姐」，會有乜嘢Dress code呀？
Jade諗過開舖做老闆娘，不過就畀老公潑冷水而打消念頭。
2015年7月20日 星島日報 關心妍想開店被老公潑冷水
月底生日的關心妍(Jade)現身美容中心開幕，她表示朋友建議她舉行關家姐生日會，到時人人扮關家姐的造型，應該會很特別；至於老公就無需要送特別的禮物，覺能一起過已很好。
不過提到做生意，她自嘲沒這方面的天份，分分鐘蝕得甘過做歌手，早前曾跟老公講過想開店舖，也被對方潑冷水，Jade說：「我喜歡朱古力和香水，如果搞生意最多也是開網店售賣朱古力。(攝影：羅安強)
Jade月底或搞關家姐生日會慶生。