【on.cc東網專訊】 歌手關心妍（Jade）出席好友鄭欣宜曲奇Pop-up Store開幕活動，受訪時她表示七年前在唱片公司認識對方：「喺聖誕節嗰陣，佢送咗盒朱古力曲奇畀我，好好食，我喺加拿大讀書，有加拿大讀書嘅味道，有思鄉嘅味道，佢無論整曲奇或其他嘢食都好好食，知佢搞呢個生意非常用心，做得愈嚟愈好。（欣宜話歡迎朋友投資，你有冇興趣？）我冇聽過佢叫我，不過佢慢慢做到依家開舖，我可以同楊生（老公）傾吓，我哋對飲食好有興趣，都對欣宜整嘅曲奇有信心，如果佢叫到，可以諗吓一齊投資。」
Jade亦笑言雖然自己識整曲奇餅，但不夠欣宜整得如此多味道：「佢嘅味道好多新奇味，不過食完要有排跑步，一塊可以搞掂一餐，但都好值得，因為真係好好食。」問到除了飲食生意，可有興趣做其他生意？Jade表示暫時未有，因現時想做好慈善基金先：「已經係一盤好勞心勞力嘅工作，所以今年應該唔會搞生意住，希望基金可以籌多啲錢先，幫到人之後再諗做生意，覺得要人捐錢仲辛苦過自己搵錢。」
真係睇見都想食呀！
唔怪得知關心妍話一塊搞掂一餐都好值得喇！
關心妍指佢都識整曲奇餅，不過就唔夠欣宜整得咁好味。
好吸引呀！
流晒口水喇～
再講多次，真係好想食呀！
睇吓真係個個都爭住人食呀～
