【on.cc東網專訊】 關心妍（Jade）在電台錄訪問中暢談入行逾12年，經歷過事業的高低起跌，自幼熱愛音樂的Jade，先後參加過加拿大電台舉辦的作曲比賽，她說：「攞過季軍，之後又參加咗新秀歌唱大賽加拿大總決賽，攞到冠軍。」本以為獲獎後便會順理成章的獲唱片公司賞識，繼而為她打開進入娛樂圈的大門，但Jade憶述：「當時嘅我又肥又唔靚，所以無公司肯簽我。」其後，她來港尋找機會，將錄有自己歌聲的錄音帶寄到大大小小的唱片公司，可惜皆石沉大海。
原來關心妍之所以能成為歌手，全靠關母，話說當年，關母把女兒的履歷表交到其髮型師手上，再由他轉交予行內某監製，這為Jade帶來一個真正機會，Jade說：「喺娛樂圈12年嘅經歷讓，到今天她明白到要全情投入、好好享受工作，先唔會不枉此生。」
關心妍入行12年經歷過事業高低潮。（資料圖片）
同樣喜歡過農曆新年的歌手關心妍（Jade），今年卻是最特別的一年，皆因即將榮升人母，佗着BB過猴年！她笑言以往新年瘋狂任食，但今年因為佗BB關係而要戒口：「有好多嘢都唔可以食太多，例如自己最鍾意食嘅蘿蔔糕，但係白蘿蔔比較涼，所以好多人都叫我一件起兩件止，惟有食年糕，但糯米又唔食得，茶又唔飲得，今年賀年食品就冇得食咁多。」Jade指成為媽媽後的感覺很奇妙，同時覺得身邊充滿愛：「出到街又好多人都恭喜我，好戥我開心！」
Jade透露過往新年都會擔任大廚，還會特別炮製鮑魚，今年雖然佗BB比較累，亦不能站太久，但她仍堅持親自下廚：「個個都叫我唔好咁操勞，但我就好想煮畀家人食，希望呢份心意畀家人感受到之餘，BB大個咗都可以好似我咁煮番畀我食！」談到BB的性別，雖然Jade未有透露，但直言自己跟老公都較喜歡生女，可以幫女兒扮靚。她又透露仍然Keep住食花膠及飲紅棗水，有助血氣運行，並堅持每晚泡腳，好好照料身體，生個肥肥白白的猴BB。
關心妍向讀者拜年，祝各位猴年大吉大利！
關心妍雖腹大便便，但仍下廚煮鮑魚！
關心妍沾一沾財神旺氣，發個新年財。
關心妍（Jade）即將榮升人母，向來喜歡農曆新年的她今年特別開心，因首次佗住BB過猴年，但為食的她笑言要戒口：「有好多嘢都唔可以食太多，蘿蔔糕一舊起兩舊止，惟有食年糕，但糯米又唔食得，茶又唔飲得！」雖然要戒口，但她亦戒得特別開心，皆因身邊朋友及家人都對她愛護有加，她說：「出到街好多人都恭喜我，好戥我開心！」她又透露隔日會喝紅棗水及每晚泡腳，令血氣運行，生個肥肥白白的猴B。
Jade為生個肥肥白白的猴B，要戒口唔食年糕！
化妝：Cyrus Lee
髮型：Angus＠Hip Hair Culture
服裝：MOISELLE
【on.cc東網專訊】 歌手關心妍（Jade）一向很喜歡農曆新年，因為有感新年氣氛很好，更可以一家人聚首一堂過節。Jade表示今年農曆新年是最特別的一年，皆因會佗住BB齊齊過猴年。
Jade表示喜歡農曆新年的原因，是可以買新衫，更可以瘋狂任食，但今年因為佗住BB而要戒口，她呻爆謂：「有好多嘢都唔可以食太多，例如自己最鍾意食蘿蔔糕，但係白蘿蔔比較涼，所以好多人都叫我一嚿起兩嚿止，惟有食年糕，但糯米又唔食得，茶又唔飲得，所以今年新年嘅賀年食品就冇得食咁多。」Jade又指成為媽咪感覺好奇妙，更覺得身邊充滿愛，她笑言：「出到街又好多人都恭喜我，好戥我開心！」
堅持下廚
Jade透露過往新年都會擔任大廚，雖然今年佗B比較累，亦不能站太久，但她仍堅持親自下廚，她說：「個個都叫我唔好咁操勞，但我就好想煮畀家人食，希望呢份心意家人感受到之餘，BB大個咗之後都可以好似我咁煮番畀我食！」
認真調理身體
談到BB性別，Jade不想透露，但她直言自己跟老公都較喜歡生女，因為可以幫囡囡扮靚。另外，她亦透露自己有keep住食花膠和喝紅棗水，幫助血氣運行，並堅持每晚泡腳，好好照料身體，生個肥肥白白的猴B。
Make up: Cyrus Lee
Hair: Angus @ Hip Hair Culture
Outfit: MOISELLE
關心妍呢個新年要忍口，真係陰公豬。
佢話唔食得蘿蔔糕。
又唔飲得茶。
糯米又唔食得。
母愛真係好偉大呀！
關心妍雖然咁緊張個B，但佢依然頂硬上為屋企人煮新年大餐，好好呀！
關心妍話有keep住食花膠同飲紅棗水，另外仲堅持泡腳調理身體。
關心妍話呢個新年充滿愛呀！
關心妍煮嘅鮑魚，個個都話好食。
09年與金融才俊楊長智結婚的關心妍，週三(3日)宣布陀住3個半月猴B。36歲陀第一胎，老爺奶奶非常緊張，不斷煲花膠燕窩谷肥新抱！關家姐話下月開始停工養胎，咪仲好命過陀住巨肚都要出騷嘅陳茵媺？
Face 2016年2月10日
《講多過食飯局》繼續找來名人邊食飯邊聊天。一連五集，關心妍除了分享自己人生起跌外，她亦被主播逼供，大談關家姐和整容的問題。
最後一集，關心妍透露與父親已有二十多年沒有見面，數年前多得丈夫鼓勵，重新認識父親。正當希望慢慢建立父女關係時，其父親卻因中風而離開人世，令她十分悲痛，更哭了出來。
第1集 : 2016年1月22日 飲食男女 —講多過食飯局: 關心妍走過人生谷底
http://www.jadekwan.club/zh-hk/?p=3730
第2集 ; 2016年1月27日 飲食男女 — 講多過食飯局: 關心妍對抗關家姐11年魔咒
http://www.jadekwan.club/zh-hk/?p=3741
第3集 : 2016年1月30日 飲食男女 — 講多過食飯局: 關心妍整容真相
http://www.jadekwan.club/zh-hk/?p=3748
第4集 :2016年2月3日 飲食男女 — 講多過食飯局: 救人自救 關心妍：我有幾廢都可以幫人
http://www.jadekwan.club/zh-hk/?p=3774
36歲關心妍（Jade），09年結婚後一直與老公楊長智二人世界。幾年前已放聲氣想做媽媽的她，開始同丈夫積極造人，惜兩年來肚皮唔爭氣，原來血虛的她較難成孕，其後友人提議Jade隔日飲紅、南棗水補身，體質明顯有改善，再加上浸腳穿襪等暖身秘方，令「身體暖，子宮會暖，加速有孕機會。」年幾後終於成功造人，現陀B三個半月的準媽媽Jade重了七磅，腹部微隆，已減少工作，更成家中皇后，她說：「老公和奶奶唔畀我再着高跟鞋，前兩日我話想食雞蛋仔，丈夫專程撲半個鐘買畀我，到4月前停工待產。」
採訪：方騫平 協力 : 林書鉉 攝影：李維隆 化妝：Cyrus Lee
髮型：Angus @ hip hair Culture 服裝：Germain 場地：木+木IDG Concept@塘尾道福強工業大廈A座306室
年半前，關心妍以獨門暖身法調理身體逾一年後，加埋學茶道，飲熟普洱此類正氣茶有助健康又可以暖身，終於成功造猴B。她說：「年半前開始全面戒凍飲，每日飲用紅、南棗水及晚上用熱水浸腳，健康開始有改善，效果比之前飲補身中藥仲好啲，中藥反而飲到我心跳加速，依家好感恩陀B三個半月，生個猴BB加埋肖虎嘅老公一定恰死我呢隻羊媽媽！」
4月停工待產
農曆新年前公告喜訊的Jade，昨日接受本報電話訪問時難掩喜悅，笑個不停，她說：「之前食過幾次『詐胡』，檢孕棒測到有BB，到睇醫生又無，所以呢次疑似有喜個半月去檢查，真係照到有BB，嗰刻開心到難以形容，眼有淚光不停咁笑。其實自去年十月澳門個唱後，我就密謀造人，點知真係中咗，呢個真正係『made in hong kong』好驕傲！好難頂係啱啱有喜時，撞正頒獎禮、除夕元旦騷等，頭兩個月陀B一聞到生果味就嘔，連平日最愛的咖啡奶茶都唔想飲，開始轉食甜、酸和辣嘢，雖然食辣嘢唔好，但食辣先有胃口。有幾次做嘢時嘔，我都只可以話係『腸胃炎』，唔敢公開住，踏入第三個月才無嘔。(幾時停工？)等農曆年後，宣傳埋首新歌，大約陀B五個月就全面停工，預產期係七月尾，會在香港生，不過開刀定自然分娩就未定。」
昨日宣佈快將做媽媽的關心妍，陀B三個半月，重了7磅，腹部微隆的她被丈夫恩愛拖到實。
胃口大逆轉的關心妍，平曰最愛食生果，飲咖啡奶茶，但陀B後居然全部唔like，只嗜甜酸辣。
昨日(3日)，關心妍攬猴公仔在個人網誌公告喜訊，「新一年，家裏多了一位小成員呢！」
■歌手要長期Keep Fit，開Show更要極速減肥其實好傷身，所以Jade之前都花了一段長時間食中藥調理身體。
老師Tommy指導關心妍拎茶壺手勢，最忌勾起手指尾。
兩周前，陀B三個月的Jade接受本報訪問時，雖然未宣佈喜訊，但就全程笑笑口，難掩喜悅。
Jade端坐椅子中央，雙腿貼實，上身挺直，雙肩放鬆，頭面向正面，面部表情自然才符合茶道儀態的要求。
暖身法助懷孕
關心妍透露坊間所有生仔秘方都參考過，但得出嘅結論係暖身尤其重要，遂開始日日飲紅、南棗水，加睡前浸腳、穿襪等三部曲，終於成功懷孕。
步驟1. 6粒去核紅棗煲十分鐘後放入暖壺焗半小時，當水飲。因紅棗太燥，隔日改煲南棗水，方法一樣。
步驟2. 睡前，開水浸腳，加入一小瓶蓋燒酒入熱水，浸十五分鐘。
步驟3. 每晚穿襪瞓，暖身。
紅棗水
【明報專訊】娛樂圈送羊迎猴之際又傳來喜訊，「關家姐」關心妍（Jade）昨日在微博與老公楊長智齊齊抱住馬騮仔報喜：「很想很想和大家分享這份喜悅。感謝主！ 新一年，家裏多了一位小成員呢！」上載的照片更寫上：「Monkey baby coming soon！！」寓意生猴B，認真恭喜！結婚接近7年，一直恨有BB的關心妍，目前已懷孕3個半月，預產期約7月底；雖然最初佗BB一直反胃作嘔，但經歷為人母者的過程，一切都值得。
沒打亂工作 繼續錄新歌
36歲的關心妍於2009年跟金融才俊楊長智結婚，一直都希望可以有下一代而努力造人，但遲遲未有喜訊，更曾考慮人工受孕。終於，等了接近7年，在猴年立春前公布懷孕喜訊，由關家姐準備榮升關媽咪喜迎猴B，預產期在7月底。昨日記者致電恭喜關心妍，電話亦傳來愉快聲音，關心妍透露：「現在已懷孕3個半月，肥了7磅左右，還感覺有點肚突突，終於一切穩定可以和大家分享這份喜悅。最初時嘔足成個月好辛苦，又要保守秘密，去年12月知道有孕，又接了很多騷不能推，所以只能說是腸胃炎。」
預產期7月 兩公婆望生女
一向貼身照顧關心妍的老公楊長智，聽到太太懷孕當然欣喜若狂，更陪她做產前檢查。問到老公有否給她獎勵？她笑着說：「是我獎了隻馬騮給他才對，大家都好開心。」即將迎接猴BB，並未有打亂工作計劃，她會錄新歌完成專輯，更覺得BB在其腹中一起錄歌，感覺好奇妙。她希望BB能夠遺傳音樂細胞，她與老公都希望首胎先生女，之後再生仔就會更好。
娛樂組
關心妍與老公楊長智是圈中模範夫妻，兩人開心喜迎猴BB將出世。（微博圖片
2009年結婚的關心妍，多年嚟都積極造人，今日終於傳來好消息!佢喺微博放圖公佈終於懷孕了:「很想很想和大家分享這份喜悅。感謝主！ 新一年，家裡多了一位小成員呢！」
人妻關心妍喺電話向本報公告喜訊：「好開心，啱啱有咗三個半月，之前唔講得住，好多朋友都察覺唔到，證明我唔係肥好多。等咗差唔多兩年半三年，終於努力造人成功，去年十一月喺澳門開完騷，放下心頭大石努力試，十二月初有咗都唔覺，個幾月後才知，最辛苦嗰段時間接晒聖誕新年騷，嘔到不得了，大家又唔知，工作又推唔到，o依家好舒服冇嘔，BB好乖好錫我，差唔多三個月舒服晒，未知仔定女。」
Jade話懷孕兩個月時最辛苦：「食唔到嘢，不停嘔又暈，最弊接晒所有工作要開工，又唔可以話畀人知點解唔做，一日病咗就得啫，但唔可以話病成個月，公司又唔明，同事以為我腸胃炎，捱咗嗰個月好好多。」
一直恨生B嘅Jade雖然曾經諗過人工受孕，不話今次係自然受孕成功：「自己驗咗知道有，跟住去睇醫生，心情都係放鬆，等到三個半月穩定BB好健康，忍唔住同大家講，當初知道開心到喊，真係冇諗過，因為之前試咗好多時間，朋友畀好多偏方乜都試，有段時間自己都失望，唔好再諗，真係好驚喜，竟然今年就有，嗰種開心好難講，之前唔敢透露畀人知，呢啲傳統都守住，屋企人都冇講，三個月後先講，費事屋企人失望，老爺奶奶媽咪都開心得好緊要，我同老公都喊。」
Jade有咗三個半月，已經見肚，佢好開心話：「開始脹，緊身衫都着唔到。」幾時停工安胎？佢話：「因為三個月半開始穩定，醫生話可以做番嘢，不過老公禁止我唔畀着高踭鞋，我話着一吋得唔得，因為唔着唔慣，行路要好小心，唔可以跌親，可能懷孕個月停工。」
問到想生仔定女？Jade話：「真係有得揀想生女，老公同我都好鍾意女，因為哥哥有兩個仔，老公嗰邊都有仔，我哋想生個女先，家姐可以照顧細佬。o依家自己重咗6、7磅，呢排胃口正常番唔使點補，之前自己太瘦，o依家條腰冇咗，BB健康就OK，胃口暫時好好，BB好錫我，停咗嘔，又唔會成日眼瞓有番啲精神，好舒服，之前嘔咗一個月。」
之前Jade為求懷孕，不但尋求中西名醫，又試過好多偏方，佢話：「飲燉雞汁，又試過中藥、針灸、瞓熱石、飲豆漿，個個都話呢啲好，後來又聽人講飲紅棗水，飲足差唔多一年，幾乎隔日飲補番啲血，因為中藥唔可以成日食，之前中醫補得太緊要，有心悸，要睇足一年西醫，之後老公唔畀食中藥，惟有改試其他方法，夜晚日日浸腳，試咗一年，今年年尾終於成功有BB。」
Jade感恩話：「知道有BB嗰剎那，感覺真係開心到跳起，唔能夠想像，因為我哋試過太耐，好多次嘅失望，到今次有少少唔能夠相信，但就好開心，但又唔敢太開心，因為又驚唔係真，嗰個情感直至照到BB，我哋先至開心，真㗎真㗎真㗎，好似發夢一樣，有BB嘅喜樂多於任何嘢，完全形容唔到。」
恭喜恭喜!
(關心妍微博圖片)
(關心妍微博圖片)
三個半月肚
老公拖實
《講多過食飯局》繼續找來名人邊食飯邊聊天。一連五集，關心妍除了分享自己人生起跌外，她亦被主播逼供，大談關家姐和整容的問題。
曾經獲得「香港傑出義工獎」和「十大傑出青年」的她，於今集第4集透露自己做義工，原來與事業低潮有關，她亦説自己入行後一直被人誤解，這就是藝人要承受的壓力。
第1集 : 2016年1月22日 飲食男女 —講多過食飯局: 關心妍走過人生谷底
http://www.jadekwan.club/zh-hk/?p=3730
第2集 :2016年1月27日 飲食男女 — 講多過食飯局: 關心妍對抗關家姐11年魔咒
http://www.jadekwan.club/zh-hk/?p=3741
第3集 : 2016年1月30日 飲食男女 — 講多過食飯局: 關心妍整容真相
http://www.jadekwan.club/zh-hk/?p=3748
第5集 : 2016年2月5日 飲食男女 — 講多過食飯局 思憶亡父 關心妍：別以為有一世時間
