Category Archives: 心妍影片

【on.cc東網專訊】 歌手關心妍腹大便便出席活動，她透露現在已經停工，是次純粹賀朋友的蛋糕店開幕。而預產期在七月中，她說：「我7月31號生日，希望BB大概十幾號或者廿幾號個禮拜出世，暫時冇乜早產跡象，諗住開刀，但如果早產都會試吓自己生，所以依家要游水練氣，因為自己生要Push道氣出嚟。我怕痛，醫生話近來好多孕婦早產，如果唔想早產就唔好食生冷嘢。」

準備再追第二胎

早前拍攝大肚照，她自爆原本想全裸上陣，但臨時改變主意，笑言留待下次。問是否準備會再追第二胎？她說：「我就冇計劃嘅，但好多人話生過好容易會再有，睇吓點啦！（產後不設防？）我試咗七年啦，不過好似話開刀唔可以咁快生，睇上帝旨意啦！唔係我決定。」

囡囡乳名Bubble

她又透露已訂了床位，希望B女不要早產，因為床位爆滿，怕早產沒有床位。現也為囡囡改了乳名「Bubble」，因為家中愛犬叫「Butter」。

已經停工的關心妍腹大便便出巡，只是為撐老友場。

腹大便便的關心妍透露預產期在七月。

馬天佑上前慰問關心妍。

關家姐出巡，閒人彈開！

關心妍暗示想生完後再追多個。

關心妍笑言追多個要交由上帝安排。

馬天佑（右起）、關心妍、少爺占等為新店開幕切蛋糕。

關心妍望BB女不要早產，否則隨時冇床位。

【on.cc東網專訊】 靚媽關心妍（Jade）已懷孕八個多月，她的「小公主」下月中就出世，肚子一日比一日大的 Jade，坦言現階段比較辛苦，很容易感到疲累。早前體檢時因磅數過重，醫生擔心有妊娠糖尿，所以勒令要減肥控制體重，Jade笑言比做演唱會更辛苦！

餵母乳學問多

第一次當媽媽的Jade，早前特意跟肚裏的小公主拍了一輯靚靚寫真留作紀念，而臨盆在即的她亦為小公主作好準備，最近跟老公四出搜羅BB日用品。Jade坦言希望餵哺母乳，她謂：「已經讀咗好多有關餵哺母乳嘅書同資料，亦問過好多已經做咗媽媽嘅朋友意見，大家都好贊成母乳育嬰，因為母乳可以為BB提供全面嘅營養，同時亦有助媽媽身心健康，最重要係能建立親密嘅親子關係！我同老公早前特登上咗一趟母乳育嬰嘅課程，真正了解到餵哺母乳有好多學問，例如餵哺技巧，媽媽嘅飲食習慣等，真係上咗寶貴一課！為咗BB身體更健康，雖然餵人奶比較辛苦，但我都希望可以。」

關心妍佗B 8個幾月，臨盆前影大肚寫真又上堂學餵母乳！

拍攝當日老公都喺度！

Jade坦言現階段比較辛苦，因為怕會妊娠糖尿，所以要控制體重！

而且早前仲同老公上堂了解餵母乳技巧同媽媽嘅飲食習慣！

懷孕7個多月的關心妍昨日出席義工活動，她透露早前努力減肥，終能通過妊娠糖尿測試，她說：「之前一個月食得比較放縱，超重咗7磅，佗B嗰種肚餓真係好難忍。」

關心妍透露已擇日於7月中開刀生產，但如果BB早了出生亦會嘗試自然分娩。問到會否要求老公陪入產房時，她直言老公很怕血，「不過我都想佢入產房同剪臍帶，可能到時捉佢入去。」

關心妍挺着巨肚出席活動。

Jade笑佗B減肥慘過做騷減肥。

懷孕7個半月的關心妍今日出席活動，她穿上1吋多平底鞋，笑言現在較「論盡」，不敢再著高跟鞋。關心妍透露，早前放縱飲食一個月，暴肥7磅，醫生擔心她有妊娠糖尿，故她辛苦減肥，關心妍笑說：「我上個月很擔心，之後努力地吃得非常清淡，辛苦過平時做演唱會，因為我平時能抵受肚餓，但佗住BB的肚餓真的唔講得笑，真的很辛苦。所以終於減到符合水平，還瘦了一磅，現在通過檢查，可以吃好一點，但也不能太過分。」

關心妍稱預定7月中開刀生B女，但若BB提早出世，便會嘗試順產。

（即時娛樂）

關心妍懷孕7個半月，預期7月中開刀生B女。（鍾偉茵攝）

關心妍早前放縱飲食暴肥7磅，現在已減到符合水平。（鍾偉茵攝）

關心妍笑言現在較「論盡」，不敢再著高跟鞋。（鍾偉茵攝）

關心妍邊唱歌邊派利市給長者。（鍾偉茵攝）

關心妍（左）與車淑梅（右）（鍾偉茵攝）