恭喜心妍於 TVB 2015年度勁歌金曲颁獎典禮， 獲颁發 勁歌金曲獎 — 關家姐
作曲：周錫漢 @mankeungchow
填詞：C君 @ckwancheng
編曲：周錫漢
監製：周錫漢 / 徐浩 @basicxxii
Daily Archives: 2015-12-20
2015年12月20日 On.cc 崔建邦重提攞錯獎 關心妍今次堅奪獎喇
【on.cc東網專訊】 2015TVB勁歌頒獎典禮，繼續頒發歌曲獎，主持人崔建邦公布時，重提08年關心妍將關菊英奪獎，錯聽自己名而上台嘅趣事，崔建邦說：「嗰年，因為佢出咗嚟，成為佳話熱話，我承諾過，下次佢得獎，我讀一定會好準確咁讀佢個名，關心妍《關家姐》。」關心妍上台時，即與崔建邦說：「多謝你，你今次冇搞錯！」之後再多謝網民，關心妍說：「多謝網民，多謝佢哋呢11年嚟嘅惡搞。」
關心妍憑《關家姐》奪獎！
崔建邦重提關心妍上錯台嘅趣事！
搞到關心妍都笑！
今次真係關心妍呀！
2015年12月20日 On.cc 東網 35C關心妍「峰」芒玉腿齊露
【on.cc東網專訊】 一年一度嘅樂壇頒獎禮第一擊今日正式舉行，又喺嗰句，無論任何天氣，只要有頒獎禮，就有女星爭妍鬥麗同鬥拋胸嘅場面。
今日第一位為大家介紹嘅拋胸佳麗，係「關家姐」關心妍，坐擁35C驕人上圍嘅佢，一襲簡單晚裝裙，已經將佢嘅美好身段表露無遺，而條裙除咗展示佢上身嘅優點，下身仲要開高衩，令關心妍條長腿若隱若現，十分誘人。
而關心妍現身時都好風騷，睇嚟佢好滿意今日嘅打扮。
關心妍不負關家姐之名，勁靚現身。
擁有35C驕人上圍嘅關心妍，舉手投足都好迷人。
而且無論點睇，佢嘅上圍都係咁驕人。
關心妍唔單止晒胸器，仲要晒長腿
大家睇吓佢個樣幾有自信。
開心得佢呀！
不過唔知係咪驚凍親，佢返埋位即刻披番件外套。不過點解夾喺中間嘅佢，個樣咁苦悶嘅？