Jade直言不捨掉下女兒去工作，每日安排女兒日常生活很享受，女兒亦懂得飛吻兼送電眼，所以好多人愛錫同得老師歡心，更爆女兒好大力可以一手扯開咕○臣，亦被其他家長問及女兒有何方法有很多頭髮？她覺得可能佗B時經常吃波菜有關。談到有不少網民讚女兒靚女，問到老公可會擔心女兒日後多人追求？她說：「有男仔BB摸女兒隻手都即該望住，爸爸好嚴，驚她有公主病。」（攝影：羅安強）
Kary話老公經常給她驚喜；Jade就有老公陪睇騷。
2017年9月17日 頭條日報 關心妍讚女兒電眼得大眾歡心 （ 節錄 ）
Category Archives: 心妍訪問影片
2017年9月16日 on.cc東網 佗B食菠菜！關心妍爆囡囡似大力水手
歌手關心妍出席Moiselle時裝騷，她表示女兒一日未上學前班，她也不想工作：「囡囡依家一歲兩個月，我出嚟之前都要安排好晒佢食飯同沖涼，佢八、九點瞓覺，我先開始自己嘅夜生活。依家一、三、五陪囡囡上Playgroup，一齊學三文兩語，我都幾Enjoy，而且可以見到佢個性格。（囡囡同其他小朋友相處成點？）佢未係好識同其他BB溝通。不過老師好鍚佢，囡囡又識飛吻同好識電人，啲人都好鍾意佢，又問我點解囡囡咁多頭髮，以為我畀啲生髮水佢搽。不過我懷孕嘅時候食好多菠菜，所以佢好大力同多頭髮，佢大力到可以拉咕????個扣，佢好鍾意做嘢，我培養吓佢做家務，佢真係好似大力水手咁食咗大力菜。」
提到民網大讚其女兒是小美人，關心妍稱不要這樣讚她，又指老公對女兒很嚴格，免她養成公主病，她說：「佢好擔心個女，見到有男仔BB想掂個女，就話要望住，我估個女將來都要讀女校。」
個女似大力水手，係真唔係呀？
關心妍同老公孖住出席活動！
佢話囡囡一日未上學前班，都唔會復工！
大讚囡囡孔武有力！
視個女如珠如寶。（資料圖片）
2017年9月1日 on.cc東網 (即時娛樂) 關心妍唔使囡囡讀名校：最好可以行返學
歌手關心妍（Jade）出席歌唱比賽活動，問到愛女楊榮心（心心）是否已上學？Jade說：「未，只係返Playgroup。」隨即自封是「懵盛盛」家長，Jade說：「朋友話我知心心今年9月要報學前班，我真係唔知，所以唔會係怪獸家長。（讀名校？）唔使，近屋企就得喇，最好可以行返學。」Jade否認住半山，被問到是否搬到山頂？她說：「香港區啦，附近有女校同埋有一條龍升學嘅學校，自己唔太擔心，等上帝安排。」
Jade表示沒有逼女兒睇圖書及背數字，她說：「反而日日帶佢去玩，教佢禮貌同叫人，品德緊要，依家佢識Thank You，數字1至10佢遲早會識。」由於心心是Jade的心肝寶貝，身為人母的她自爆日夜抱女搞到整傷手，Jade說：「成日抱搞到扭親兩邊手，去睇醫生按到隻手瘀晒。」隨即打爛醋埕表示愛女只懂叫爸爸，Jade說：「對住我叫爸爸，我教佢叫媽媽，佢都係叫爸爸，冇辦法，仲未識叫。」
加盟Neway不久即大肚的Jade坦言與公司合約一而再、再而三延期，她說：「仲有兩年幾，其實同Neway嘅關係一直都好好，已經唔係合唔合約。」另外，同場的葉家寶講解是次唱歌比賽詳情，透露18個參賽者有12位唱英文歌，奪冠者將代表香港出席10月於緬甸舉行的世界賽。
Jade唔太擔心囡囡就學問題，表示等上帝安排。
囡囡現只懂叫爸爸令Jade醋意大發。
Jade拒做怪獸家長。
愛女如命嘅Jade湊女時扭傷手。
葉家寶
2017年8月17日 播道兒童之家 —— 關心妍 動人分享
2017年8月8日 創世電視節目： 創世經典 – 慘情之后 關心妍
創世電視節目《 創世經典 》內有心妍見證， 亦會分享最新近況
2017年8月1日 蘋果日報 (即時娛樂) 【被搶Fo都抵】關心妍開P慶38歲 1歲囡囡出招賣萌
關心妍早個星期先至同老公楊長智飛去日本沖繩慶祝囡囡楊榮心1歲生日），噚日就輪到佢38歲生日，一家三口留喺香港慶祝，仲約埋大班朋友一齊食飯，當中包括鄭欣宜、許廷鏗、胡鴻鈞、陳慧敏、DJ林柏希，以及其他親友等。噚日開完生日會後，大家輪流貼相上社交網站開心share，睇到現場有啲英文字母氣球做佈置，生日蛋糕最少兩個，人少少，但好熱鬧。
女主角關心妍着住一條粉藍色通花連身裙，仲好青春吓，楊長智好識做，有攬住老婆仲錫錫祝賀，見到都sweet！而場內另一焦點人物，當然係1歲大嘅心心，佢唔多怕陌生，輪流同啲哥哥姐姐影相仲勁好笑容，關心妍仲抱住個女拍咗條短片，心心聽媽咪指示向鏡頭揮手，又派飛吻，萌度爆燈！
（Instagram圖片）
關心妍開生日會，同老公楊長智sweet sweet合照。（Instagram圖片）
有咀嘴㗎！（Instagram圖片）
囡囡心心都有登場，揮手仔。（Instagram圖片）
仲派飛吻！（Instagram圖片）
林柏希係座上客（Instagram圖片）
許廷鏗等人都有去賀關心妍（Instagram圖片）
欣直攬住壽星女（Instagram圖片）
其實關心妍都有喺自己Instagram貼圖，話有老公、囡囡同愛犬就好開心。（Instagram圖片）
楊長智都有表示（Instagram圖片）
2017年7月31日 明周 [ 一日一經典] 關心妍精選金曲
幸福人妻關心妍（Jade）自從上年7月誕下女兒楊榮心（心心）後，就過著「有女萬事足」的生活，經常在Facebook、微博發佈女兒心心的照片。今日是Jade 38歲生日，今年有心心和老公楊長智陪伴過生日，相信Jade的生日都會過得非常難忘。
Jade在2002年出道初期憑藉甜美的聲線而在樂壇火速走紅，出道作品《負擔不起》、《亂了情人》唱到皆知巷聞，成為2002年最灸手可熱的新人王，更橫掃各大頒獎禮的新人王獎項。出道初期已經得到如此佳績，Jade未敢自滿，在2003年繼續推出新歌《特別鳴謝》、《放生》和《優先訂座》，更在年尾頒獎禮一口氣奪得多個唱片大獎，事業達到巔峰。
近年主力照顧家庭
近年Jade主力將全副的心思放在家庭上，並將家中大小事務打理得頭頭是道，做個幸福少奶奶。由於Jade與女兒心心都是7月生日，所以就Jade與老公帶同女兒心心，一家三口到沖繩享受陽光與海灘和慶祝兩位7月之星的生日。
Jade在日前就上載與心心穿上母女裝長裙，一起切生日蛋糕的溫馨照片，照片中可愛的心心一邊咬手指，一邊看著蛋糕，十分可愛。粉絲們看到心心如此可愛，都留言祝福心心要快高長大。Jade亦在社交媒體感性留言：「1歲生日快樂！今朝攬住你媽咪喜極而泣因為你轉眼一歲。感謝主賜這可愛小天使給我！」而一班看著Jade出道的粉絲見到偶像由事業心重的女歌手，轉變成疼愛女兒的好媽媽，都留言表示十分感動。
圖片來源：互聯網、關心妍@Facebook
影片來源：y Hector、BillyTang、xxXllMIKAllXxx、Lok Wai、Rene Chan、BMA博美唱片@YouTube
2017年4月14日 on.cc東網 有女萬事足！關心妍爆唔敢追多個
歌手關心妍（Jade）跟老公楊長智去捧容祖兒的sidetrack演唱會場，睇完騷Jade在社交網貼上夫婦跟祖兒在後台的合照，並對祖兒個騷讚口不絕，Jade接受東網訪問說：「好好睇，一直好想睇，但之前同老公去咗旅行，依家夜晚又要搵人睇住囡囡，安排好晒先可以出去睇騷。」Jade坦言好多side-track歌現場好少聽到，祖兒有好多首她都好喜歡，她特別鍾意《貪嗔癡》，她說：「祖祖唱得好好，可能佢好鍾意呢個騷，佢係特別投入，同我哋好closed，佢喺台上好cute睇到佢好多面好可愛。」
爆囡囡好鍾意音樂
久未有演唱的Jade可有技癢？她笑說：「等心心（女兒楊榮心）大個啲先，佢依家都係得8個月半咋，佢啱啱返緊Play group進入另一個階段，都想擺多啲時間喺佢身邊，起碼等佢歲幾再算，我自己日日都開騷畀佢聽㗎啦，因為佢鍾意聽我唱歌，佢好鍾意音樂，雖然冇工作，但係對住佢開嘅騷，我諗仲多過我返工，不過我好enjoy，佢一日一日大過好可愛。」
孖老公去旅行
Jade與老公剛去完福岡旅行，她坦言兩公婆已經好耐冇去旅行，她說：「都係去唞吓享受番二人世界，真係好耐冇試過淨係我哋兩個，唔使湊BB，食吓嘢去玩吓，本身我哋想去睇櫻花嘅，但我哋去嘅時候，一粒櫻花都冇，好可惜，我哋兩個一齊十幾年都未試過見到櫻花，今次特別去睇又冇，期待下次或者帶埋心心一齊去睇啦。」今次兩公婆可有趁機「造人」？她說：「試多個我諗真係要睇上帝安排，因為呢個（心心）都試咗咁多年，所以都唔敢再有呢個諗法住，我覺得都係順其自然，我依家覺得湊好心心已經好開心，如果上帝再賜多個畀我當然係好，刻意再去試我就應該唔會囉。」
順其自然就最好啦。
去日本旅行Relax吓。
而關心妍有心心就夠啦！
上世情人。
開心妍同老公去睇容祖兒（中）演唱會
2017年4月7日 TVB娛樂新聞 驚訝女兒已開始學行 關心妍笑言對方遺傳大力基因
2017年4月6日 on.cc東網 囡囡營養足氣力大 關心妍：盡母愛偉大
歌手關心妍（Jade）出席活動，問是否已完全收身？她說：「仲有6磅，呢啲肥唔同嗰陣演唱會減肥，減極都唔落，我已經好努力減咗15磅，但離正常嘅我仲差9磅。我依家已經食得好清淡，即係隔籬嗰個（老公）大魚大肉，但我都好清淡。（係咪因為仲餵緊人奶所以未減到？）其實我餵完喇，佢（囡囡）依家都9個月大，已經盡咗我母愛嘅偉大，所以先開始減肥，之前唔減得住，因為要畀營養佢。」
Jade又透露囡囡是大力妹，現在經常要站起來：「可能我佗佢時食好多菠菜真係有用，佢真係好大力，因為醫生話唔好咁快行路住，如果唔係會O字腳，所以佢一想企我要撳住佢，但佢好大力，唔知佢邊度嚟嘅力。」
關心妍表示還有9磅要減，仍在努力。
關心妍會繼續努力收身。
講起收身，關心妍就顯得特別激動。
關心妍笑言依家只可以睇住老公同囡囡食嘢，自己就要封口。（資料圖片）