【on.cc東網專訊】 歌手關心妍（Jade）為時裝品牌拍攝硬照宣揚環保，Jade覺得今次「舊衣再生」計劃很有意義，她說：「我知啲衫回收咗，經過處理後會變成新材料再做成新衫、裝飾或者保溫、隔熱物料，除咗能夠推廣環保，減輕堆填區負荷，仲可以延續衣物嘅『生命期』，絕對值得支持。」
穿上乾濕大衣的Jade造型英倫，笑言似到了英國旅遊一樣，看到堆積如山的拍攝道具，她不斷問自己會帶幾多衣物去捐贈？她說：「希望透過今次回收計劃，啲衫再生後，可以改變環境，我相信呢個計劃多加推廣，會成為新嘅環保概念。」
呼籲藝人齊參與
剛完成澳門個唱的Jade，為了以最佳狀態示人，於上個月進行二十多日的地獄式減肥：「早排去咗加拿大陪屋企人，美食當前，難以抵擋，結果着唔落好多演唱會啲衫。」
回想起為期二十日的減肥過程，Jade表示過程絕對痛苦，並只能夠吃無味道的食物，如烚蛋、烚菜等，不過Jade表示獲老公支持，夫婦二人一同節食減肥，互相鞭策，最後演唱會亦完滿結束，不用再特別節食。Jade笑說：「以前太瘦喇，只得95磅，依家已經唔能夠回到之前嘅磅數，所以我決定將舊衫放生，其實藝人每一季都有好多衫，所以我會呼籲身邊好友支持，齊做有心人，一同保護我哋嘅生態環境。」
關心妍呼籲為環保讓舊衫重生。
Jade認為這個運動可以減輕堆填區負荷，延續衣物生命期。
Jade為了減肥進行了為期逾二十天的節食。
Jade好開心減肥期間得到老公支持，夫婦二人一同節食。
Jade：「我相信呢個計劃多加推廣，會成為新嘅環保概念。」