Category Archives: 心妍影片

36歲關心妍（Jade），09年結婚後一直與老公楊長智二人世界。幾年前已放聲氣想做媽媽的她，開始同丈夫積極造人，惜兩年來肚皮唔爭氣，原來血虛的她較難成孕，其後友人提議Jade隔日飲紅、南棗水補身，體質明顯有改善，再加上浸腳穿襪等暖身秘方，令「身體暖，子宮會暖，加速有孕機會。」年幾後終於成功造人，現陀B三個半月的準媽媽Jade重了七磅，腹部微隆，已減少工作，更成家中皇后，她說：「老公和奶奶唔畀我再着高跟鞋，前兩日我話想食雞蛋仔，丈夫專程撲半個鐘買畀我，到4月前停工待產。」

採訪：方騫平　協力 : 林書鉉 攝影：李維隆　化妝：Cyrus Lee

髮型：Angus @ hip hair Culture 服裝：Germain 場地：木+木IDG Concept@塘尾道福強工業大廈A座306室

年半前，關心妍以獨門暖身法調理身體逾一年後，加埋學茶道，飲熟普洱此類正氣茶有助健康又可以暖身，終於成功造猴B。她說：「年半前開始全面戒凍飲，每日飲用紅、南棗水及晚上用熱水浸腳，健康開始有改善，效果比之前飲補身中藥仲好啲，中藥反而飲到我心跳加速，依家好感恩陀B三個半月，生個猴BB加埋肖虎嘅老公一定恰死我呢隻羊媽媽！」

4月停工待產

農曆新年前公告喜訊的Jade，昨日接受本報電話訪問時難掩喜悅，笑個不停，她說：「之前食過幾次『詐胡』，檢孕棒測到有BB，到睇醫生又無，所以呢次疑似有喜個半月去檢查，真係照到有BB，嗰刻開心到難以形容，眼有淚光不停咁笑。其實自去年十月澳門個唱後，我就密謀造人，點知真係中咗，呢個真正係『made in hong kong』好驕傲！好難頂係啱啱有喜時，撞正頒獎禮、除夕元旦騷等，頭兩個月陀B一聞到生果味就嘔，連平日最愛的咖啡奶茶都唔想飲，開始轉食甜、酸和辣嘢，雖然食辣嘢唔好，但食辣先有胃口。有幾次做嘢時嘔，我都只可以話係『腸胃炎』，唔敢公開住，踏入第三個月才無嘔。(幾時停工？)等農曆年後，宣傳埋首新歌，大約陀B五個月就全面停工，預產期係七月尾，會在香港生，不過開刀定自然分娩就未定。」

昨日宣佈快將做媽媽的關心妍，陀B三個半月，重了7磅，腹部微隆的她被丈夫恩愛拖到實。

胃口大逆轉的關心妍，平曰最愛食生果，飲咖啡奶茶，但陀B後居然全部唔like，只嗜甜酸辣。

昨日(3日)，關心妍攬猴公仔在個人網誌公告喜訊，「新一年，家裏多了一位小成員呢！」

■歌手要長期Keep Fit，開Show更要極速減肥其實好傷身，所以Jade之前都花了一段長時間食中藥調理身體。

老師Tommy指導關心妍拎茶壺手勢，最忌勾起手指尾。

兩周前，陀B三個月的Jade接受本報訪問時，雖然未宣佈喜訊，但就全程笑笑口，難掩喜悅。

Jade端坐椅子中央，雙腿貼實，上身挺直，雙肩放鬆，頭面向正面，面部表情自然才符合茶道儀態的要求。

暖身法助懷孕

關心妍透露坊間所有生仔秘方都參考過，但得出嘅結論係暖身尤其重要，遂開始日日飲紅、南棗水，加睡前浸腳、穿襪等三部曲，終於成功懷孕。

步驟1. 6粒去核紅棗煲十分鐘後放入暖壺焗半小時，當水飲。因紅棗太燥，隔日改煲南棗水，方法一樣。

步驟2. 睡前，開水浸腳，加入一小瓶蓋燒酒入熱水，浸十五分鐘。

步驟3. 每晚穿襪瞓，暖身。

紅棗水

2009年結婚的關心妍，多年嚟都積極造人，今日終於傳來好消息!佢喺微博放圖公佈終於懷孕了:「很想很想和大家分享這份喜悅。感謝主！ 新一年，家裡多了一位小成員呢！」

人妻關心妍喺電話向本報公告喜訊：「好開心，啱啱有咗三個半月，之前唔講得住，好多朋友都察覺唔到，證明我唔係肥好多。等咗差唔多兩年半三年，終於努力造人成功，去年十一月喺澳門開完騷，放下心頭大石努力試，十二月初有咗都唔覺，個幾月後才知，最辛苦嗰段時間接晒聖誕新年騷，嘔到不得了，大家又唔知，工作又推唔到，o依家好舒服冇嘔，BB好乖好錫我，差唔多三個月舒服晒，未知仔定女。」

Jade話懷孕兩個月時最辛苦：「食唔到嘢，不停嘔又暈，最弊接晒所有工作要開工，又唔可以話畀人知點解唔做，一日病咗就得啫，但唔可以話病成個月，公司又唔明，同事以為我腸胃炎，捱咗嗰個月好好多。」

一直恨生B嘅Jade雖然曾經諗過人工受孕，不話今次係自然受孕成功：「自己驗咗知道有，跟住去睇醫生，心情都係放鬆，等到三個半月穩定BB好健康，忍唔住同大家講，當初知道開心到喊，真係冇諗過，因為之前試咗好多時間，朋友畀好多偏方乜都試，有段時間自己都失望，唔好再諗，真係好驚喜，竟然今年就有，嗰種開心好難講，之前唔敢透露畀人知，呢啲傳統都守住，屋企人都冇講，三個月後先講，費事屋企人失望，老爺奶奶媽咪都開心得好緊要，我同老公都喊。」
Jade有咗三個半月，已經見肚，佢好開心話：「開始脹，緊身衫都着唔到。」幾時停工安胎？佢話：「因為三個月半開始穩定，醫生話可以做番嘢，不過老公禁止我唔畀着高踭鞋，我話着一吋得唔得，因為唔着唔慣，行路要好小心，唔可以跌親，可能懷孕個月停工。」

問到想生仔定女？Jade話：「真係有得揀想生女，老公同我都好鍾意女，因為哥哥有兩個仔，老公嗰邊都有仔，我哋想生個女先，家姐可以照顧細佬。o依家自己重咗6、7磅，呢排胃口正常番唔使點補，之前自己太瘦，o依家條腰冇咗，BB健康就OK，胃口暫時好好，BB好錫我，停咗嘔，又唔會成日眼瞓有番啲精神，好舒服，之前嘔咗一個月。」

之前Jade為求懷孕，不但尋求中西名醫，又試過好多偏方，佢話：「飲燉雞汁，又試過中藥、針灸、瞓熱石、飲豆漿，個個都話呢啲好，後來又聽人講飲紅棗水，飲足差唔多一年，幾乎隔日飲補番啲血，因為中藥唔可以成日食，之前中醫補得太緊要，有心悸，要睇足一年西醫，之後老公唔畀食中藥，惟有改試其他方法，夜晚日日浸腳，試咗一年，今年年尾終於成功有BB。」

Jade感恩話：「知道有BB嗰剎那，感覺真係開心到跳起，唔能夠想像，因為我哋試過太耐，好多次嘅失望，到今次有少少唔能夠相信，但就好開心，但又唔敢太開心，因為又驚唔係真，嗰個情感直至照到BB，我哋先至開心，真㗎真㗎真㗎，好似發夢一樣，有BB嘅喜樂多於任何嘢，完全形容唔到。」

恭喜恭喜!

(關心妍微博圖片)

(關心妍微博圖片)

三個半月肚

老公拖實

【on.cc東網專訊】 36歲歌手關心妍（Jade）人人都叫佢關家姐，但依家要改口叫關媽咪喇！因為結婚踏入第7年嘅佢終於都造人成功喇！佢喺微博報喜：「很想很想和大家分享這份喜悅。感謝主！ 新一年，家裡（裏）多了一位小成員呢！」佢仲上載咗張同老公楊長智齊齊拎住猴子公仔嘅相，張相仲寫住：「Monkey baby coming soon!!!!」恭喜晒呀！

守佗B秘密辛苦

Jade於2009年下嫁金融才俊楊長智後一直努力造人，過去多年多次「食詐糊」，Jade接受《東網》訪問時全程哈哈大笑，她說：「依家有咗三個半月，開始肚凸凸同緊張，預產期係七月尾。（人工受孕？）唔係。（順產？）未諗，生到會順產，睇到時情況，係一個好大課題。」Jade承認守住佗B秘密非常辛苦，她說：「頭一、兩個月佗得好辛苦嘔得好犀利，當時接咗好多Job唔推得，不停同公司講腸胃炎。」

想先女後仔

Jade透露睇醫生時老公一直陪伴在旁，她說：「知道有咗都好開心，因為試過好多次失望同食詐糊，知道後都唔敢同屋企人講，想穩定啲到三個月先講。（媽咪都唔知？）唔知，加上佢去美國，佢都係三個月先知。」問到「楊B」是否Made In HK？Jade大笑說：「應該係，因為去年十月做完澳門演唱會就開始努力。（老公有咩獎勵？）唔使啦，我應該幫佢生BB。」由於楊長智是獨子，問到是否想生仔？Jade說：「唔係，我同老公都想生女，生完女再生仔，有家姐照顧。」

佗B唔會做大帝

問到工作會否叫停？Jade說：「醫生話頭三個月最辛苦，依家可以做啲舒服嘢。（胃口大轉變？）好鍾意食嘅嘢變成唔鍾意食，好似好鍾意飲咖啡，依家聞到都想嘔，順手可以戒埋。」記者笑指可以做大帝狂點老公，Jade說：「唔會，我照做嘢，都會煮飯。」並透露身邊有不少「懷孕警察」朋友，Jade說：「已經講好多禁忌我聽。」

關家姐變關媽咪喇！

睇吓心妍同老公笑得幾開心！

拎住猴子公仔。

佗B嘅心妍明顯升CUP！

心妍同老公好恩愛呀～

【on.cc東網專訊】 歌手關心妍現身尖沙咀浸信會，出席生命反思大會。接受訪問時，關心妍透露今次為組織特別創作了一首叫《像我這樣的雅茲迪女子》，新歌講述有一個種族被伊斯蘭國追擊，更將雅茲迪的小女孩俘虜、姦殺及活埋，而今次組織更會去當地救小朋友，希望可以宣揚世界和平和改善這個情況。關心妍直言為新歌錄音前都有看過紀錄片，錄音時都感到好心痛，謂：「錄嗰時以為冇嘢，但係都流眼淚，冇諗過依啲事會發生喺個7歲小朋友身上。」當問到她現時世界發生太多事，可會嚇怕而唔想生小朋友？關心妍表示幸好對自己的信仰有信心：「希望佢會成為幫到人嘅人，唔係話要好叻或者好成功，依啲要自己教，但本身自己要係咁嘅人先。」問到她現時造人是否已經成功、她笑言：「唔知呢？都不停試緊，如果有會盡快公布。（停咗接Job？）完成埋手頭上工作就會放假，其實我都淨係唱歌，都有時間造人嘅，希望今年有啦。」

關心妍預告放假造人。

關心妍透露為組織特別創作咗一首叫《像我這樣的雅茲迪女孩》嘅歌。

關心妍自爆錄音時有喊。

【on.cc東網專訊】 與老公楊長智結婚6年的「關家姐」關心妍（Jade）一直恨生小朋友，可惜遲遲未有喜訊，早前更自爆最近以中藥調理身子。日前下午6時許，她與老公拍拖到銅鑼灣超市掃貨，兩人行到清潔用品部時巧遇路過的袁詠儀（靚靚），三人即企定定吹水。未知是Jade過於嬌小還是老公太健碩，從側面看過去，站在老公身旁的Jade完全被遮晒！

他們寒暄數句後靚靚先行離開，Jade與老公則繼續Shopping， 兩口子逛了約20分鐘已大有斬獲，楊生拿着大袋戰利品，Jade則翹實老公，兩人並肩而行前往停車場取車，狀甚恩愛！

從側面睇過去，關心妍畀老公遮住晒，搞到好似成個人消失咗咁。

關心妍全黑打扮行超市。

關心妍同老公巧遇路過嘅袁詠儀，三人即時企定定吹水。