心妍報章新聞

Category Archives: 心妍新聞

2017年10月30日 On.cc 東網 善心爆棚！馬小靈讚關心妍「吹」功勁

歌手關心妍（Jade）與前藝人馬小靈為12月16日於九展舉行的慈善晚宴拍MV宣傳。首次拍MV的小靈有點緊張，但兩人自節目《歡樂今宵》認識至今已十多年，一開拍已盡顯默契，很快完成導演的要求。受訪時，Jade指這次選了自己8年前的歌曲《另一個舞台》：「嗰時搵咗陳輝陽作曲同林夕填詞，想鼓勵唔同朋友跌倒之後重新站起來。」她感謝前唱片公司老闆何哲圖讓自己免費使用歌曲，希望透過MV分享朋友戰勝情緒病的經歷：「小靈個分享好感動到我，所以邀請佢。」

去年患上情緒病

小靈大讚Jade唱功好，又懂得吹難度甚高的色士風，但談到去年患上情緒病就表示十分恐怖：「表面上冇傷痕，但去玩同見到仔女都唔識開心。」本來做藝人的她數年前轉職做地產及保健食品傳銷，工作量大增：「加上我有兩個小朋友，又買咗層樓，好吃力，覺得自己好渣，唔想出街，瞓唔到覺，耳鳴，體重得番89磅。」後來她幾乎與朋友斷絕來往，整天不說話，更失掉幾個配音工作，幸得家人與朋友支持，積極求醫才有好轉。

Jade指慈善晚宴將筵開50至60圍，籌得善款會用作開設中心，協助邊青、有情緒病及抑鬱症人士免費得到輔導與治療：「當日會有拍賣，大家亦可以透過facebook捐款或者買枱。今次係我嘅妍亮生命慈善基金同全康澄心基金第一次攜手籌款，共用資源係好新嘅突破。另外我都希望租地方開一間中心，親自教低收入家庭嘅小朋友音樂同唱歌，幫佢哋搵到方向。」

同老公調轉身份

問到老公有否幫手照顧女兒心心？Jade就讚對方是好幫手：「我哋會配合，我依家做基金，佢會多啲睇心心，因為我哋通常都係自己湊。如果佢唔喺屋企，我都希望佢快啲趕返去睇住。」她坦言多謝老公幫手，讓她安心幫助社會。至於在老公面前可會變成小女人？她就自爆：「冇刻意強定唔強，有時我係男人，佢係女人，有時調轉。一段關係冇話邊個嗲啲，有時我會變咗個男人咁話『要咁樣做呀』，有時佢就會好嗲咁話『哎呀，好眼瞓呀』，最重要係大家點配合大家，互相包容、體諒同幫手。」

關心妍髮型：Angus Leung @ hip Hair culture
關心妍化妝：Cyrus Lee
馬小靈化妝：MOD – Constance Chan

Jade同馬小靈一齊拍MV。

Jade同馬小靈一齊拍MV。

老友鬼鬼。

老友鬼鬼。

為慈善出心出力～

為慈善出心出力～

小靈大讚Jade唱功好，又懂得吹難度甚高的色士風！

小靈大讚Jade唱功好，又懂得吹難度甚高的色士風！

Jade指慈善晚宴將筵開50至60圍，籌得善款會用作開設中心，協助邊青、有情緒病及抑鬱症人士。

Jade指慈善晚宴將筵開50至60圍，籌得善款會用作開設中心，協助邊青、有情緒病及抑鬱症人士。

馬小靈

馬小靈

2017年10月29日 頭條日報 關心妍為慈善碌盡人情卡 復工內地登台望湊夠數

關心妍（Jade）現身山頂明德醫院出席抬轎比賽，Jade透露其「妍亮生命慈善基金」將於今年底舉行慈善晚宴，近日她正積極找人買枱，一共有60圍枱，現在已賣掉一半。Jade說：「仍有一個月時間去努力，是有一點兒吃力，因為今次目標是開服務中心，大約需要300至400萬，希望可以完成這數目。」

Jade今次可謂碌盡人情卡，邀請不少圈內朋友幫忙，更笑說比做演唱會更困難，為了快點湊夠數，下個月她更接了兩個內地騷，Jade話：「沒辦法吧！真是想幫到有需要的人。」（攝影：羅安強）

關心妍為慈善真的仆心仆命。

關心妍為慈善真的仆心仆命。

2017年10月29日 壹週plus 關心妍拍許廷鏗MV有驚喜 網民:原來佢咁好戲?

早前許廷鏗找來好朋友關心妍幫手拍攝《原來我可以哭》MV，他們更專程飛到台灣拍攝，果真落足本。MV播出之後，唔少人都將重點放在關家姐身上，事關在MV入面，關家姐的苦情戲觸動唔少網民內心，更有不少人留言謂︰「乜佢原來咁好戲咩?」

喺MV入面，關心妍同許廷鏗都扮演救護人員，劇情講到關心妍的男友在意外中死去，而關心妍就同許廷鏗趕到災難現場，關心妍見到男友之後當然拼命搶救，劇情係有啲老土，但幸好有關家姐大大滴眼淚加內心戲搭夠，令整個MV甚為淒涼。

網民睇完成個MV，都話︰「關心妍演得好好」、「很用心的演繹!很投入」。雖然關心妍過往冇乜拍過劇，但她就拍過不少廣告，相信唔多唔少都對她的演技有幫助嘅。

好大粒眼淚

好大粒眼淚

關心妍今次扮演醫護人員

關心妍今次扮演醫護人員

男友死掉，搞到關心妍傷心到哭了

男友死掉，搞到關心妍傷心到哭了

呢一幕有網民大讚關家姐表現很好

呢一幕有網民大讚關家姐表現很好

佢今次唔係扮醫生，而係扮醫護人員，仲要係負責揸車

佢今次唔係扮醫生，而係扮醫護人員，仲要係負責揸車

2017年10月29日 壹週plusf

2017年10月29日 On.cc 東網 拋個身出嚟做！關心妍為慈善復工搵銀

歌手關心妍（Jade）精神奕奕以大使身份出席抬轎比賽，她透露活動收益有部分捐給其成立的「妍亮生命慈善基金」，Jade說：「希望落力籌多啲善款，因為基金年底搞個慈善晚宴， 因為得番1個半月時間，仲有一半枱未賣。」隨即答謝不少藝人拍片宣傳，Jade說：「 好多藝人二話不說去拍片宣傳，不過暫時離目標仲好遠，因為想開一間服務中心。（碌盡人情卡？）仲慘過自己開演唱會。」她再自爆要開始復工搵銀，Jade說：「下個月有兩場內地騷，都擔心慈善晚宴唔夠錢，因為Book場同製作都要錢。（依家要拋個身出嚟工作？）冇辦法啦。」

問到為何不見其老公楊長智及囡囡到場支持？Jade說：「太早未起身，帶囡囡出街好論盡，加上又要打扮吓。（唔敢一個帶佢出街？）都已經習慣，佢都好聽話，逢星期一、三、五都會帶佢上playgroup，因為唔使見人，所以我就唔使打扮。」

關心妍驚唔夠錢搞慈善，要復工搵銀呀！

關心妍驚唔夠錢搞慈善，要復工搵銀呀！

佢笑言冇辦法，要拋個身出嚟！

佢笑言冇辦法，要拋個身出嚟！

佢笑言冇辦法，要拋個身出嚟！

佢笑言冇辦法，要拋個身出嚟！

今日未見老公同囡囡，佢就話太早！

今日未見老公同囡囡，佢就話太早！

帶囡囡出街好論盡！

帶囡囡出街好論盡！

但大讚囡囡好聽話！

但大讚囡囡好聽話！

2017年10月20日 On.cc 東網 拋個身出嚟做！關心妍為慈善復工搵銀g

關心妍、老公楊長智及囡囡（資料圖片）

關心妍、老公楊長智及囡囡（資料圖片）

2017年10月29日 蘋果日報 (即時娛樂) 【為慈善復出】搞大型籌款晚會 關心妍：碌人情卡仲慘過開演唱會

關心妍(Jade)今朝以大使身份出席山頂明德醫院「枱轎比賽」活動，仲同比賽嘅健兒打氣。Jade話第一次做呢個慈善活動大使，覺得好有意思，仲話今次自己嘅「妍亮生命慈善基金」係受惠機構，所以一定要支持。Jade平時鍾意自己湊女唔假手於人，不過今日因為太早，囡囡都仲未起身，加上有工作在身，所以就交囡囡畀老公照顧。

Jade最近忙緊自己嘅慈善基金同「全康澄心」合作喺年底搞嘅大型籌款晚會，努力搵人買枱，佢話：「今次會有5、60圍，o依家賣咗一半左右，得番一個月時間，希望可以賣得晒，都有啲吃力。因為今次目標係開服務中心，大約要300至400萬，夠2年營運，希望可以跑埋佢。」而Jade就話好多圈內朋友都有幫忙，碌咗唔少人情卡，佢話：「真係仲難過開演唱會好多，演唱會只係請嘉賓，唔使碌啲錢返嚟。其實我好耐都冇接嘢做，下個月就接咗兩個大陸騷，感恩想做番嘢嘅時候就有，萬一唔夠都可以跑番條數。」為咗「跑數」復出？Jade話：「冇辦法啦！真係想幫到有需要嘅人，有情緒病嘅人可能會係潛藏咗，只係冇理冇去醫，我有個朋友就係喺完全冇先兆下跳樓，係得人驚嘅事，所以要多啲關心身邊嘅人。」

2017年10月29日 蘋果日報 (即時娛樂) 【為慈善復出】搞大型籌款晚會 關心妍：碌人情卡仲慘過開演唱會 a

關心妍話下月搞嘅慈善晚宴，要碌好多人情卡。

關心妍話下月搞嘅慈善晚宴，要碌好多人情卡。

關心妍今朝出席活動，囡囡都未起身，唯有將佢交俾老公照顧。

關心妍今朝出席活動，囡囡都未起身，唯有將佢交俾老公照顧。

2017年10月29日 蘋果日報 (即時娛樂) 【為慈善復出】搞大型籌款晚會 關心妍：碌人情卡仲慘過開演唱會 d

2017年10月27日 香港經濟日報 Topick 關心妍辦慈善籌款關注情緒病：每天做運動可抗抑鬱

2017年10月27日 香港經濟日報 Topick 關心妍辦慈善籌款關注情緒病：每天做運動可抗抑鬱a

「關家姐」關心妍身份是歌手、妻子、人母，這些年關心妍也積極做義工，常到學校分享，漸漸對邊青問題，至情緒病等，有更大的關注。6年前成立「妍亮生命慈善基金」，去年成功獲政府發「非牟利慈善團體牌照」，令她有更大的使命。

「妍亮生命慈善基金」近日跟另一慈善團體「全康澄心」合作，12月舉行慈善籌款晚宴，盼增設資源以幫助情緒病人。對情緒病、抑鬱症個案感關注，關心妍稱原因在於：
" 看到很多因情緒病而衍生的悲劇，察覺到其嚴重性。近年社會氣氛很沉重，香港人好努力去頂著，可能很多壓力、鬱結積壓在內心，不懂得釋放出來，最可怕是大家未有意識到問題。"

關心妍去年誕女，當母親後對下一代的未來更為著緊。 " 情緒問題愈早面對愈好，我去做義工，便是希望多鼓勵年青人，有問題便要找人傾訴，不要鬱在心裡。
譬如考試不一定要做第一名，就算成績普通也可發展其他才華，當有了免疫力，到出來社會後，面對挫敗時更能有正確心態去面對。"

去年誕女，關心妍有更多為人母的感受。(圖片：關心妍facebook)

去年誕女，關心妍有更多為人母的感受。(圖片：關心妍facebook)

關心妍曾有朋友患情緒病，她建議除了尋求專業醫生治療，身邊人適當的關懷亦很重要。

“許多心理醫生也說過，空講正能量說話是沒有作用，最忌是教訓、勸導，講甚麼「我都經歷過低谷」之類，因情緒有事的人，非想聽你的經歷，反而需要有人去聆聽他的經歷。"

關心妍以自己做義工的經驗，覺得未必從外表察覺到人有情緒問題，但透過對話可作觀察。

“如果一個人經常不笑，或講說話很mean，很憤怒，可能內心已積累很多負面情緒。我通常會先報以笑容，講一些生活瑣事，或聽對方想講甚麼，想做甚麼，逐步走入其內心世界。"

關心妍10年前起已積積做義工，特別關心青少年發展。（經濟日報圖片）

關心妍10年前起已積積做義工，特別關心青少年發展。（經濟日報圖片）

她強調當人發覺情緒不妥時，未必立即要看醫生，只要願意找人傾訴，可更早處理問題。

多行山增正能量

2003年入行做歌星，關心妍事業上也經歷過高低起跌，她憶述除靠信仰渡過難關，義工生涯亦擴闊了世界觀。 “以為自己很多挫折，當探望孤兒或身體缺憾的人，體會到我的問題算得甚麼，義工是幫人，其實也是自我治療。"

她建議大家平時多做運動，也有助抗抑鬱。 " 如去行山，由高處看看這個城市，原來那麼大和那麼美，自己問題只是很小事。而且運動可讓身體釋放開心情緒，像排毒一樣洗滌身心。"

自成立慈善基金，關心妍主要兼顧各項工作，她盼日後可開設基金會中心，策劃更多年青人活動。（攝影：湯炳強）

自成立慈善基金，關心妍主要兼顧各項工作，她盼日後可開設基金會中心，策劃更多年青人活動。（攝影：湯炳強）

關心妍稱早前生完小孩，在家休息時，每天都做兩小時運動，現在也堅持每日至少有45分鐘運動量，如跑步、游水。" 現在信仰和家庭是我重要支柱，尤其當了母親，看到小朋友一天天成長，便會想將來如何培養和愛護，這些愛的感覺很實在。"

施比受有福，關心妍有深切體會。

Info
《重新站起來慈善晚宴》將於12月16日於九龍灣國際展貿中心舉行籌款作為日後幫助情緒病人的經費。
詳情可致電妍亮生命慈善基金熱線：31012887　或瀏覽關心妍及「全康澄心」facebook。

關心妍稱做義工幫人也幫己，對人生有不少啟發。(圖片：關心妍facebook)

關心妍稱做義工幫人也幫己，對人生有不少啟發。(圖片：關心妍facebook)

髮型：Angus Leung@hip Hair culture
化粧：Cyrus Lee
撰文 : 陳家昌 TOPick記者

2017年10月27日 Easy PaMa 關心妍 (下) : 女仔矝貴發自內心

2017年10月26日 Easy PaMa 關心妍 (上) : 我唔需要佢係perfect
http://www.jadekwan.club/zh-hk/?p=5260

2017年10月27日 Easy PaMa 關心妍女仔矝貴發自內心a

關心妍從小父母離異，母親忙於賺錢養家，中學就把她和哥哥送到加拿大升學，兩兄妹起居飲食都是靠自己，所以練就關心妍性格獨立，並且煮得一手好菜，甚麼家務都難不倒她。女兒心心出世後，雖然萬千寵愛集一身，關心妍說還是要培養女兒學會做飯做家務、要懂自己照顧自己：「我覺得無論咩年代都係，小朋友都唔應該習慣被人服侍，其實識得服侍人都係一種美德。」

2017年10月27日 Easy PaMa 關心妍女仔矝貴發自內心b

愛心包點無糖有機 日日新鮮出爐
雖然家裡有外傭幫忙做家務，關心妍婚後還是堅持每天包辦老公早午晚三餐，並且享受其中以此為樂。以前閒時愛焗蛋糕曲奇，心心開始轉固後，關心妍再添置面包機，每天親自研究食譜給女兒泡製茶點：「買俾囡囡啲材料仲靚過我哋兩公婆，面粉係有機、酵母都係天然，每日會變住花款咁香蕉蛋糕、蕃薯面包，下午茶有時會煮蕃茄蓉或者南瓜蓉通粉俾佢食，又再加啲BB芝士，次次佢都食得好開心清晒底。我成日聽人講養女要養得矝貴，我又覺得女性嘅矜貴係由內而生，有學識、有能力、見識多就自然矝貴。等佢大啲，我希望佢都會學識煮食、抹地、做家務，我好傳統，女仔應該要識嘅嘢我全部都會慢慢教佢。」

2017年10月27日 Easy PaMa 關心妍女仔矝貴發自內心c

由慌失失到淡淡定 做媽媽要摸索
現在15個月大的心心乖巧愛笑有堅持，每天要聽十五次最愛兒歌《太陽伯伯》至安心，回味過去十五個月，關心妍說每一天都在探索，都是學習：「我哋兩公婆都係第一次做父母，第一次遇着心心出疹、發燒，兩個都又擔心又心痛，覺得好大件事。呢啲嘢要學嘅，慢慢知道唔同情況應該點面對，最緊要唔好兩個一齊慌失失！心心好易湊，一出世已經一覺瞓到朝早六點唔使飲夜奶。點知最近突然每晚定時定候會責性坐喺張床度玩，困擾咗兩哋兩公婆幾個星期。其實做父母就係咁，好多嘢都係全新體驗要摸索，依家知佢覺得瞓夠起身自己玩陣又會瞓番，就知道其實冇嘢需要擔心。有時睇住佢大，我深深體會到佢嘅成長係我責任，陪佢長大之餘，其實我哋都學習鍛鍊，亦都係一種成長。」

2017年10月27日 Easy PaMa 關心妍女仔矝貴發自內心d

2017年10月26日 Easy PaMa 關心妍 (上) : 我唔需要佢係perfect

09年與從事金融業的楊長智結婚，關心妍去年7月終於誕下兩人的首個愛情結晶，女兒Jovia(心心)，從關家姐榮升做關媽媽。

2017年10月26日 Easy PaMa a 關心妍上我唔需要佢係perfect

現在女兒15個月大，關心妍一邊親力親為照顧起居飲食，一邊也在忙着處理自己名下「妍亮生命慈善基金」將於十二月舉行的慈善晚宴。今年活動主題是關注本港青少年自殺問題，關心妍在籌備的同時，也檢討反省自己用在心心身上的那一套：「我成日同佢講做人唔一定要perfect，跌低咗就要自己爬起身。fail咗冇所謂，咪試多一次囉！」

2017年10月26日 Easy PaMa b關心妍上我唔需要佢係perfect

身教最重要 獨立有禮緊要過學ABC
關心妍三年前成立「妍亮生命慈善基金」，本來是專注於幫助青少年吸毒和戒毒問題。不過有鑑於近年學童自殺個案大增，今年的慈善晚宴於是聯同支援心理輔導和治療的「全康澄心」，為服務中心籌集經費。「我自己從事青年服務十四年，成日會對住中學生講要自強不息、唔好掂毒品。其實有時等到中學先至糾正佢哋、同佢哋講呢啲已經太遲，所以我細細個就會灌輸俾心心聽，跌低咗要自己識得爬起身、俾人搶咗玩具唔使一定要爭番。我唔需要佢讀名校、唔使佢學好多課外活動，識ABC、識計數但係唔識講唔該、輸唔起又有咩用？唔好以為佢哋細就咩都唔識，其實講道理之餘身教最重要，所以心心依家15個月已經知道要帶婆婆去坐低、一定要尊重長輩，同埋去到play group都好獨立，一句bye bye媽咪就自己走埋去上堂。」

2017年10月26日 Easy PaMa c 關心妍上我唔需要佢係perfect

向電子奶嘴say no 囡囡食飯要面壁
眼見時下的問題少年家裡要不然漠不關心，要不就是過度寵溺、過度施壓，關心妍和丈夫Jonas為人父母以後邊做邊學，分工合作希望找到平衡：「我做娛樂圈，咁多年嘅習慣都係要快、要見成果，樣樣嘢都好心急。有咗心心之後，開始學識好多嘢急唔嚟，對住小朋友耐性真係好重要。而佢爸爸錫佢之餘都明白過份縱容冇好處，所以有啲家規同底線好分明。雖然佢得15個月大，老公已經定咗一套規矩，要求佢食飯時一個人對住面牆食，等佢專心食飯唔好分散注意力，食完至可以落櫈去玩。實行幾個月，爸爸呢一套真係好使就算出到去食飯，人哋個小朋友又玩具又ipad又要追住嚟餵，但係心心咩都唔使，廿幾三十分鐘食完餐飯就自己走去玩。唔好以為佢哋細就唔教，其實好多習慣係由細陪養。」

2017年10月26日 Easy PaMa d關心妍上我唔需要佢係perfect

不說不知道，其實關家姐好煮得！下回分解，看看做媽媽前包辦老公早午晚三餐，做媽媽後關心妍又為女兒泡製甚麼愛心茶點。

2017年10月27日 Easy PaMa 關心妍 (下) : 女仔矝貴發自內心
http://www.jadekwan.club/zh-hk/?p=5267

2017年10月26日 《100毛》第239期封面專題 【今次得獎嘅真係你呀！！關心妍！！】

今次得獎者係……關、心、妍！
真係你，恭喜晒！

由拎錯獎到真係拎獎，關心妍憑嘅，就係一股「冇人嗌，都衝出嚟」嘅熱血精神。冇人嗌，就主動去唔同學校分享瘀爆經歷鼓勵年青人；冇人嗌，就主動去唔同機構幫助戒毒者同更生人士；冇人嗌，就主動成立「妍亮生命基金」，籌款幫助基層家庭小朋友。
點解要咁踴躍跑出嚟？答案好簡單，就係想幫助社會每一個有需要嘅人。
因為，冇一個人係冇用嘅。

聽關心妍分享，你會學到跌低之後應該點樣企返起身。
而當你畀人笑畀人鬧覺得自己好冇用嘅時候，你試下去做義工幫助身邊有需要嘅人，你就會發覺，世上每一個人都係有用嘅。
唔一定大家都要姓關，你都可以同關心妍一樣，用自己去燃亮他人。關鍵係，你肯唔肯付出你嘅時間同埋愛心。
義工，你今日做咗未？

封面攝影：Deric Wong Photography
髮型：Angus @hip Hair culture
化妝：Cyrus Lee

Agency for Volunteer Service 義務工作發展局

22712400_1389023021225341_7900794133807829895_o

untitled

學Jade Kwan 關心妍 Official Page話齋，原來你有心，都仲係未夠㗎，想做義工幫下人，最簡單直接嘅方法就梗係裝「義務工作發展局 AVS」呢個App啦~

傳送門: 義務工作發展局 Facebook
https://www.facebook.com/AVSHongKong/photos/a.535171546523441.120070.181161158591150/1894839500556632/?type=3&theater

2017年10月20日 頭條日報 享受湊女無意復出 關心妍為做善事出錢出力

38歲關心妍（Jade）有女萬事足，雖然寶貝女楊榮心（Jovia）經已15個月大，但Jade依然樂在其中享受做全職媽咪，暫無意復出幕前，不過做善事就例外。12月16日，Jade將以妍亮生命慈善基金主席身份出席《重新站起來慈善晚宴》，目標籌集資金開設輔導中心，幫戒毒成功嘅年輕人增值自己，或曾迷失過嘅邊青搵番方向，有需要的中小學生也能受益。她坦承，做了媽咪後更加大愛：「以前我點會厚住面皮叫人捐錢、捐物資呀，但o依家覺得出小小力能夠幫到人，阻止到悲劇發生係好事，現今社會最需要係愛。

妍亮生命慈善基金成立了3年，主要幫助邊青，帶出正能量給中小學生，分享燃亮生命訊息等。今次關心妍為求達到開設輔導中心目標出錢又出力，除私下捐出6位數字外，由發起到尋找「老闆」、搵人買枱及聯絡贊助商，全部親力親為都幾吃力：「講錢就失感情，我逐個去敲門，係一次好好嘅體驗，好彩都好多朋友支持我，如贊助紅酒、鑽石、名牌包包，到時可以拍賣，我好感動。」

成立輔導中心後，日、夜時段可以支援到不同的人，構思中早上時段為有需要的學生及年輕人做音樂治療，從唱歌及音樂紓緩情緒，從而減少學生輕生的不幸，她不排除會做埋兼職導師，笑言囡囡有亮眼及飛吻最冧到人，可以做埋小義工。

教女品行最重要

因為湊女忙到不得了，關心妍短時間不會復出，幸得公司體諒及配合，她強調：「我唔會係怪獸家長，o依家主要教佢品行同禮貌，有時佢扭眼瞓唔願瞓我會陪佢罰企，企到佢攰咪乖乖瞓覺，而且我哋全家人喺佢面前係唔會玩手機，要教佢識得同人分享。」

採訪：方騫平

化妝：Cyrus Lee 髮型：Angus Leung @ hip Hair culture 場地：CEO

關心妍隔日陪女返playgroup，陪食陪玩，感覺上自己都好似返回學生時代。

關心妍隔日陪女返playgroup，陪食陪玩，感覺上自己都好似返回學生時代。

Jade跟梁詠琪好啱傾，兩個索媽不時交流湊女心得。

Jade跟梁詠琪好啱傾，兩個索媽不時交流湊女心得。

雖然做咗媽咪，但關心妍同樣愛錫4歲大愛犬Butter，尊重生命絕對係最好嘅身教。

雖然做咗媽咪，但關心妍同樣愛錫4歲大愛犬Butter，尊重生命絕對係最好嘅身教。

囡囡係關心妍嘅心肝，所以順其自然唔急於追仔。

囡囡係關心妍嘅心肝，所以順其自然唔急於追仔。

關心妍享受湊女，短期內都唔會喺台上唱歌。

關心妍享受湊女，短期內都唔會喺台上唱歌。

關心妍為同囡囡慶祝一歲生日，一家人去沖繩旅行慶祝。

關心妍為同囡囡慶祝一歲生日，一家人去沖繩旅行慶祝。