【on.cc東網專訊】 歌手關心妍（Jade）憑《關家姐》在《勁歌金曲頒獎禮》贏得歌曲獎，更大騷性感事業線，Jade笑言：「呢排肥番啲，女人要有嘅都返晒嚟，失蹤咗好幾年啦。（有冇再push up？）冇啦，再push好驚，電視唔好太性感。」
嘆當時一時衝動
由於2012年度頒獎禮成績欠佳，關心妍於2013年初曾表示不再出席任何頒獎禮，對於現今反口「唔嫁又嫁」，Jade表示：「三年前係講咗呢件事，但每年公司都游說我攞獎，而當時我係一時衝動咁做。但其實我唔能夠咁自私，因為團隊、公司、同事都需要同老闆交代，所以三年嚟公司不停游說我，咁所以我答應如果歌曲真係有成績，我就代表佢哋攞番獎。」
當被問到怕不怕被指出爾反爾，Jade坦言：「好無奈㗎，I feel so sorry，就得一邊又就唔到一邊，咁公司同事都好難做，如果有獎自己又唔去，唔想累咗人冇咗份工，係兩難，情願出番嚟，so sorry！」
關心妍反口喺《勁歌金曲頒獎禮》拎番獎。
關心妍大騷性感事業線。
攞番獎都係為咗同事向老闆嘅一個交代。
真係左右做人難啊。
【on.cc東網專訊】 一年一度嘅樂壇頒獎禮第一擊今日正式舉行，又喺嗰句，無論任何天氣，只要有頒獎禮，就有女星爭妍鬥麗同鬥拋胸嘅場面。
今日第一位為大家介紹嘅拋胸佳麗，係「關家姐」關心妍，坐擁35C驕人上圍嘅佢，一襲簡單晚裝裙，已經將佢嘅美好身段表露無遺，而條裙除咗展示佢上身嘅優點，下身仲要開高衩，令關心妍條長腿若隱若現，十分誘人。
而關心妍現身時都好風騷，睇嚟佢好滿意今日嘅打扮。
關心妍不負關家姐之名，勁靚現身。
擁有35C驕人上圍嘅關心妍，舉手投足都好迷人。
而且無論點睇，佢嘅上圍都係咁驕人。
關心妍唔單止晒胸器，仲要晒長腿
大家睇吓佢個樣幾有自信。
開心得佢呀！
不過唔知係咪驚凍親，佢返埋位即刻披番件外套。不過點解夾喺中間嘅佢，個樣咁苦悶嘅？
闊別頒獎禮三年的關心妍(Jade)，再次參加勁歌頒獎禮，她說心情並沒特別，只想為付出許多的同事拿回功勞。
Jade順應民意想《關家姐》拿獎。
Jade的歌曲《關家姐》反應不錯，是否很想憑此歌獲獎？她說︰「順應網民推這潮流，這刻不是拿不拿獎，是大家對音樂的興趣，大家因此連我的真名也改為『關家姐』。」
【on.cc東網專訊】 鄭俊弘與關心妍在將軍澳電視城出席《2015年度勁歌金曲頒獎典禮》記者會，關心妍有三年沒有參加勁歌金曲頒獎典禮，2001年出道的她已經是在場最資深的歌手，她笑說：「陰公囉，依家參加頒獎禮唔係為攞獎，同事出咗好多力，係為佢哋攞番啲功勞。」
關心妍有三年沒有參加勁歌金曲頒獎典禮。
關心妍話依家參加頒獎禮唔係為攞獎，同事出咗好多力，係為佢哋攞番啲功勞。
關心妍早前到澳門開騷，用盡全身氣力唱好每首歌每粒音，更為演唱會進行地獄式減肥，減剩得23吋腰。完騷後關心妍決定慰勞自己，除了大解放吃澳門燒豬外，數天後更與老公出發到日本九州relax一下。
第一站，關心妍先帶大家體驗九州最有名的湯布院溫泉，入住開業僅一年、只有十間附設私人風呂客房的人氣溫泉旅館由布院綠涌。
相信唔少愛買衫嘅女士，面對屋企堆積如山嘅衣物，幾鐘意都要講句：「是我太過愛你 願意放生你。」咁呢堆舊衫拎去邊回收好呢？一於學關心妍咁啦！
時裝品裝馬莎（Marks & Spencer）今年再度推出舊衣回收計劃，你拎啲衣物去分店到捐，鋪頭就會俾番cupon你用，幾荀咁喎！咁同馬莎合作影造型相嘅關心妍，又點睇今次呢個計劃呢？
關心妍：「對於我哋藝人嚟講，更係好啱用，因為我哋每一季都有好多衫，就算捐或者送俾人，有時都送唔到咁多，所以呢個活動，可以令我哋捐舊衣之餘，又有優惠去買新衫，我覺得對環境、社會、自然生態都非常之好，可以減少好多廢物，好環保，我覺得 未來這個概念應該延續落去，希望更多朋友支持。」
唔止覺得好有意義，關心妍仲話會身體力行咁去支持。「拍攝時見到好多舊衫，令我突然醒起，原來我屋企啲衫堆埋都應該有咁多，甚至比呢到更多，所以成個拍攝過程，我不斷反思，返到屋企會拎呢袋嗰袋去回收。」
除咗支持環保，佢今年仲成立咗個人基金會，個人咁有愛心，唔怪得結婚6年，老公依然錫到佢燶啦！
–
關心妍(Jade)繼上年11月喺香港開個唱後，大前日將舞台移師澳門，舉行澳門站演唱會。今次個唱嘅rundown係佢自己排，唱咗唔少經典慘情歌好似〈放生〉、〈你有心〉、〈假使我漂亮〉等，當然唔少得唱自抽歌〈關家姐〉啦，當唱呢首歌時現場high爆。而關心妍仲再次挑戰王菲〈miss you night and day〉，呢首歌對佢意義重大，當年就係靠唱呢首歌羸咗喺歌唱比賽。
為咗今次個唱，Jade之前地獄式減肥個半月，點解？咪因為要着上一件超性感緊身透視長裙囉！呢條透視裙同另外兩套衫都係之前香港站係冇嘅，講番呢條咁sexy嘅裙，只係用銀片遮住重要部份，其他位置則若隱若現。Jade着上身後勁滿意︰「我條23吋腰返嚟喇，用咗1個半月時間地獄式減8磅。現在終於着得落，呢件衫最大鑊，要一啲肥肉都冇。」Jade係靠每日跑步，隔日做gym，仲要餐餐食枝豆、麵包同麥皮先可以有咁fit body。至於個演唱會仲請到雨僑做嘉賓，兩個合唱〈拈花惹草〉添。
關家姐喺個唱好sexy呀！
23吋腰？！好葡萄囉！
去埋打手印。
Jade嗰唱換咗唔少衫。
同粉絲互動。
