眨吓眼，關心妍與楊長智 的囡囡Jovia榮心已經快三個月大，本月14日便會在四季酒店舉行百日宴。Jade身邊的好友都知道他們用了七年時間追B，個個都要兩公婆「大搞」，不少好友紛紛獻計，有些更拍心口為百日宴做顧問和設計。這個非一般百日宴以演唱會為主題，Jonas更在兩個月前開始籌備這個大project，起初Jade聽到整個製作時都有點愕然，笑說比自己搞演唱會時更誇張。
現在Jade專心湊女，而且心心很黐媽媽，拍照都要捉住Jade的手指。
幫心心拍近照，她非常合作，表情多多，又嘟嘴、又伸腳。
Jade和Jonas為囡囡舉行百日宴，特別設計了邀請卡給好友，在牀上的心心眼仔碌碌，非常可愛。
啱啱生咗囡囡楊榮心（Jovia）嘅關心妍，唔經唔覺Jovia已經3個幾月大，今日有周刊報道話，爹哋楊長智同Jade將會喺14號幫囡囡喺四季酒店搞個百日宴，嗰日先會同屋企人午宴，之後再同啲朋友搞party，費用已經近一百萬。
Jade話為咗呢個百日宴，唔單止老公有好多想法，身邊啲朋友都提出咗好多意見，古巨基仲話不如喺演唱會舞台，到時送出驚喜，搞到覺得比自己個演唱會仲要誇張，大家真係好錫Jovia。
講到佢嘅湊女生活，Jade話0依家已經冇餵人奶，囡囡亦都好痴身，但係最難反而係餵佢飲水，每日要出動爹哋、工人姐姐同埋佢自己先以成功。至於會唔會追第二個？Jade話唔敢刻意諗，如果有梗係開心！
關心妍話唔敢諗追第二個。
Jade話爹哋為咗囡囡嘅百日宴，諗咗好多計劃。
【on.cc東網專訊】 歌手關心妍（Jade）今年七月誕下愛女楊榮心，升呢人母嘅佢最近停工照顧囡囡，但亦不忘喺網上分享湊女嘅幸福點滴。Jade呢日喺社交網分享帶囡囡打針，仲自爆當時囡囡好乖冇扭計好叻叻，Jade留言話：「打針都算好冷靜，媽咪就放心哂（晒）。」唔少網友見到後大讚Jade嘅囡囡好乖巧，仲話佢只係約三個月大，頭髮已經生得勁濃密，而且眼仔睩睩好精靈，認真CUTE爆！
媽咪抱抱！
B女3個月大已經超多頭髮！
有些人，命運十分相似，但他們從來不是戀人，甚至大纜都扯唔埋。
就好似丁子高和關心妍，他們的人生、走的路、甚至另一半……如倒模倒出來！不信？由丁生在Instagram講解一下。
「呢位女士同我同年同月同日生⋯差一年一齊入行⋯另一半都係姓楊又係同年⋯尋晚發現我哋仲要係同一間醫院出世⋯。有冇(無)咁邪㗎？」
對！有些事冥冥自有主宰！
(即時娛樂)
丁子高都話跟關心妍的命運似到驚！(丁子高Instagram圖片)
source: 丁子高Instagram圖片
【on.cc東網專訊】 歌手關心妍（Jade）早前生咗囡囡楊榮心，身為好友的張栢芝今日就帶埋兩個仔Lucas同Quintus去探BB，栢芝的官方微博上載咗幾張合照，見栢芝抱起榮心手勢純熟，果然係兩子嘅媽媽，而關心妍就抱起自己隻狗仔，Lucas同Quintus兩兄弟高咗好多，仲愈大愈似樣。
探BB當然要準備禮物啦，不過栢芝就唔係送衫仔、嬰兒用品呢啲行貨，而係自己親手畫咗一幅BB油畫送畀關心妍同佢囡囡，真係特別得嚟又溫馨。
栢芝寶刀未老，抱B手勢好正宗。
似乎Lucas（中）同Quintus（左）都有禮物收。
栢芝抱咗榮心，心妍只好抱狗。
栢芝親手畫咗幅油畫畀關心妍，又幾特別喎！
榮心都望住栢芝姨姨，心諗邊個嚟呢？
待Jade休息兩天，親友便陸續到醫院探望媽媽和BB，Jade說現在傷口還有些少痛，要吃止痛藥，但精神很好，一家三口還拍了不少全家福。遺傳了爸爸基因，Jovia有一對小酒渦，而美人啄和尖尖的下巴就似足媽媽，Jade說：「我和老公都不算太多頭髮，但Jovia一出世就很多頭髮，『的水』還可以繞去耳仔，真的是『馬騮仔』。」Jovia表情多多，但一直都「爛瞓豬」閉着眼睛，直到食飽飽，Jovia終於眼仔碌碌四圍望，還識得望着鏡頭，表情好鬼馬。
「爛瞓豬」Jovia食飽飽就眼仔碌碌，仲識得望住鏡頭，一對小酒渦似足爸爸。
老公陪入產房
Jonas幾晚都在醫院過夜陪伴老婆，不過他說累都累得很享受，大家都笑Jonas陪老婆入產房一定會哭，結果大家都跌眼鏡，他說：「我和Jade都沒有哭，那一刻，大家都呆住望實BB，好感動。」Jade選在本月二十三日開刀，為什麼會選擇這天？Jonas說他們都是基督徒，沒有刻意擇日子，而Jade考慮過自然生，後來打算在自己生日，即七月三十一日開刀，之後Jonas對她說：「BB小時候同一天慶祝生日當然好啦，但她長大後，跟男朋友出外慶祝，就可能不會與媽媽慶祝生日了。」雖然想得有點遠，但橫豎都在預產期內，Jade就決定早一點見Jovia，又避免長大後的Jovia，會忽略了媽媽的生日。
擔心囡囡與愛犬相處
留院六日，Jovia在周四回家，Jade一早已佈置好BB房，兩公婆最擔心是囡囡跟愛犬Butter相處，好友梁詠琪教路，回家後先把BB抱到狗仔面前讓牠聞一聞，待狗仔先熟悉BB的氣味，Jade說：「我懷孕的期間，Butter對我好似冷淡了，我估牠是呷醋，上個月Butter生日，我特別做了個狗蛋糕給牠，希望兩個囡囡都相處愉快。」Jonas特別安排了陪月，主要是照顧Jade的飲食，兩公婆會盡量親自照顧BB，「沖涼餵奶都沒有問題，醫生都話進展幾好，兩三日就上到奶。」Jade說外出時會用冰袋帶母乳外出，如果有需要，都會去商場餵人奶的地方餵母乳。
Jade會堅持餵哺全母乳，Jovia每隔兩小時左右就會吃一次，她說還好有足夠奶水 ，最緊要是BB吃得飽。
Jade懷孕重了二十多磅，Jovia出世六磅六，還有十多磅未減，相信Jade很快便會收身。
Jonas抱B手勢純熟，原來他有幾位契仔契女，抱慣了，可以為Jade分擔一下。
Jovia回家很快就睡覺，Jade準備了一張活動的BB牀，可以方便照顧BB，Jade說︰「Jovia好乖，好肯吃人奶，幸好有位陪月姐姐，幫我準備很多補身補奶的食物，好似蒸雞、黃鱔飯和木瓜魚湯。」
Jade回家第一時間就帶Jovia去看狗仔Butter，狗仔很緊張，一聽到BB喊就不停顫，相信要慢慢適應多了一位妹妹。
香港文匯報訊（記者 李思穎）關心妍（Jade）於上周六（23日）誕下囡囡楊榮心（Jovia），昨日由老公楊長智陪同下出院。穿上白衫黑褲的Jade架上墨鏡，身形渾圓明顯未修身，但精神不錯，而BB就在爸爸提着的BB籃裡熟睡。
Jade和老公手拖手步出醫院，一家三口合照時，BB籃正好背向鏡頭，避開BB入鏡，其後楊長智先跟囡囡上車返家，Jade單獨留下來接受傳媒訪問。
Jade是剖腹產女，至今傷口仍有點痛，需服食止痛藥，她表示：「如果BB早產的話便會順產，現在她在預產期內出世可以預期開刀，會為BB哺母乳，我產前好乖去上堂做按摩，作了不少準備，（叫老公按摩？）唔得㗎，之後飲湯（催乳），醫生都話我好叻，兩、三日已經有奶，令我放心。不過餵母乳每日無得瞓，每朝5、6點便起床，隔兩小時便餵一次，我會繼續堅持餵全人奶。」Jade暫時預計不到餵幾耐人奶，總之頭幾個月希望是全人奶，有需要都會借助公眾地方的母乳室，盡量在家餵完先出街，或者整好放在冰袋先外出。
Jade又透露：「BB剛出世時似我，慢慢便似爹哋，尤以兩個酒窩最似，又有好多頭髮，好似馬騮仔，啲水好長返到屋企要幫她剪一剪，（會否剃光頭？）想一想先，萬一剃完不再生出來，她會追瘦我，哈哈，（老公有否送禮物獎勵你？）沒有，BB已經是好大份禮物，她好得意，最緊要健康，原本昨（前）日出院，但驚BB黃要照燈，後來BB飲足全日人奶便無黃，可以出院，（會否幫BB沖涼？）返去先算，這幾天都是我同老公照顧BB，雖然有請陪月，不想假手於人，搞掂餵人奶已經安樂好多，（再追多個？）剛剛先生完，等了七年，如果幸運地咁快有當然好，現在有一個都好感恩。」
有女萬事足的Jade笑言老公失寵兼詐型：「我同佢講『好開心可以24小時陪住個女』，老公話我未試過這樣跟他說過，對住個女真的好冧，終於明白做媽咪的感覺，24小時都不會悶。」Jade準備整年停工休息，因要慢慢學習湊女。
關心妍（Jade）上星期六剖腹誕下女兒楊榮心（Jovia），住院6日後，今日Jade老公楊長智到養和醫院接母女出院，Jovia一直瞓喺BB籃入面覺覺豬，見佢臉蛋嘴唇紅卜卜，十分可愛。
講到囡囡，Jade就笑Jovia十足馬騮仔咁：「囡囡起初似我，慢慢就似爹哋，尤其一對酒凹，佢好多頭髮，本身今日諗住戴帽出院，但佢咁多頭髮都唔使戴，的水好長，長到要剪，真係monkey。」
Jade仲話o依家堅持餵哺全母乳，希望可以「長期作戰」，餵得越耐越好，o依家兩個鐘就要餵奶一次，而照顧Jovia唔會假手於人，呢幾日都係兩公婆輪流照顧，問佢係咪會為BB休息較長時間？佢話：「應該一整年，上晒手先，做嘢遲啲先，BB緊要。」
攝影：陳順禎
關心妍老公楊長智今日到養和醫院接Jade兩母女出院。
大批傳媒等候。
Jade今日精神奕奕咁出院。
Jovia瞓喺BB籃入面熟睡。
Jade話開頭囡囡似佢多啲，o依家就似爸爸。
猴年出世嘅Jovia，阿Jade話佢十足馬騮仔咁。
關心妍（Jade）於上周六誕下囡囡楊榮心（Jovia），今日由老公楊長智（Jonas）陪同出院。Jade被問到老公有沒有獎勵她？她表示囡囡已是最好的禮物，她不擔心囡囡會搶走老公的注意力，反而老公有投訴她只顧照顧女兒。問到會不會再追？她說順其自然，如果幸運地再有會很感恩。
Jade和老公手拖手現身，囡囡則睡在提籃中，由Jonas拿着。問到Jonas剪臍帶時緊不緊張？他笑言OK，Jade即讚老公好叻好鎮定，之後Jonas先和囡囡上車，關心妍則留下接受訪問。
她透露如果囡囡比預產期早出世，就會順產，但她於預產期內出世就選擇開刀，笑言傷口仍然很痛，不過都很努力餵人奶，日後有需要都會在街餵人奶，但會盡量在家餵完才出街。
她透露這幾天都由兩夫妻照顧囡囡，笑謂要好好學習，又說囡囡一出生就很多頭髮，像馬騮仔一樣。至於工作方面，Jade稱現在休息中，工作遲點再說，現在BB最重要。
老公陪同關心妍出院
Jonas先和囡囡上車
關心妍與老公及囡囡坐車離開。
【on.cc東網專訊】 結婚7年的歌手關心妍（Jade）終於在上周六（7月23日）在社交網站宣布剖腹誕下B女楊榮心（Jovia），並上載一張愛女腳仔相，休息多日的Jade在老公楊長智陪同下出院，穿上白色衫、黑長褲襯涼鞋的Jade拖實老公，而老公右手抽住睡在藤籃中的Jovia，一家三合大方企定定合照，細心的楊長智先與愛女上車，留待老婆獨自面對傳媒，出世不足一周的Jovia明顯勁多頭髮。
本來想順產
Jade受訪時透露傷口仍有點痛，她說：「少少痛，依家仲食緊止痛藥，原本諗住自己生，不過預產期到都未有穿羊水，所以先開刀。」Jade坦言每日瞓得少，她說：「因為全程餵母乳，所以隔兩、三個鐘頭就要餵。（有人奶？）之前好乖去咗上堂，會做功課按摩吓。（叫老公按摩？）唔得㗎。」隨即表示飲了不少谷奶湯，她說：「醫生都話進展良好，兩、三日就上到奶。（係咪餵到冇奶出？）未決定，遲啲先算，會一路試，因為唔簡單。（出街依然餵人奶？）會喺屋企餵完先出去，又或者用冰袋帶啲出去，如果有需要都會去商場餵人奶地方餵。」
BB係大禮好感恩
Jade表示最愛囡囡有兩個酒粒，她說：「真係好得意，頭髮好長，成隻馬騮仔咁，返到屋企會幫佢剪吓的水。（會唔會幫佢剷光頭？）諗緊，驚剷完唔生到時佢追瘦我。」問到老公有否送禮？Jade說：「冇，BB已經係好大份嘅禮物，最緊要健康，原本尋日出院，但因為佢太黃可能要照燈，不過尋日食足全日人奶就冇事。」問到是否識幫BB沖涼？Jade說：「返去先算，我哋兩公婆都OK，亦有陪月，但我唔想假手於人。（追多個？）啱啱先生完，都等咗七年，已經好感恩，再有當然好啦。」
停工照顧BB
Jade踢爆老公詐型，她說：「我尋日同佢講，好開心可以廿四小時陪住BB，點知老公就話妳冇試過咁樣同我講，終於明白做人父母嘅感動。」問到是否因為休息而停工？Jade承認說：「整年唔做嘢住。（妳同Neway合約好似快完？）做嘢遲啲再算啦。」
關心妍今日與BB出院喇！
老公楊長智全程拖實老婆，又負責攞BB籃。
關心妍話本來係尋日出院，但因為BB有黃所以推遲今日出。
榮升爸爸的楊長智笑得好開心。
一家三口，幾時變一家四口呀？
睇佢哋嘅笑容都感受到幸福。
BB瞓得好甜。
睇相都見到佢好多頭髮呀！
心妍話飲咗好多谷奶湯水，等BB有充足糧食。
原來爸爸都有兩個酒粒，唔通囡囡係遺傳爸爸嘅？
