【on.cc東網專訊】 歌手雨僑（Ava）為同屬Neway唱片公司的關心妍（Jade）澳門演唱會擔任特別嘉賓，她獻唱了新歌《行為偽術》，亦與Jade合唱《拈花惹草》，由於歌曲又高音又難度高，所以兩女要同台鬥「氣」，贏得台下觀眾如雷掌聲。
演出過後，Ava笑言成個人散晒：「好開心今次可以做Jade姐姐嘅演唱會表演嘉賓，我非常鍾意佢，佢嘅歌我好多識唱，佢嘅歌比較多失戀歌，所以以前失戀嘅時候都會係『飲歌』，今晚可以同佢合唱《拈花惹草》，我自己都好開心，所以我超級緊張，因為隻歌都型型哋，又有啲鬥唱跳，所以唱完最後嗰隻字，就即刻好似汽球洩氣咁，猛咁話好驚呀，因為自己係同一個好欣賞嘅歌手合唱。」之後Ava回港小睡幾小時後，天未光又要起身參加香港十公里挑戰賽，但晚上仍堅持到澳門演出，可見Ava非常撐Jade。
當Jade唱到新歌《人生銀行》時，有感而發地訴說之前在事業上經歷了很多高、低潮，有一段時間曾萌生過自殺的念頭，幸好得到身邊的家人、朋友的支持和鼓勵，更啟發Jade參與義工服務，鼓勵更多人積極面對人生，獲得現場歌迷掌聲熱烈支持，大叫「加油」！
而演唱會期間亦發生一段小插曲，Jade一位女歌迷的男友在現場跟女方求婚，一對小情侶被Jade邀請到台上，Jade及現場觀眾見証這感動一刻，Jade更唱出《在你名下》祝福他們！
雨僑（右）自爆自己當關心妍（左）係偶像。
仲話失戀時都會唱對方嘅歌做飲歌。
唱完二人即時攬攬。
二人對唱《拈花惹草》，雨僑話自己一唱完就即刻好似汽球洩氣咁。