玉石樂隊
關家姐
Daily Archives: 2015-08-31
2015年8月31日 蘋果日報(即時娛樂) 【由Jade變Joy】關家姐愛演「阿樂」 與朋友分享瘀爆事
關心妍（Jade）身穿黃色連身裙，出席灣仔會展舉行嘅《新城邁向25聲光綻放音樂會》，Jade嘅一身黃色打扮，似足《玩轉腦朋友》（Inside out）嘅阿樂，Jade笑言之前見阮小儀扮阿愁咁得意，自己都想扮阿Joy（阿樂），佢話：「0依家關家姐想令人開心，想帶畀人歡樂，因為好多朋友股災當中。」
問到佢喺朋友之間，係咪做阿樂角色？Jade表示：「都係呀，自己經歷咁多搞笑嘢，有時同朋友講，會話畀佢哋聽，我都冇事啦，因為好多朋友受股災影響，都蝕咗錢。」
咁Jade有冇蝕？佢話：「好彩我走咗，係頭一批走，如果唔係變大閘蟹，有朋友誇張，蝕咗七八位數字。（問你借錢？）未有，不過如果好friend，自己都會借，周轉唔到做傻事唔值得。」
問到股市有冇影響工作機會？Jade表示：「我呢啲不嬲都唔係極度好景嘅歌手，工作係有，但多數係返內地及海外，香港就差唔多。」
會唔會做副業保障自己？佢話：「自己做緊『妍亮基金』，就算有副業都係同社企去搞，0依家Plan緊睇下點樣畀年輕人創業，但暫時基金未請到人，自己又唔識呢啲，都好頭痛。」
其實噚晚除咗關家姐以黃色打扮亮相音樂會外，薛家燕都係一身黃氣出席。
關心妍表示想扮阿Joy，想帶畀人歡樂。
吖，家燕姐都係黃色打扮呀﹗
2015年8月31日 On.cc東網 關心妍辦基金助青年人圓創業夢
【on.cc東網專訊】 歌手關心妍（Jade）有份出席電台台慶音樂會表演，身穿黃色連身裙加黃色高踭鞋的她與動畫電影《玩轉腦朋友》的角色「阿樂」近似，她表示：「關家姐係開心嘛，阿樂又係黃色，想睇吓大家睇唔睇得出，依家市道唔樂觀都想帶歡樂畀大家，所以都唱啲輕快嘅歌，希望觀眾帶住開心走。」
近日股市動盪，她指有朋友陷入股災中，她則希望大家樂觀面對：「我經歷過咁多搞笑嘢，有乜慘得過我。」Jade表示家人都有買股票，問自己有否受影響？她說幸好因要調動資金，於早前已出售股票，她亦跟朋友說笑指近日不要看股市，股市總會回升，至於有朋友向她借錢求助？她表示：「暫時未有，但朋友問到會借，雪中送炭好重要，萬大事都會過。」
另問到有否連帶影響工作量？她坦言歌手市道一直不太好，雖然一直有工作，但亦是大陸或海外工作，她表示大多數時間都花在自己創立的基金，與社企合作，幫青年人創業：「咁做唔係為賺錢，但我唔識，未請到人，要再了解多啲，始終自己創業嘅話租舖都好貴，賺錢好難，所以希望畀筆錢青年人，點樣將錢運用去搵佢哋夢想，我想花時間同心機去社會上面，幫年青人仲有用過搵錢。」
關心妍創立基金與社企合作，助年青人圓創業夢。
近日股市波動，關心妍表示因早前要資金周轉，已經放晒手頭上的股票，所以未出現損手的情況。
關心妍希望帶歡樂畀大家。