懷孕7個半月嘅關心妍（Jade）同葉文輝（啤梨）、車淑梅今日到大埔桐梓做義工，為80位長者獻唱。準靚媽Jade着住鬆糕鞋現身，又向長者派利是。Jade話依家都係著厚踭：「今日吋零咋，平時都要着平底鞋。」
早前驗出有妊娠糖尿病嘅她，努力戒口節食，依家已經回復正常水平：「辛苦過演唱會，陀住佢特別肚餓、真係好難忍。」Jade仲透露醫生指BB女手長腳長，頭都好大：「唔知係咪負負得正呢？我同老公都唔高，哈。」已預約7月中剖腹生B嘅佢，話如果BB早咗出嚟都會自然分娩。
佢仲話期待臨生前食西瓜及腐竹糖水，Jade話：「我好想佢快啲出嚟，依家都好玩嘅，不過我仲未捉到佢啲手仔、腳仔印。」咁老公楊長智會否陪入產房？佢笑指老公驚血，不過好想老公陪伴：「都想佢幫BB剪臍帶，都係象徵式啫，我叫佢唔好咁擔心。」
懷孕7個半月嘅關心妍今日到大埔做義工
Jade笑指老公驚血，不過好想老公陪伴，幫BB剪臍帶
Jade着住吋零厚踭鬆糕鞋現身
on.cc東網專訊】 懷孕七個半月的關心妍（Jade）出席義工活動，着住Platform鞋的Jade同一眾老友記唱歌又烏低身大派利士，Jade表示現在比較論盡，不敢再着高踭鞋：「仲有個半月就生，上個月過咗妊娠糖尿，好辛苦架，平時開騷嗰啲慣咗減肥，但估唔到大住肚都要減，因為醫生話我有啲偏高，所以依個月都食得好清淡，大肚忍唔到餓架嗎，好辛苦架，好彩最後驗嗰時啱水平，再輕一磅。」鬆一口氣的Jade又指懷孕初期因為嘔所以吃得少，到有胃口想放肆一個月時就差少少超標，又透露現在終於可以吃得好少少。
想老公剪臍帶
Jade又講到現在BB在肚入面愈嚟愈大，經常左踢右踢，怎麼睡都不舒服：「醫生話佢手腳比較長頭又比較大，所以我會比較辛苦啲，可能負負得正啦，咁就好喇，唔使好似媽咪（身型）咁辛苦。」她表示尚未吃得涼的食物，不過因為BB開始有脂肪故令到自己感到很熱，問到會不會生出來就捨不得BB？ Jade笑言想快點見到BB，暫時還未見到BB踢的手手腳腳出來。
問到是否已準備「走佬袋」？ Jade表示暫時未，又指已經約好日子開刀，如果BB比預期早出世就順產，Jade表示好想老公一起入產房：「佢都問緊意見，其實應該好驚入面好嚴肅，佢都驚血應該，怕到時我安慰番佢轉頭，但我想佢入，得老公可以入去，或者到時叫佢帶黑超半遮咁樣。」Jade又說老公入產房才可以幫手剪臍帶，始終BB一世人得一次機會給父親剪臍帶。
關心妍表示想老公陪入產房。
關心妍透露己見約好日子開刀誕B。
Jade着住Platform鞋現身！
關心妍出席義工活動。
將為人母的關心妍（Jade）在上集《靜默的革命》講到早年陀B食詐胡的經歷，如今她得償所願，預計兩個月後B女就會來到這個世界。為迎接弄瓦之喜，Jade亦不敢偷懶，悉心作好準備。
一般人都以「照超聲波」得知BB性別，不過原來Jade用了近年新興的驗DNA方法，準繩度會更高，「驗到話99.9%係女，其實驗DNA仲可以驗埋健康狀況正唔正常。我老公好鍾意女，之前仲講笑話如果生仔就唔使特登做櫃，畀啲膠盒佢就得，因為老竇覺得男仔要Tough啲，哈哈！」由於Jade兩夫婦沒有湊B經驗，所以幾個月前已請好陪月員，又勤力刨書了解小生命每星期的變化。很多準媽媽都會上產前課程，但Jade就沒有上堂，反而覺得更重要的是預約牀位開刀，「臨時走入去生真係可能冇位，好多朋友想自然生，但痛咗十幾廿個鐘，醫生話BB開始危險要開刀，咁就會痛Double，呢樣嘢真係嚇到我。」
全力迎接新生命的Jade已經停工，她覺得陀B沒有想像中辛苦，時間亦過得比預期快。Jade小心翼翼保護腹中塊肉，就連飲食習慣都變得清淡，就像吃減肥餐一樣，「食烚雞蛋、烚雞肉同烚菜，又驚妊娠糖尿又驚肥，因為最多只可以肥30磅，我已經肥咗20磅。之後兩個月係會最肚餓，其實BB卡路里已經夠，如果我再不停食會肥到4、50磅，所以一肚餓就惟有狂飲水，真係減肥都冇咁痛苦！」除此之外，為BB改名亦令不少新手父母很頭痕，Jade透露B女要跟父親族譜採用「榮」字，但因為聖經有榮耀、榮美等字眼，所以並不困難，不過改英文名難度就較高，「我想佢跟我同老公一樣用“J”字頭，但係又想要啲冷門啲或者自己設計嘅名，真係要花啲心機改。」如果讀者有任何提議的話，不妨告訴Jade啊！
《靜默的革命》
主持︰林以諾
播出時間：逢星期日晚上十一點半至凌晨兩點
播放頻道：商業一台雷霆 881
嘉賓：關心妍
相信不少讀者也知道，《靜默的革命》其中一位常客關心妍（Jade）幾個月前開心公告自己陀B的喜訊，林牧師當然不能放過機會，要在節目親口恭喜這位準媽媽啦！
一直都計劃與老公生兒育女的Jade，結婚7年來多次失望，直至今年2月她終於得償所願懷孕，人人也替她高興。不過，原來她見到驗孕棒上的兩條紅線時，並未特別興奮，「我哋已經食咗無數次詐胡，驗嗰時係有，但隔咗一個月又冇喎。因為就算支棒話有，只係代表你荷爾蒙話有懷孕指數，係受咗孕，但嗰個胚胎係咪可以着到牀呢？要1個月後先知。」直至最近一次，Jade驗完又驗還是陽性結果，兩夫婦才去見婦科醫生，「失望過咁多次，所以我同老公本身都唔敢表現太開心，直至睇醫生見到個Mon上面有一點，先真係夠膽喜悅！」
苦等多年終守得雲開，Jade與老公當然高興，但其實兩人心裏經歷了多次掙扎，亦因難以成孕而承受過莫大心理壓力，「呢7年好多人畀唔同嘅配方我，啲人建議我飲雞汁補身、用中藥調理、針灸同戒口乜都有，去到最盡甚至諗過人工受孕。」有一段時間她不停鑽牛角尖，甚至想了很多極端的問題，「我問神，點解咁難嘅呢？我係咪要領養？我係咪唔會有自己小朋友？」Jade做義工時接觸過很多孤兒，很想幫助他們，而老公亦不介意領養孩子，不過由於身邊朋友領養後出現問題，加上家中長輩認為兩夫婦要有自己所出，令Jade不得不再次思前想後，靠禱告求神再指引方向，最後終於在適當時機與老公孕育出愛情結晶品。
其實要養育小朋友，最重要的並非領養還是親生，而是背後所負載的一份責任感，各位有意為人父母者，切記要考慮清楚呢！
《靜默的革命》
主持：林以諾 嘉賓：關心妍
播出時間：逢星期日晚上十一點半至凌晨兩點
播放頻道：商業一台雷霆881
【荷花eBook】《孕媽媽》5月精采內容
關心妍自認勞碌命生仔
人生有很多事要講綠份，特別是生兒育女一事。有人一擊即中，亦有人試足多年亦無所穫。歌手關心妍(Jade Kwan 關心妍 Official Page)和老公結婚7年一直恨有BB，更試過停工一年休養造人，但可惜一直聞樓梯響，當她最忙碌的時刻卻偏偏bingo，看來上天要考驗關心妍的戰鬥力呢！
即上荷花eBook: http://www.eugenebook.com/pregnancy.php
下載荷花eBook App : http://goo.gl/pRDnSb
#荷花親子網 #Eugeneonline #EugenEBook #Emagazine #荷花電子書 #孕媽媽 #Pregnancy #關心妍
【on.cc東網專訊】 身懷六甲的關心妍到電台受訪，講到今年的母親節感受特別不同，她說：「以前會諗籌備啲咩畀媽咪，依家會諗佢（囡囡）會籌備啲咩畀我呢？」問到以住會如何預備母親節，她表示會有花和卡，亦會揀禮物，又會揀不同顏色的花：「一齊食一餐飯，有時送禮物就畀Cash，佢鍾意咩就買咩。」她又笑言現在會同媽咪一齊傾「生仔經」。
雖然關心妍仲未生，但就已經諗囡囡遲啲會點同自己慶祝母親節，不過相信個個媽媽都會咁！
【晴報專訊】 十月懷胎，然後「兒奔生，娘奔死」，再然後數十年無微不至地照顧。母親，總是不計回報地為孩子傾盡所有。母親節快到了，本報特地請來準媽媽關心妍，以及多位星媽如梁詠琪、鄭希怡等分享她們的親子故事。今天先由大肚婆關心妍盡訴心中情。
36歲關心妍（Jade）與老公楊長智結婚七年，恨生B也恨了七年，今年二月終於宣布造人成功，並如願陀女。「現在的心情是很期待見到她，照B超（超聲波），見到她的腳仔，已很興奮，興奮到老公問我是不是黐綫，哈哈哈。我也沒想過自己會這樣，不知道她出生後會怎樣，我想，我會縱她的。」兩公婆必定錫女錫到燶，Jade未懷孕前，兩人去日本旅行，已買定BB鞋，足可見證。
今個母親節，懷孕已七個月的Jade說不會特別慶祝。「母親節適逢婆婆生日，會一家人吃飯，沒甚麼比一家人齊齊整整更開心，這次加上肚裏這個，四代同堂，很特別。每次婆婆都跟我說，你不要工作啦，幾時生啊，你不要這麼瘦了，這麼瘦如何生BB啊。現在終於有了。」她會買禮物送給媽媽及婆婆，自己則直言不需要禮物。「BB已是最大的禮物，只希望她健康，我跟老公說不要亂花錢，將錢留給BB用啦。」說時樣子冧爆。
半夜與BB說話
雖然未正式當媽咪，但Jade已經母愛爆棚。「一直以來，睡覺對我來說很重要，誰打擾我睡覺，我會發火；現在，BB凌晨踢、踢、踢，踢到我醒，我會坐起來哄她，跟她說話：『你為甚麼踢啊？你踢多幾下啦，踢完媽咪再睡。』老公問我，有沒有搞錯，平時我叫你起身，你完全不是這樣。我感受到那種母愛，她未出世，我已想無條件為她付出。」
現在，兩夫妻已裝修好BB房，她珍藏多年的My Melody公仔會全數過戶給女兒，BB床、BB被也全部準備好，陪月亦請好。至於囡囡的名字，她說：「要跟族譜，中間那個字一定是『榮』，最後那個字想在《聖經》裏搵，英文名就想用J字開頭，因為我跟老公都是J字開頭。」所以，萬事俱備，只等女兒來到這個世界。
親自湊用心教
問她會不會繼續努力生多個，她笑着說：「不敢說，這一個已經搞了這麼久，我不想給自己太大壓力，搞定這個先啦。別人說三歲定八十，三歲前，我想盡量自己湊、自己教。」眼前的她，一副慈母模樣！
撰文：黃艷
攝影：林良明
編輯：黃寶恩
設計：Alex
預產期是七月，已準備將一切最好的送給女兒。
等足七年，快將37歲的「關家姐」 關心妍 （Jade）終於一索得猴B，預產期七月！2009年，Jade下嫁金融才俊楊長智，對於生B一事，有感大家依舊年輕，未急於全力造人。一年一年過去，到33歲開始認真計劃，期間有停工休息，希望在無壓力下造人，但換來多次詐糊。兩夫婦曾互相質疑過，再扶持，尋遍坊間的求子秘方，甚至考慮人工受孕，若果都不行的話，或需領養小孩，希望最終有一個完整的家庭。
去年，Jade覺得要試任何懷孕方法前，必先養好身子，她開始每晚浸腳、戒凍飲等，令身體和子宮變得溫暖。去年底終於有好消息，Jade自然懷孕成功，她笑言得知有孕的一刻，如果可以跳的話，真是開心到跳起！
2009年Jade與楊長智結婚，七年後才懷上第一個B。
七年求子之路
「我又唔係好高齡，點解咁困難嘅？」Jade這七年間也不禁質問，她一早知道「有仔趁嫩生」，婚後一直有造人，只是頭兩年未好恨生B，抱着嘗試的心態去造，「冇就唔緊要啦，再等吓先囉，第一我哋仲後生，第二又唔急嘅。」兩年後完成紅館演唱會，休息期間又試，「都係冇，可能未得啦，都唔緊張嘅。」
33、34、35歲了，兩人開始認真就此問題思考，因為35歲開始踏入高齡產婦階段，「距離40歲得番幾年，真係要認真啲喇喎，唔可以有就有，冇就冇，因為我哋兩個都想有小朋友。」她坦言，傳媒就此問題問足七年，問到她也質疑自己，「究竟我係咪真係咁想要呢？」
她確認了自己真的渴望有小孩，2013年全面停工，有說她要退出樂壇，其實她希望找個空間讓自己喘息，做回幸福人妻，努力組織家庭。她與老公飛到自己讀書之地加拿大休息，放鬆心情去造人，以為今鋪實中，豈料試足一年卻失望而回。
Jade身邊已有很多朋友介紹學校，她有一一接收，但明白去面試的始終是小朋友，入哪一間學校冥冥中自有安排，「所以父母都冇得咁緊張，同埋學識唔係人生最重要，應該睇佢資質去揀學校。」
宣布懷孕後Jade鬆一口氣，之前為守秘密頂硬上工作。
屢食詐糊心情跌谷底
是否自己身體出問題？她尋遍中西醫求子，所有秘方、食療也一一試盡，「坊間你講得出嘅我都試過，食過好多詐糊，慢慢我哋變得沮喪，我相信所有想要小朋友但不果嘅夫婦都會明白，點解咁嘅？想要小朋友嘅時候，可以難到咁嘅？真係好難呀，難到你都唔相信，有冇咁難呀？」
這條漫長的求子之路，他們靠信仰去撐起心情，不斷祈禱「神，祢俾我哋啦。」這段路更是兩人感情的重大考驗，是你還是我的問題呢？是我的身體有事？再沒有的話是否要領養呢？這堆問題一直充斥她的腦海，常言道想懷孕要抱着輕鬆心情，但她根本不能放鬆，太多問題、太多壓力。「個心一直都會想試，我哋已經冇放唔放鬆嘅地步，唔知咩叫放鬆。好多人叫我哋放鬆啲去旅行啦，唔係咁簡單㗎。」
Jade去年為演唱會努力減磅，豈料在身形勁瘦下懷孕，如今磅數回升也不覺得肥胖。
終於有孕：開心到想跳起
甚麼方法也試盡，兩人灰心到不知如何是好，多年來連環食詐糊，去年底驗到有孕時，兩人都不敢相信，以為又食詐糊，Jade說：「唔好俾大家太大希望，費事又失望，但心情好掙扎，戰戰兢兢，要等一個月去睇醫生確認。去到照超聲波，見到真係有嘢嗰一刻，嘩！好似人哋中咗頭獎咁！唔係呀嘛？真㗎？真係開心到……啲人話會開心到喊，點止喊呀？簡直開心到如果可以跳，我哋開心到想跳起！真係唔敢相信呀！」
去年確定懷孕前，Jade反而沒有刻意做過甚麼，10月還到過澳門開演唱會，體重只剩98磅，在演唱會前後只有象徵式試一試，之後聖誕檔期又有排山倒海的工作，完全沒有任何期望。期望愈大，失望愈大；沒有期望，卻有驚喜。「依家諗番，可能只係timing問題，我依家36歲，七月生嘅時候已經37歲，我真係冇諗過會搞足七年。」
Jade怕去人多地方，早前破例去看陳慧嫻演唱會，笑到見牙唔見眼，BB更不停踢好興奮！
一班歌手包括欣宜、林欣彤、許廷鏗及胡鴻鈞等相約Jade飯敍，祝賀她生個肥肥白白靚B。
暖腳有助暖子宮
Jade的經歷，令一班恨生B卻苦無結果的夫婦，重燃希望，她以過來人身份向求子的女士分享道，女人必須要養好身子，「以前我冇咁乖，試過飲中藥唔得就算，咁我冇可能長期用中藥調理，一路調理一路都冇係好沮喪㗎嘛。後來我試吓天然食療，戒凍飲、多飲紅棗水，又從日常生活改變吓習慣，開始做一啲暖子宮嘅嘢。」
腳部是人體的「第二個心臟」，中醫亦有云：百病始於足，故女人的腳部護理十分重要，好好溫暖雙腳能有效促進血液循環、促進睡眠，更有助溫暖子宮，於是Jade每晚臨睡前浸腳，在家也着襪，長期保持腳部溫暖。「女人對腳好緊要，寒氣、濕氣都喺對腳吸上去，好多人返到屋企就除晒鞋襪，好舒服呀，或者覺得熱呀，原來唔着拖鞋係唔好，仲應該要着襪，我好乖每晚臨瞓都浸熱對腳，我相信或多或少都有幫助。其實任何方法都一定要身體好，就算做試管都要睇自己捱唔捱到，成功令受精卵着床。」
Jade懷孕五個月後肚子急速變大，頭幾個月覺得身體輕盈，五個月開始瞓覺會覺得扯住。
●撰文：Ling
●攝影：Clay Lam （部分相片由受訪者提供）
【on.cc東網專訊】 歌手關心妍（Jade）接受電台訪問，講到終於知道胎中的BB是小公主，她表示：「之前買床仔都係揀隻男仔女仔都啱嘅色，依家終於可以布置下，同埋我可以將自己啲公仔過戶畀佢。」
講到幫囡囡改名，她表示除了族譜中的「榮」字，會再在聖經揀一個字：「英文名就想用J字開頭，因為我同老公個英文名都係J字開頭，亦都會再問下長輩。」她又講到家中的狗狗即將升呢做「姐姐」：「頭個幾月個佢有啲脾氣，可能因為荷爾蒙轉咗，但到依家佢會圍住個肚係咁錫佢，好似知道咗有個小生命係裏面咁。」
生個囡囡可以陪媽咪玩，應該要生多個男仔陪嗲哋囉。（資料圖片）
