心妍報章新聞

Category Archives: 心妍訪問影片

2015年8月7日 頭條日報(即時新聞地產) 星星Talk 樓 歌手關心妍

情歌天后關心妍(Jade)至今出道多年，以實力派唱功見稱，亦憑甜美外貌成廣告界寵兒，原來她的家族有不少投資高手，母親早年已教曉她「買磚頭」致富之道，近年更一直有計畫生兒育女，最近頻頻睇樓準備換新居，並笑言由於家人居於渣甸山一帶，「自己離不開那座山頭。」

在○二年出道，關心妍同年掃走樂壇多個獎項，翌年更創出巔峰之作，派台歌取得各大電台流行榜冠軍位置，成為多個廣告的代言人，出度僅兩年，已賺得第一桶金。其實，星途不俗的Jade，早年在加國留學，當過接待兼職接待員及船務等，當時薪金每小時數十元加幣，約百多元港幣，一切從低做起。

由於出道不久，很快便賺了近一百萬元，當時年僅二十多歲，未曾接觸過如此龐大金錢，她笑言「當時簡直不敢想像」，由於投資經驗尚淺，只是初哥一名，不大懂得理財，把所有資金交由媽媽保管，幸好媽媽沒有保守地將儲蓄放在銀行收息，反而積極在股市上投資，將資金愈滾愈大。

Jade指媽媽從事美容起家，是一名成功的女強人，所以她對母親生意頭腦及理財策略毫不懷疑。早年辛苦工作賺來的一百萬，Jade媽媽亦不敢太進取，選擇風險較低的藍籌股，於是首次投資便決定入手港交所。「當時港交所是相當有潛力的股票，升勢反覆，所以印象很深刻。」她說。

28歲成功置業
直至結婚前，她一直都與媽媽同住，未有置業的念頭，及至二十八歲那年，Jade媽媽看準樓盤升值潛力高，提議她可以投資在「磚頭」上。雖然，當時她已有一定的資金，但由於她投資範疇十分廣泛，非一時三刻能調動資金入市，因此她再儲蓄五年，終在二十八歲首次當業主。

擬斥數千萬買渣甸山樓

Jade形容媽媽是一個富膽識，眼光獨到的女強人，在購入首個單位後，亦開始轉戰投資商鋪，當年商鋪投資仍未流行，Jade媽媽率先走在最前線，帶領她在投資路上屢有斬獲。及後，Jade的投資不再局限於香港，開始延伸到內房市場。

同時，她身邊不少財金高手襄助，令手頭資金愈滾愈大，投資上屢有收獲。及至最近，她亦頻頻睇樓，打算在大坑渣甸山購入單位，預算數千萬元，為未來生兒育女及做足準備。

丈夫及哥哥從事金融業

日常工作忙碌的Jade，甚少有時間「睇實」股市，幸而身邊有高人襄助，令投資屢有收穫，除了媽媽外，還有一個從事對沖基金的哥哥，另外，以及從事金融投資的丈夫，笑言自己只是負責賺取本金而已，其實，本身投資亦不再局限於股票上，開始購買基金、債券等。

結婚多年的Jade，一直有計畫生育，近期頻頻睇樓，目標鎖定在大坑的渣甸山，預算約幾千萬元，她笑言「自己離不開那座山頭。」

2015年8月4日 先機網 Cat’s Talk

關心妍的音樂之路並不易行，起起跌跌16載，情況就像坐過山車，不少人也懷疑過，有一個好老公，可以讓她生活無憂，何必再糾纏於娛樂圈。因為「愛音樂」，所以硬要堅持到今天。香港樂壇有了這些人，因此變得精彩。
近期不再一味硬sell情歌的關心妍，一頭粉紅長髮，一個血淋淋的MV，一首幽自己一默的歌曲，令人記得這位在樂壇多年的歌手，依然夠膽去改變、去創新。關心妍說過造音樂不在乎賺大錢，只在乎有知音者和平衡開支。她說要唱到沒有知音者和投資者為止，相信關心妍沒有欠缺，因為知音者一直在身邊。

主持:李敏儀
Hair :Sev@Hair culture
Make up : Cyrus lee
Outfit: Gelmain

2015年8月4日 先機網 Cat's Talk a

2015年8月4日 先機網 Cat's Talk b

2015年7月27日 東網娛樂

【on.cc東網專訊】 藝人鍾麗緹與男友張倫碩、關心妍、蘇志威等在將軍澳電視城為《今晚睇李》擔任嘉賓，鍾麗緹以性感打扮與張倫碩為內地真人騷節目《如果愛》第二季宣傳。鍾麗緹要求張倫碩唱《月亮代表我的心》給她聽，張倫碩隨即清唱。問鍾麗緹是否冧到爆？她說：「好冧，好感動，等我冧吓先，好舒服、好有安全感。」張倫碩則指看見鍾麗緹就心情緊張，唯有唱歌時才回復正常。

鍾麗緹大讚張倫碩氹小朋叻，問到她三個小朋友可接受她拍拖？鍾麗緹說：「佢哋細個唔知，只係見媽咪好開心，同佢一齊好有family嘅畫面，好甜蜜、感動，見到佢好有家庭感覺。」鍾麗緹表示當年選華姐後未試過拍電視劇，有興趣一試，她說：「聽講拍劇好辛苦，每日得兩個鐘瞓，其實拍真人騷都每日廿幾個鐘，都已經習慣。」

關心妍在節目唱新歌《關家姐》，並表示會與主持李思捷探討「關家姐」這個網上潮文。問關心妍驚唔驚被追問生BB問題？她笑言現在《關家姐》話題應該吸引過生B話題。需要在節目中會飲兩杯的關心妍又自言酒量好，平時會同老公飲番兩杯。

2015年7月27日 東網娛樂a

2015年7月27日 東網娛樂b

2015年7月20日 東方日報 關心妍有意搞生日P：叫朋友扮「關家姐」

【on.cc東網專訊】 藝人周慧敏及關心妍（Jade）出席美容公司開幕禮。Jade被問到可有興趣投資生意，她自言沒有生意頭腦：「之前媽咪有嘅，但佢退咗兩年喇，如果唔使打理，淨係投資都可以諗吓！」她又謂平日有鑽研朱古力和香水，曾打算開朱古力店：「但啲鋪租太貴，問咗好多年，後尾都放棄咗！同埋我老公成日潑我冷水，話咪開啦，就令我打消呢個念頭！」

而Jade將在月底生日，她笑言有圈內朋友朋友叫她舉辦「關家姐」生日會，邀請一班兄弟姊妹參加：「佢哋話『關家姐』冇理由唔搞生日會，我諗諗啦，可能搞個生日party叫大家一齊嚟玩，扮『關家姐』！（唔同老公去旅行？）唔飛喇，之前都陪佢出咗trip，呢排都要做宣傳。」

2015年7月20日 東方日報 關心妍有意搞生日P：叫朋友扮「關家姐」a

Jade大玩自抽，想開番個「關家姐」生日派對！

2015年7月20日 東方日報 關心妍有意搞生日P：叫朋友扮「關家姐」b

如果要扮「關家姐」，會有乜嘢Dress code呀？

2015年7月20日 東方日報 關心妍有意搞生日P：叫朋友扮「關家姐」c

Jade諗過開舖做老闆娘，不過就畀老公潑冷水而打消念頭。

2015年7月20日 東方日報 關心妍有意搞生日P：叫朋友扮「關家姐」d

 

 

2015年7月9日 FACE即時 契妹欣宜讚玩得 關心妍要做全民家姐

睇咗關心妍新歌〈關家姐〉MV未（快啲下載FACEPop睇足本MV啦）？呢個自抽MV同阿Jade一向嘅慘情天后路線好唔同，阿Jade今晚向 FACEPop透露，MV嘅幕後功臣原來係填詞嘅C君呀。「關家姐」仲話唔介意成為「香港人嘅家姐」：「很感謝每一個人，希望關心妍這首〈關家姐〉，會讓 你們全力去笑。」巴絲聽到未？

而本身真係當關心妍係家姐嘅鄭欣宜就力撐阿Jade好玩得，並唔係大家睇落咁嚴肅，佢仲好感激咁話：「實在非常感激這位關家姐，在圈內我沒有很多朋友，但是Jade真的是一位非常疼我的姐姐，不斷的給我很多愛。」正式宣佈關家姐成為香港人的家姐喇。

2015年7月9日 FACE即時 契妹欣宜讚玩得 關心妍要做全民家姐a

2015年7月9日 FACE即時 契妹欣宜讚玩得 關心妍要做全民家姐b

關家姐契妹欣宜今晚接受FACEPop訪問，力撐阿Jade好玩得，仲叫大家記得支持〈關家姐〉添。

2015年7月9日 FACE即時 契妹欣宜讚玩得 關心妍要做全民家姐c

關心妍叫大家盡情享受佢首新歌，記得笑得開心啲，認真正能量爆燈。

2015年7月9日 FACE即時 契妹欣宜讚玩得 關心妍要做全民家姐d

今次MV行親民路線，睇嚟阿Jade想做全民家姐喎。

2015年6月30日 蘋果日報(即時娱樂) 【水都抽乾了】關心妍自抽 潮文《關家姐》變主打歌

「還記得關家姐與友人去PP幫襯 
佢炆　佢忍　佢等咗一陣 
至能　名牌勁掃 
又要即刻封舖　招呼要好 

「Sale屎驚佢冇人性關家姐個性　惡頂 
扮巨星效應　太任性　打俾公司最後決定 
要拒絕佢就算佢隔天寫信complain 

「嗱嗱嗱其實冇邊個　只因我俾公司炒咗」關家姐潮文又嚟？？？仲要係關家姐本人唱番？邊位關家姐？關心妍呀！

高登巴打又一次成功咁樣，令佢哋嘅潮文拍成短片，依家，仲變成歌，今次自抽「關家姐」水嘅，真係關家姐關心妍。佢噚日plug咗新歌《關家姐》，就係以潮文「關心妍搞到我家姐無左份工」為引子，C君填詞，道盡關心姘近11年來，因為「關家姐」呢單嘢所受嘅影響。(有聲附歌詞： http://bit.ly/1HrFIGi）

溫馨回帶，去年6月，關心妍以「C-12」名義推出幾首歌，其中一首叫《被注射》，mv都有辣埋「關家姐」同09年《勁歌》同關菊英搶獎單嘢，但變成歌詞就係第一次。

歌詞寫道:
「還記得關家姐個趣聞最初都幾過癮 
記者　去邊　去邊都訪問 
答完　回頭又答　未有C1都有呢一細格 」

「其實我好多新聞　都有叫你開心　不錯 
就當我　譲你快樂過 
『家姐』稱謂我　不必推搪太多 
街中偶遇我　這麼稱呼也可 
誰人來延續這篇潮文誰來談論我」自嘲得來說明關家姐真的睇化咗。

其實關家姐所講嘅「其實我好多新聞　都有叫你開心」，當然唔少得喺無綫《勁歌金曲》頒獎禮上領錯獎單嘢，真心膠中之膠，事後本地樂隊TONICK仲整咗《關心菊英》抽水，歌名明影射關心妍首《關心心妍》，點擊率累積至今已達24萬，之後TONICK仲成功喺演唱會上邀請到關心妍做嘉賓一齊唱。

所以話，關家姐其實真係好玩得同有器量。