張玉珊、關心妍等今日喺銅鑼灣出席慈善活動。
張玉珊早前曾經捐贈價值七位數字嘅廚房俾慈善機構，今次更加幫手邀請到關心妍做表演嘉賓，張玉珊笑言今次做義工嘅同時仲可以做埋歌迷：「原本關心妍要去大陸做嘢，好彩臨時改期佢先可以嚟出席今次活動，一齊做善事好開心。」
而關心妍本身都有開設基金幫助有需要人士，平時亦會向身邊人提倡珍惜食物，對住歲半囡囡時就更加會教導相關意識：「佢淨番一啖我都要佢慢慢食晒，我哋細個阿媽都有教粒粒皆辛苦。」聖誕難得可以放假，關心妍準備夜晚帶埋囡囡同契爺契媽過節，仲買咗禮物俾老公等佢開心吓，雖然阿女得歲半，但係作為媽媽嘅關心妍唔想阿女辛苦之餘都好緊張阿女嘅學前教育，下個月就要去學前班面試：「只係去一間面試，唔想BB太辛苦，如果唔收佢之後先再報，唔想佢太細個就面對咁多。佢其實乜都學識，只係好似我慢熱啲。」
攝影：王連連
張玉珊、關心妍等今日喺銅鑼灣出席慈善活動。
張玉珊早前曾經捐贈價值七位數字嘅廚房俾慈善機構。
今次更加幫手邀請到關心妍做表演嘉賓。
作為媽媽嘅關心妍好緊張阿女嘅學前教育，下個月就要去學前班面試。
一提到關心妍，大家一定會聯想到「關家姐」或者「搶獎事件」，不過關心妍本人一早已對事件免疫，更製作了《關家姐》一曲自嘲，實行與民同樂，Prof J形容關心妍似足一隻重生股，雖然早幾年因為各種「惡搞、取笑」沉寂下來，但透過神秘身份“C-12”以及《關家姐》這首歌曲刺激人氣，有如重生股再次炒起。
編輯：何文俊、Prof J
PJ：徐燦傑(Prof J) J：關心妍
PJ：喺訪問前我申報咗先，我唔係「關家姐」嘅Fans，因為我好怕聽唔開心嘅歌，哈哈！咁經濟學上有個理論，我對每個受訪者都會用一次，就係「稀有性」。關心妍同林志美、彭羚一樣，都係從來無拍過電視劇同電影。講真，當年喺娛樂圈唔參與幕前演出，就硬係差啲曝光率，點解會咁樣呢？
J：其實唔係唔做，因為我剩係唱歌叻，咁每次有人搵我演唱會或者出碟，都要取捨，我唔想體力唔夠，又唔夠精神，令到唱Live唔好，而且做戲亦都唔係拿手，再講我唱歌又未到手到拿來嘅境界。所以我覺得唔好太貪心，做好唱歌已經好好喇。
PJ：無錯，專注唔分身。咁「關家姐」係唯一一位歌手攞到十大傑出青年同埋香港傑出義工獎，應該到依一刻都係唯一嗰位，所以都係有稀有性！你正正知道要做乜，令你喺社會企業責任上面做得更加好。而我諗到一種股票類型去形容你，叫「重生股」。
J：重生股？
PJ：即係一隻股炒過一排，大家見無乜表現就唾棄佢，鬧佢點樣點樣唔得，而當全世界都放棄佢，隻股又開始炒起。咁我知你有信仰，2009年你錄咗《愛是不保留》，我好鍾意，男歌手唱唔到你嘅情懷，之後又出咗演唱會，《失戀五步曲》亦好Hit，其後又翻唱過好多歌，而最緊要你喺重生過程搵到自己嘅「亮點」，就係喺2014年化身神秘歌手“C-12”，點解會突然諗到？
J：我哋想要新嘅感覺，因為大家會先入為主，咁要點樣令人聽我嘅歌無咗Bias先呢？所以就有“C-12”呢個神秘歌手出現，你唔好理佢係邊個，最緊要好唔好聽。
PJ：所以“C-12”係好成功嘅，而另一個重新點就係《關家姐》，呢首歌嘅歌詞正正將你喺「關家姐」事件重生。後來發現你嘅信心大咗，有返自己嘅感覺，係咪代表成熟咗，可以行前一步做得更好？
J：因為我明白呢件事無得再辯護，而對我嚟講呢件事傳咗咁耐都無咩喇，已經免疫晒所有難聽嘅說話。咁我就諗，不如我同你哋一齊玩，既然你係咪都笑我，咁不如我自嘲吓，大家又有歌聽，何樂而不為呢。
PJ：所以正正解釋到點解重生成功。而《關家姐》之後有隻歌《人生銀行》都好好，話畀人知「唔好嘅嘢拎走佢，好嘅嘢儲低」，呢樣亦都係好好嘅財富管理嘅心態。咁關家姐經歷過被人玩、被人惡搞嘅痛苦後，而將自己嘅經歷、人生，透過歌曲去同人分享，就好似「重生股」咁重新炒起啦！繼續努力啦，關心妍！
走過人生低谷 辦基金助年輕人
Y：朱明銳｜J：關心妍
關心妍入行15年，音樂路上絕不平坦，經歷過各種惡作劇、事業低潮，關心妍不但沒有氣餒，還視之為寶貴的經歷與年輕人分享，現時更出心出力發展「燃亮生命慈善基金」，透過音樂協助年輕一代。
Y：關心妍係我好鍾意嘅歌手，心妍分享吓點解咁鍾意唱歌呢？
J：我除咗鍾意唱歌，亦成日學唱歌，唱歌係可以學到七、八十歲，因為每個階段唱出嚟都唔一樣，人生經歷咗唔同事情之後，對歌詞嘅理解亦唔一樣。
Y：喺樂壇超過十五年，過去有段日子你唔衝、唔去爭，點睇嗰啲日子，會唔會好辛苦？
J：嗰段時間過得好快，依家回望返先發覺辛苦。有時發覺做歌手，尤其喺香港係好容易絕望，因為唱嚟唱去都係咁，無乜突破，但當有一兩個同我講「其實你唱得好好，堅持住」，我哋身在其中的確好需要呢啲說話，所以依家我都同新歌手講同樣嘅鼓勵說話。
Y：咁呢段時間過得值唔值得？
J：值得！有啲人比較幸福，條路比較易走，但我好感恩條路難行，反而令我嘅生命更加茁壯。而過程中一定有眼淚嘅，但慢慢將視線、歌曲、時間擺喺培育年輕人身上，發覺呢啲經歷係有意義，就算我畀人笑「攞錯獎、關家姐」，可以話畀佢哋知畀人笑唔緊要，人哋點睇唔重要，最緊要你自己知道係點。
Y：係喎，我留意到你放輕咗搞流行音樂，反而集中做你想做嘅事喎。
J：我發展緊「燃亮生命慈善基金」。依家社會好多年輕人有抑鬱，如果我哋唔正視問題，就掌握唔到下一代。而年輕人唔係話傾就傾，坐埋一齊都未必會同你講，但透過音樂就可以令佢哋打開心扉，肯聽你講，分享佢嘅嘢。透過同佢哋輔導，或者教佢哋音樂，希望幫助到呢班青少年，等佢哋唔使置諸絕望。
Y：其實依家樂壇青黃不接，女歌手位置更加係真空，你喺音樂方面仲有得爆㗎，希望你日後除咗做基金會方面，可以做更多有共鳴嘅歌！
關心妍(中)入行至今15年，走過高山低谷，雖然經歷過惡作劇及「搶獎」的蝦碌事，不但沒有一沉不起，更大方演唱《關家姐》，徐燦傑(右)形容關心妍有如重生股，翻炒再起。左為朱明銳。
Prof J(右)雖然未算關心妍的粉絲，不過十分欣賞她樂於透過音樂分享經歷。
2008年十大勁歌金曲頒獎禮，關心妍攞錯獎，引起一時熱話。
關心妍一早對惡搞取笑免疫，更唱出《關家姐》，與民同樂。
關心妍曾化身神秘歌手“C-12”，為聽眾帶來新感覺。
近年關心妍發展「燃亮生命慈善基金」，協助及輔導年輕人。
關心妍去年誕下女兒Jovia，一家三口幸福滿載。
http://www.metrodaily.hk/metro_news/%e5%a8%9b%e6%a8%82%e7%b6%93%e6%bf%9f%e5%ad%b8-%e3%80%8c%e6%83%a1%e6%90%9e%e3%80%8d%e8%87%aa%e5%98%b2-%e9%87%8d%e5%a5%aa%e4%ba%ba%e6%b0%a3-%e9%97%9c%e5%ae%b6%e5%a7%90%e3%80%8c%e9%87%8d%e7%94%9f/
關心妍囡囡心心目前歲幾，其實由佗B開始，她已經沒甚麼在幕前工作，全心全意照顧家庭。被問到忙完慈善晚宴之後，會不會想生多個小朋友或者出新碟，她說：「其實我無特別打算生多個，因為覺得求了那麼久，上帝終於賜了一個給我已經好感恩，再多個就真是要看上帝安排。」
她反而想培育小朋友，表示：「將來除唱歌之外， 我反而想有一個小朋友教育中心，因為小朋友真是好重要，要細細個培育他們，不是他們有多少才能，而是培育他們的免疫能力，在他們的人生路上，將會遇到一些挫折，其實要好細個就去培育。」
這兩個月忙於籌備慈善晚宴，關心妍感謝囡囡和老公的體諒。
「我盡量早上陪囡囡上學後，才去工作。我同囡囡講，媽媽真是要去做些事幫其他人，希望你明白，我跟她說時，她點頭應承，過了這個籌款晚宴之後，聖誕會陪她多點。」她說。
嘩，好閃喎！別以為關心妍（Jade）自己買鑽飾，她是揀鑽飾在12月的慈善晚宴義賣。由搵贊助商到嘉賓，阿Jade一腳踢，碌盡人情卡，其實她的妍亮生命慈善基金已經成立三年，咁辛苦無非想幫有情緒病的年輕人
「近期見到社會好多不幸事件，好多悲劇，決定同另一機構『全康澄心』一齊搞《妍亮生命重新站起來》慈善晚宴。我們希望可以籌款去開服務中心，去幫助他們，得到免費治療及輔導。」她說。
今次活動，阿Jade同老公出錢出力，到時她會上台之外，更會請多20個天使援手，搵20個朋友報名捐錢參與表演，希望整晚籌到三、四百萬成立音樂治療中心。
「我們希望除輔導中心之外，可以開一個音樂治療中心，我自己都希望可以在裡面去幫去教。」阿Jade表示。
在短短兩個月籌備慈善晚宴，阿Jade話好在老公幫手，笑說：「我好感恩，老公都好支持，大家去了解怎樣去輔導人，幫助人，老公亦都幫手籌備很多東西，因為其實兼顧好多東西，你見到這部分是拍賣、賣枱，逐個朋友打電話去幫我拍片啦，叫藝人朋友支持啦，當晚節目內容是甚麼，全部都要一手一腳去做，而且現在要湊囡囡，要帶囡囡返學，所以時間差不多用盡，但我覺得幾辛苦都值得。」
歌手關心妍(Jade)2009年同金融才俊楊長智(Jonas)拉埋天窗，上年7月仲生埋囡囡楊榮心(Jovia)，一家三口幸福滿載！而甚少帶女兒出席公開場合的關心妍，早前就罕有地同囡囡及老公，一家三口齊齊睇草蜢紅館演唱會，全因十多年前草蜢成員蔡一智夫婦撮合她和楊長智，令關心妍找到她的幸福，嫁到個好老公更加生咗個可愛的囡囡，而蔡一智夫婦更加是心心的契爺、契媽，難怪Jade和丈夫要公開多謝：「沒有你們，便沒有我們！」
撰文：Sunday Kiss 圖片來源：新傳媒圖片庫、關心妍及楊長智Instagram
關心妍 感激蔡一智夫婦撮合
關心妍長於單親家庭，自幼跟媽媽生活，欠缺父愛，而Jade形容自己在過往的戀愛經歷是情路坎坷！所以她對於結婚一直都冇憧憬，但十多年前，多得草蜢成員蔡一智的介紹他認識了現時丈夫楊長智，而二人第一次約會是在草蜢紅館演唱會的後台，結果蔡一智當了月老，成功牽紅線，Jade和楊長智拍拖多年後結婚！所以，草蜢開騷，Jade一家三口拉隊現身支持！
心心還收到契爺蔡一智送上個唱衛衣，獨一無二的！
促成幸福美滿姻緣
十一年前，蔡一智同太太周雪芳結婚，周雪芳找來關心妍當伴娘，而楊長智做兄弟！估唔到二人冇幾耐開始拍拖，之後結埋婚，緣份天注定！所以今年阿智的結婚周年，就約埋關心妍夫婦一齊慶祝！關心妍在其Instagram留言話：「雖然每年都講，雖然講了十一年，但還是要感謝你們倆(蔡一智和周雪芳)，將這幸福Yangjonas(楊長智)介紹給我！Happy 11th Anniversary！拍拖十一周年快樂 ，結婚十一周年快樂。」而楊長智亦有發文表示要多謝蔡一智和周雪芳：「祝你們結婚十一周年快樂，多謝關心妍。拍拖十一周年快樂， Alllove。」
暖宮成功造人
Jade在09年下嫁楊長智，對於生B一事，當時二人有感大家年輕所以不急於全力造人。一年一年過去，Jade到33歲開始認真計劃，期間曾停工休息，希望在無壓力下造人，但都食詐糊。兩夫婦曾互相質疑過，再扶持，尋遍坊間的求子秘方，甚至考慮人工受孕。Jade覺得要試任何懷孕方法前，必先養好身子，就是暖宮。幾經辛苦二人前年底終於有好消息，Jade自然懷孕成功，去年7月誕下女兒｜Jade笑言得知有孕的一刻，如果可以跳的話，真是開心到跳起！
填補心中的遺憾
不經不覺心心已經1歲多，見佢眼大大、頭髪濃密，面仔紅卜卜，成個洋娃娃咁，真係人見人愛，有網友封佢做「萌主」！對於丈夫和女兒走進生命，Jade覺得很感恩，因自小爸爸離異，她對從來沒有過父親節的她是很感動，也填補Jade心中的遺憾。
和心心上契
今年農曆新年，蔡一智和太太周雪芳帶同一對子女去關心妍家拜年，更帶金飯碗同心心進行上契儀式，現時兩家人也會在大時大節約埋慶祝！
歌手關心妍（Jade）與前藝人馬小靈為12月16日於九展舉行的慈善晚宴拍MV宣傳。首次拍MV的小靈有點緊張，但兩人自節目《歡樂今宵》認識至今已十多年，一開拍已盡顯默契，很快完成導演的要求。受訪時，Jade指這次選了自己8年前的歌曲《另一個舞台》：「嗰時搵咗陳輝陽作曲同林夕填詞，想鼓勵唔同朋友跌倒之後重新站起來。」她感謝前唱片公司老闆何哲圖讓自己免費使用歌曲，希望透過MV分享朋友戰勝情緒病的經歷：「小靈個分享好感動到我，所以邀請佢。」
去年患上情緒病
小靈大讚Jade唱功好，又懂得吹難度甚高的色士風，但談到去年患上情緒病就表示十分恐怖：「表面上冇傷痕，但去玩同見到仔女都唔識開心。」本來做藝人的她數年前轉職做地產及保健食品傳銷，工作量大增：「加上我有兩個小朋友，又買咗層樓，好吃力，覺得自己好渣，唔想出街，瞓唔到覺，耳鳴，體重得番89磅。」後來她幾乎與朋友斷絕來往，整天不說話，更失掉幾個配音工作，幸得家人與朋友支持，積極求醫才有好轉。
Jade指慈善晚宴將筵開50至60圍，籌得善款會用作開設中心，協助邊青、有情緒病及抑鬱症人士免費得到輔導與治療：「當日會有拍賣，大家亦可以透過facebook捐款或者買枱。今次係我嘅妍亮生命慈善基金同全康澄心基金第一次攜手籌款，共用資源係好新嘅突破。另外我都希望租地方開一間中心，親自教低收入家庭嘅小朋友音樂同唱歌，幫佢哋搵到方向。」
同老公調轉身份
問到老公有否幫手照顧女兒心心？Jade就讚對方是好幫手：「我哋會配合，我依家做基金，佢會多啲睇心心，因為我哋通常都係自己湊。如果佢唔喺屋企，我都希望佢快啲趕返去睇住。」她坦言多謝老公幫手，讓她安心幫助社會。至於在老公面前可會變成小女人？她就自爆：「冇刻意強定唔強，有時我係男人，佢係女人，有時調轉。一段關係冇話邊個嗲啲，有時我會變咗個男人咁話『要咁樣做呀』，有時佢就會好嗲咁話『哎呀，好眼瞓呀』，最重要係大家點配合大家，互相包容、體諒同幫手。」
關心妍髮型：Angus Leung @ hip Hair culture
關心妍化妝：Cyrus Lee
馬小靈化妝：MOD – Constance Chan
Jade同馬小靈一齊拍MV。
老友鬼鬼。
為慈善出心出力～
小靈大讚Jade唱功好，又懂得吹難度甚高的色士風！
Jade指慈善晚宴將筵開50至60圍，籌得善款會用作開設中心，協助邊青、有情緒病及抑鬱症人士。
馬小靈
關心妍（Jade）現身山頂明德醫院出席抬轎比賽，Jade透露其「妍亮生命慈善基金」將於今年底舉行慈善晚宴，近日她正積極找人買枱，一共有60圍枱，現在已賣掉一半。Jade說：「仍有一個月時間去努力，是有一點兒吃力，因為今次目標是開服務中心，大約需要300至400萬，希望可以完成這數目。」
Jade今次可謂碌盡人情卡，邀請不少圈內朋友幫忙，更笑說比做演唱會更困難，為了快點湊夠數，下個月她更接了兩個內地騷，Jade話：「沒辦法吧！真是想幫到有需要的人。」（攝影：羅安強）
關心妍為慈善真的仆心仆命。
早前許廷鏗找來好朋友關心妍幫手拍攝《原來我可以哭》MV，他們更專程飛到台灣拍攝，果真落足本。MV播出之後，唔少人都將重點放在關家姐身上，事關在MV入面，關家姐的苦情戲觸動唔少網民內心，更有不少人留言謂︰「乜佢原來咁好戲咩?」
喺MV入面，關心妍同許廷鏗都扮演救護人員，劇情講到關心妍的男友在意外中死去，而關心妍就同許廷鏗趕到災難現場，關心妍見到男友之後當然拼命搶救，劇情係有啲老土，但幸好有關家姐大大滴眼淚加內心戲搭夠，令整個MV甚為淒涼。
網民睇完成個MV，都話︰「關心妍演得好好」、「很用心的演繹!很投入」。雖然關心妍過往冇乜拍過劇，但她就拍過不少廣告，相信唔多唔少都對她的演技有幫助嘅。
好大粒眼淚
關心妍今次扮演醫護人員
男友死掉，搞到關心妍傷心到哭了
呢一幕有網民大讚關家姐表現很好
佢今次唔係扮醫生，而係扮醫護人員，仲要係負責揸車
歌手關心妍（Jade）精神奕奕以大使身份出席抬轎比賽，她透露活動收益有部分捐給其成立的「妍亮生命慈善基金」，Jade說：「希望落力籌多啲善款，因為基金年底搞個慈善晚宴， 因為得番1個半月時間，仲有一半枱未賣。」隨即答謝不少藝人拍片宣傳，Jade說：「 好多藝人二話不說去拍片宣傳，不過暫時離目標仲好遠，因為想開一間服務中心。（碌盡人情卡？）仲慘過自己開演唱會。」她再自爆要開始復工搵銀，Jade說：「下個月有兩場內地騷，都擔心慈善晚宴唔夠錢，因為Book場同製作都要錢。（依家要拋個身出嚟工作？）冇辦法啦。」
問到為何不見其老公楊長智及囡囡到場支持？Jade說：「太早未起身，帶囡囡出街好論盡，加上又要打扮吓。（唔敢一個帶佢出街？）都已經習慣，佢都好聽話，逢星期一、三、五都會帶佢上playgroup，因為唔使見人，所以我就唔使打扮。」
關心妍驚唔夠錢搞慈善，要復工搵銀呀！
佢笑言冇辦法，要拋個身出嚟！
佢笑言冇辦法，要拋個身出嚟！
今日未見老公同囡囡，佢就話太早！
帶囡囡出街好論盡！
但大讚囡囡好聽話！
關心妍、老公楊長智及囡囡（資料圖片）
關心妍(Jade)今朝以大使身份出席山頂明德醫院「枱轎比賽」活動，仲同比賽嘅健兒打氣。Jade話第一次做呢個慈善活動大使，覺得好有意思，仲話今次自己嘅「妍亮生命慈善基金」係受惠機構，所以一定要支持。Jade平時鍾意自己湊女唔假手於人，不過今日因為太早，囡囡都仲未起身，加上有工作在身，所以就交囡囡畀老公照顧。
Jade最近忙緊自己嘅慈善基金同「全康澄心」合作喺年底搞嘅大型籌款晚會，努力搵人買枱，佢話：「今次會有5、60圍，o依家賣咗一半左右，得番一個月時間，希望可以賣得晒，都有啲吃力。因為今次目標係開服務中心，大約要300至400萬，夠2年營運，希望可以跑埋佢。」而Jade就話好多圈內朋友都有幫忙，碌咗唔少人情卡，佢話：「真係仲難過開演唱會好多，演唱會只係請嘉賓，唔使碌啲錢返嚟。其實我好耐都冇接嘢做，下個月就接咗兩個大陸騷，感恩想做番嘢嘅時候就有，萬一唔夠都可以跑番條數。」為咗「跑數」復出？Jade話：「冇辦法啦！真係想幫到有需要嘅人，有情緒病嘅人可能會係潛藏咗，只係冇理冇去醫，我有個朋友就係喺完全冇先兆下跳樓，係得人驚嘅事，所以要多啲關心身邊嘅人。」
關心妍話下月搞嘅慈善晚宴，要碌好多人情卡。
關心妍今朝出席活動，囡囡都未起身，唯有將佢交俾老公照顧。
