Category Archives: 心妍其他新聞

09年與從事金融業的楊長智結婚，關心妍去年7月終於誕下兩人的首個愛情結晶，女兒Jovia(心心)，從關家姐榮升做關媽媽。

現在女兒15個月大，關心妍一邊親力親為照顧起居飲食，一邊也在忙着處理自己名下「妍亮生命慈善基金」將於十二月舉行的慈善晚宴。今年活動主題是關注本港青少年自殺問題，關心妍在籌備的同時，也檢討反省自己用在心心身上的那一套：「我成日同佢講做人唔一定要perfect，跌低咗就要自己爬起身。fail咗冇所謂，咪試多一次囉！」

身教最重要 獨立有禮緊要過學ABC
關心妍三年前成立「妍亮生命慈善基金」，本來是專注於幫助青少年吸毒和戒毒問題。不過有鑑於近年學童自殺個案大增，今年的慈善晚宴於是聯同支援心理輔導和治療的「全康澄心」，為服務中心籌集經費。「我自己從事青年服務十四年，成日會對住中學生講要自強不息、唔好掂毒品。其實有時等到中學先至糾正佢哋、同佢哋講呢啲已經太遲，所以我細細個就會灌輸俾心心聽，跌低咗要自己識得爬起身、俾人搶咗玩具唔使一定要爭番。我唔需要佢讀名校、唔使佢學好多課外活動，識ABC、識計數但係唔識講唔該、輸唔起又有咩用？唔好以為佢哋細就咩都唔識，其實講道理之餘身教最重要，所以心心依家15個月已經知道要帶婆婆去坐低、一定要尊重長輩，同埋去到play group都好獨立，一句bye bye媽咪就自己走埋去上堂。」

向電子奶嘴say no 囡囡食飯要面壁
眼見時下的問題少年家裡要不然漠不關心，要不就是過度寵溺、過度施壓，關心妍和丈夫Jonas為人父母以後邊做邊學，分工合作希望找到平衡：「我做娛樂圈，咁多年嘅習慣都係要快、要見成果，樣樣嘢都好心急。有咗心心之後，開始學識好多嘢急唔嚟，對住小朋友耐性真係好重要。而佢爸爸錫佢之餘都明白過份縱容冇好處，所以有啲家規同底線好分明。雖然佢得15個月大，老公已經定咗一套規矩，要求佢食飯時一個人對住面牆食，等佢專心食飯唔好分散注意力，食完至可以落櫈去玩。實行幾個月，爸爸呢一套真係好使就算出到去食飯，人哋個小朋友又玩具又ipad又要追住嚟餵，但係心心咩都唔使，廿幾三十分鐘食完餐飯就自己走去玩。唔好以為佢哋細就唔教，其實好多習慣係由細陪養。」

不說不知道，其實關家姐好煮得！下回分解，看看做媽媽前包辦老公早午晚三餐，做媽媽後關心妍又為女兒泡製甚麼愛心茶點。

2017年10月27日 Easy PaMa 關心妍 (下) : 女仔矝貴發自內心
http://www.jadekwan.club/zh-hk/?p=5267

關心妍（Jade）於上周六誕下囡囡楊榮心（Jovia），今日由老公楊長智（Jonas）陪同出院。Jade被問到老公有沒有獎勵她？她表示囡囡已是最好的禮物，她不擔心囡囡會搶走老公的注意力，反而老公有投訴她只顧照顧女兒。問到會不會再追？她說順其自然，如果幸運地再有會很感恩。

Jade和老公手拖手現身，囡囡則睡在提籃中，由Jonas拿着。問到Jonas剪臍帶時緊不緊張？他笑言OK，Jade即讚老公好叻好鎮定，之後Jonas先和囡囡上車，關心妍則留下接受訪問。

她透露如果囡囡比預產期早出世，就會順產，但她於預產期內出世就選擇開刀，笑言傷口仍然很痛，不過都很努力餵人奶，日後有需要都會在街餵人奶，但會盡量在家餵完才出街。

她透露這幾天都由兩夫妻照顧囡囡，笑謂要好好學習，又說囡囡一出生就很多頭髮，像馬騮仔一樣。至於工作方面，Jade稱現在休息中，工作遲點再說，現在BB最重要。

老公陪同關心妍出院

Jonas先和囡囡上車

關心妍與老公及囡囡坐車離開。

懷有身孕的關心妍(Jade)現身馬天佑蛋糕店開張，她指老公與馬天佑相熟，派她來恭賀對方，預產期於下個月，出席本周日楝篤笑活動後，便全面停工。

Jade於7月31日生辰，她想B女於7月中出世，暫沒早產跡象，本想開刀，但如早產就自然分娩，所以要練氣同游水，都怕痛及心情緊張。Jade已拍大肚照珍藏，有否拍全裸孕照？她說也想，但拍攝那刻沒有，或下次吧。會再生？她稱沒特別計劃，聽聞生了一胎後會較容易再有孕。她更為囡囡改乳名Bubble，與其愛犬Butter同是「B」字頭。

已懷孕八個多月「小公主」的靚媽關心妍 (Jade) ，預產期在7月中。Jade坦言現階段比較辛苦，很容易疲累。而早前體檢時因磅數過重，醫生擔心有妊娠糖尿，所以勒令要減肥控制體重，Jade笑言比做演唱會更辛苦。

第一次當媽媽的 Jade，早前特意跟肚裡的小公主拍了一輯靚靚寫真以作留念。而臨盆在即的 Jade 亦為小公主作好準備，最近跟老公四出搜羅 BB 日用品。

Jade 表示 BB 出世後希望能餵哺母乳，Jade透露已讀了很多有關餵哺母乳的書籍及資料，亦問了很多已當了媽媽的朋友意見，大家都很贊成母乳育嬰。除了同老公上堂學習母乳育嬰，Jade透露亦向Gigi偷師。

關心妍(Jade)的預產期是7月，睇住個肚一天一天長大，她跟老公Jonas拍大肚寫真留念，Jonas在Instagram貼上兩人開心合照。Jade與老公同接受《明報周刊》訪問，他們已為囡囡改乳名「Bubble」，皆因家庭成員也有「B」字頭的花名。

她透露為迎接囡囡來臨，二人世界的舊居唔夠住故出售，再以4千萬購入大坑徑名門，二千多呎有5間房的新居展三人新世界。Jade爆老公要揀5個房間的新居，就是主人房、工人房與Jonas的工作間外，還有兩間客房作BB房，個女都未出世，他們已想追多個了!

關心妍(Jade)挺住7個多月大肚到大埔一童軍中心出席義工活動，手腳纖瘦的她穿上吋半鬆糕鞋，仍健步如飛。她透露早前努力減肥，終於通過妊娠糖尿測試，放下心頭大石，更笑言佗B減肥慘過做騷減肥。

Jade表示已擇日在7月中開刀，但若BB早了出生也會試試自然分娩。問到會否要求老公入產房？她直言希望老公陪伴及剪臍帶，但老公怕血兼緊張，仍在考慮中。

Jade笑佗B減肥慘過做騷減肥。

36歲的關心妍（Jade）因為突如其來的驚喜打亂晒時間表，挺住5個月巨肚的她堅持要做埋新歌《空心人》宣傳先可以閉關安胎。日前做完嘢的Jade去中環做產檢，雖然由落車到上診所只係幾分鐘路程，但由於人來人往，老公楊長智變緊張大師全程拖到實，有個廿四孝老公貼身照顧，Jade好幸福。

上周Jade去中環睇醫生時，老公唔想老婆咁辛苦兜路行，選擇在診所附近位置的雙黃線落車，Jade上落車老公都好細心咁扶到實。而改穿平底Boots，手挽名牌手袋的Jade雖然冇戴口罩，但手提空氣清新機不離身，用嚟淨化空氣預防流感。沿途兩公婆有講有笑，呢個小生命帶畀兩公婆無限喜悅。

最近流感肆虐，Jade頻頻外出開工就中過招，她說：「我咳到扯住個肚皮，好彩醫生話媽咪咳係唔會影響到個胎，不過可能BB嫌我好嘈，咳親都會起腳踢我，好搞笑。依家唔使開工就盡量留喺屋企，老公外出回家都會立即沖涼同消毒，平日會帶埋部空氣清新機出街，呢部機其實唔貴，不過要配合有殺菌作用嘅香薰。」

今次產檢報告話BB好健康仲比正常Size略大，預產期7月的她興奮自爆：「我唔會揀同佢同一日生日（7月31日），長遠去諗佢第時要同老公、男友慶祝生日嘛！」言下之意咪生B女？她即笑住補鑊：「係因為我鍾意囡囡，希望諗得多會成事啫，我仲等緊驗血報告呀。」

關心妍（Jade）接受訪問時透露懷孕快六個月，每早六時被BB踢醒，又說近日肚子突然大了很多，皮膚撕裂十分痕癢，幸好暫時未有肚紋，但都要努力搽Cream及忍手不可抓。

腹大便便的Jade笑言開始有「論盡」感覺，希望盡快做完手上工作全面停工，不過BB性別要待復活節及清明假期後復工才出報告，心情忐忑不安，她與老公都恨生女，希望開口中。

懷孕5個多月的關心妍（Jade）接受電台訪問，表示復活節後便知道BB性別好緊張，佗B後多了十條白頭髮，笑言好恐怖，以前沒有白髮，證明BB不斷吸收營養，但又不能染髮，要補充鈣質。

Jade亦會開始做運動，如步行跑步機及游水，記者笑指上圍升cup的她穿泳衣「碧波盪漾」，Jade笑言有幾個浮波，睡覺不能躺着睡頗辛苦，要打側睡。問老公有否學湊B？她自稱與老公也不懂湊B靠陪月，好友送了很多育嬰書，現時像考試般睇書，又說與老公不會是怪獸家長。