【on.cc東網專訊】 現年36歲的歌手關心妍（Jade），與老公楊長智（Jonas）結婚七年一直恨生小朋友，今年二月她終於向外公布喜訊表示如願造人成功，並透過微博公開佗猴B的喜訊，預產期為七月底，Jade揚言想第一胎生女。
Jade剛剛透過社交網站上載一張新相片，摸着肚子的她笑容滿臉，除了與愛犬合照外，手上亦持有一隻猴子公仔，相片中更寫明「It’s a Girl」來宣布胎中性別為女兒，恭喜！恭喜！她寫下：「如願以償！好感恩！itsagirl。」
關心妍回覆《東網》時，開心表示：「知道係女好開心啦，因為我同老公一路以嚟都想要囡囡嘅，咁依家有個小公主，兩個都真係夢想成真喇！依家會為小公主預備所有嘢啦，會買啲衫仔、裙畀佢，多謝大家祝福。」
關心妍公布佗猴女，恭喜！恭喜！
關心妍帶埋愛犬猴公仔拿着超聲波素描公布喜訊。
Jade在社交網公布佗B女的消息後即時得到粉絲祝賀。
有些人不想要小孩，卻無心插柳；有些人恨生小孩，但試盡方法都失望！36歲的關心妍（Jade）結婚7年，恨生B的她試過食中藥進補致心悸，又服食過不同偏方都失敗，試到夫妻感情似機器，身為女人的她覺得好內疚，原來機會不是握在手中，不是你的就不能強求，反而以just for fun心情釋放後，小孩自動來報到，當證實懷孕後，她淚光湧現攬着老公：「BB終於都嚟啦！」
撰文：余燕儀
關心妍2009年嫁給金融才俊楊長智，婚後積極造人，苦苦等了7年，BB才來報到，現懷孕5個多月的Jade憶述心路歷程：「我30歲結婚，諗過即刻有小朋友，試咗一年都唔成功，跟住簽唱片公司，擱置差唔多兩年。」2012年開完演唱會，兩夫婦又再努力：「真係好畀心機試，又食中藥，乜嘢雞湯乜嘢款式，可以試都試晒，其實係好痛苦，嗰種痛苦係去到一個地步，兩個人嘅感情咪好似機器咁！」
Jade和老公試了兩年，多次以為有了卻中空寶：「原來係呃你嘅，嗰時覺得好氣餒，大家又要互相安慰，我覺得係咪我嘅身體問題呢？係壓力問題定真係上帝畀你呢？當時我都係30幾箒，未算好大年紀，後來又開演唱會又停咗，開完後又試咗兩年，其中一年完全唔係點做嘢，只係休息同試，但都係唔得，嗰個心情係，自己覺得……好內疚，可能一個女人，覺得點解我冇嘅？點解咁難嘅？」
進補過度現心悸
為了能夠懷孕，Jade試盡各方法搞到身體出問題：「試過食好補嘅嘢，好似乜大補丸、鹿茸，後來補得太緊要，個心負荷唔到，不停心悸好辛苦，好似坐過山車跌落去嘅離心，每隔30秒就離心，要睇心臟科，照極都搵唔到原因，我惟有同佢並存，佢有佢亂咁跳，我有我繼續驚，一年之後，突然間佢自己唔跳。但嗰段時間好痛苦，老公好抗拒我再睇中醫。」
是否家人給壓力要生B？Jade說：「屋企人其實唔介意，但邊個會嫌有個孫唔好呢？好彩兩邊屋企都冇畀壓力，係我同老公好大壓力，好想快啲有，同埋嗰個鐘呢，由30歲行到36喎，剩番幾年就40，嗰個關口我形容唔到，年紀越嚟越大冇辦法。」有朋友建議人工受孕，不過Jade聽到不少失敗例子，她說：「原來機會唔係掌握我哋手中，嗰刻我覺得原來係你就係你，唔係你就冇得好強求。」
去年開完澳門演唱會，Jade趁有空閒再試造人：「我同老公講just for fun，不如又試吓囉，大家可能放鬆咗心情，知道就算用乜嘢方法，都係整定嘅，就算做十次人工受孕，補足十年都可以冇，可能咁樣我哋有個釋放，直至自己驗時知道有咗，嗰吓好怪，我哋好開心，但又打定輸數，因為我哋經歷太多次兩條線，唔敢替大家太開心，因為當最後唔係，兩個就好失落。」
跪地拖媽咪報喜
隔了一個月，兩人找醫生檢查：「嘩！有咗，嗰刻我哋係『Wow！』形容唔到心情，係難以置信，問老公見唔見到心跳嗰一點？BB終於都嚟啦！好似中獎，好大禮物，淚光湧現，我哋好開心，唔相信係真，呢件事等咗7年，試過好多經歷，終於真係喺度！」由於當時未夠三個月，不敢公開懷孕消息：「秘密真係守得好辛苦，孕婦嘔吐乜都嚟晒，但我又要做騷又頒獎禮，我直情攬住廁所嘔，所以到兩個月零三個禮拜，真係好穩定先話畀屋企人知，老爺奶奶開心到不得了。」
關媽媽開心到流淚，Jade說：「我跪喺地下拖住媽咪，講畀佢知我有咗，我未講自己都喊，媽咪喊到黐咗線，好感動！有段時間佢講反話安慰我：『算啦，唔好生啦！依家都好難教，兩個開心就算。』自己覺得好內疚，所以佢知我有咗，開心到難以形容。」Jade大肚後更加感受到母愛的偉大：「????家唔辛苦，但有扁頭痛，食止痛藥可能冇咁痛，但BB都會食一粒，所以我每日喺度忍。」
化妝：Cyrus
髮型：Angus Leung of Hip Hairculture
服裝：MOISELLE
懷孕5個多月的關心妍日前接受本報訪問時，透露婚後7年積極造人，曾因多次中空寶令夫妻感情變機器。
攝影：陳志嵐
■ Jade今年2月在微博興奮宣佈陀猴B。 資料圖片
■ Jade指為了能夠懷孕，曾試盡偏方、食中藥進補導致心悸。
■ Jade跪地拖着媽咪報喜，關媽媽感動到爆喊。微博圖片
■ 去年11月完成澳門個唱後，Jade（左）以just for fun心態終與老公造人成功。資料圖片
主持人： 袁翠霞
36歲嘅關家姐關心妍，同老公楊長智結婚7年，很想當媽媽嘅關家姐，今年終於得償所願，2月嗰時喺微博到公開懷孕喜訊，o依家已經懷孕5個多月，預產期仲同媽媽生日差唔多日子，即係大約今年7月尾。喜得猴B嘅關家姐，都未有停工，之前就為新歌《空心人》，去到老遠嘅屯門拍攝MV。今日關家姐又出動喇，但就唔係開工，係為個BB添置家品呢！
噚日下午5時許，記者發現關家姐老公楊長智獨自一人喺銅鑼灣買嘢，見佢手拎住一大袋食物，佢就好Man咁將啲食物放晒上車，但佢就未有離開銅鑼灣。跟住佢就去到一間家品連鎖店！哦！原來關家姐已經喺裏面掃緊貨喇！
腹大便便嘅關家姐，唔知係唔想人認得佢吖，定係擔心人多地方，容易受到傳染，全程戴上口罩。楊長智入到家品店後，即刻去搵老婆，仲幫佢拎住一籃戰利品，而關家姐就拎住張較輕嘅地毯。但佢哋都好似未買夠，再去睇籐籃、銀器擺設。
一個小時後，關家姐終於買完心頭好，埋單要2千幾蚊，俾錢當然係由楊生負責啦！埋單後，兩公婆就好Sweet咁，一齊行去攞車，上車後，關家姐就即刻除口罩，吸下新鮮空氣。
攝影：羅德光、梁繼光、黃曉程
腹大便便嘅關家姐，好細心咁挑選家品。
關家姐全程繞實老公楊長智。
關家姐蒙住面掃貨。
買得心頭好，兩公婆好Sweet咁行去攞車。
楊長智好細心咁扶關家姐上車。
今年二月，關家姐喺微博公佈懷有猴B。
關家姐早前仲為新歌到屯門拍攝MV。
出道以來都主打慘情歌的關心妍(Jade)，近年歌曲偏向勵志及玩味，以為成為幸福人妻的她會慢慢轉型，誰知剛剛懷孕的Jade反而推出她形容為近年最慘的情歌《空心人》。單聽歌名就知這歌的失落與絕望，不過人逢喜事的Jade卻仍然可唱出慘的味道，果然是「慘歌王后」！雖然唱慘情歌，但現實中她是一位幸福媽媽，懷孕中的她更表示BB未出世已被溶化，不排除日後向兒歌發展呢！
【on.cc東網專訊】 已懷胎六個月身孕的歌手關心妍（Jade）接受訪問，穿上黑色衫的她明顯「肚凸凸」，Jade坦言這幾天肚圍明顯幾倍數急升，令她感到有點「論盡」，而近日更開始不夠瞓，因每朝六時就被BB在肚內踢醒，BB不停動踢，像在做「晨操」。
兩公婆渴望生女
問是否已知BB性別？Jade謂：「未知，仲係復活節假同清明假，要過晒工作日先有報告出。」感覺是男還是女？她笑言：「點都話係女，希望可以話中，因為我同老公都恨女，女仔顧家啲，不過，因為肚愈嚟愈大，都開始腰痛。（帶孕婦腰封？）未需要帶住，因為我之前肚度冇乜脂肪，所以當佢漲起嚟先拉到好痛。」可有肚紋出現？Jade謂：「暫時未有，都多謝好多贊助商送嚟護膚油同cream畀我，我亦好努力搽，好痕都忍住手。」
曾考慮人工受孕
講到日前被拍到買BB床？Jade謂：「因未知性別，所以只係買咗張BB床，其他衫同奶樽都未買得住。」講到兩公婆恨生女，問是否已過奶奶一關？Jade謂：「佢有孫抱已經好開心，等咗咁耐！（之前咁耐未有，有冇諗過人工受孕？）都有考慮過，但覺得仲有時間自己試，如果四十歲前都未有就會試，好彩做完演唱會冇幾耐就有，不過，用乜嘢方法都好，調理好身體先係最緊要。」
懷胎六月的關心妍大談孕婦心情。
講起肚入面阿B就開心。
關心妍表示仍未知BB性別。
Part a
Part b
【on.cc東網專訊】 關心妍（Jade）到電台宣傳透露月底會知BB性別，問到會否做運動？Jade說：「下個月可以去游水同做瑜伽。（碧波蕩漾？ ）大家唔好將焦點放係嗰度。」隨即禁不住笑說：「有幾個浮波。」更透露肚皮開始大，每晚要打側瞓，問到是否怪獸家長？Jade說：「覺得自己唔係，有啲人講，話攞超聲波去報名讀書，我冇咁嘅打算，見好多朋友要仔女學十八般武藝，我覺得小朋友好辛苦，我同老公希望小朋友有思考空間。」
由於其老公是獨子，Jade坦白老爺奶奶從未給予壓力，她說：「有已經好，冇話一定要傳宗接代。」記者笑指佗龍鳳胎最好，Jade說：「都唔係，佗孖B好辛苦。」並透露開始有白頭髮。
關心妍懷孕脹奶，自嘲游水有幾個浮波。
關心妍透露月底就知BB性別。
關心妍話仔女都冇所謂。
關心妍強調唔會做怪獸家長。
關心妍強調唔會做怪獸家長。
