早前在澳門開完巡迴個唱的關心妍（Jade），即將要宣傳新歌和到內地演唱，又要到不同的學校宣揚她的「妍亮生命慈善基金」。一向注重環保的她，近日更參與由馬莎百貨舉辦的「舊衣再生」計劃，除了幫手拍攝宣傳照外，她更會將自己和老公的舊衫一併拿去回收，循環再造。忙完工作，又要密謀她的造人大計，但因血虛要隔日飲紅、黑棗水補身，幸好持續半年已見「起色」，望明年會有好消息。
Jade在加拿大讀書時，已懂得環保的重要性，除了出街買餸會自備購物袋外，買外賣也會自備器皿，在家中她更是「熄燈專家」，一見到房間無人就關燈，所以她很支持今次的「舊衣再生」計劃，她解釋：「做歌手每季都要買好多衫，但有啲着一次就唔能夠再着，試過送畀人，但佢哋話你玩咩？咁細件我點着得落，真係無福消受，所以有咗呢個計劃，舊衫回收後可以做件新嘅，唔會有Size嘅問題，夠晒環保。」
忙完這個活動，臨近年尾，以為她聖誕節有假放，點知仲忙，既要宣傳新歌《人生銀行》，稍後又要到內地舉行巡迴個唱。早前她成立的慈善基金，又要到不同的學校演講發放正能量，並發掘有潛質的學生，資助他們去實現夢想。工作排山倒海，但當前急務還是調理好身子生小朋友，她坦言：「太補嘅嘢我唔受得，中醫話我血虛，所以要飲紅棗水暖身，如果太燥，可以飲黑棗，隔日飲一杯，飲咗半年，個人暖番好多。」為事半功倍，她還戒食生冷食物，魚生沙律一概唔食，忍得口望身體愈來愈好，生B就有望了。
撰文：李佩儀
攝影：謝子豫
※關心妍現時出席活動，會聘請形象指導借衫，買衫可免則免，那就更環保了。
※身為傑青的關心妍，早前跟隨「愛基金」遠赴鄭州的周口市探訪兒童。
※馬莎百貨於香港13間店擺放回收箱回收衣物、鞋和飾物，顧客每次捐出衣物可獲贈該百貨九折優惠券。
※早前關心妍看中醫被指血虛，所以她隔天飲紅棗水補身。
※關心妍和老公楊長智愛旅行覓食，但為了健康，她戒掉所有生冷食物。
※關心妍拍攝宣傳照當日十分順利，拍了半天便完成。
※早前為了澳門的巡迴個唱，關心妍進行地獄式減肥，減至近一百磅。
