23 – 二月 – 2016 – 關心妍國際歌迷會

2016年2月23日 TVB娛樂新聞關心妍陀B四個多月透露懷孕初期妊娠反應大

2016年2月23日巴士的報陀B上圍升級關心妍笑言好震撼

懷孕4個多月的關心妍(Jade)，今日為新歌「空心人」在廢置廠房內拍攝MV，她隨身帶備消毒機以防萬一。Jade自爆一生人都未見過自己胸部出現那麼震憾的畫面，她笑稱沒想到4個多月胸部已大得那麼快。

Jade笑言在她懷孕個多月時間，家中的狗狗可能因為嗅到她懷孕的味道而呷醋，在家中四處尿尿，要她每天解釋和氹狗狗。在醫生計算下如順產的話，寶寶大約在Jade的7月尾生日周出生，若然剖腹便會提早，讓她可跟寶寶分開慶祝。

2016年2月23日明報關心妍懷孕逾4個月笑稱上圍很恐怖

關心妍懷孕4個多月，今日拍攝MV，腹部微隆。關心妍表示，懷孕初期又嘔又暈，現已好了很多，下月才知道BB性別，她與老公皆喜歡女兒，希望是佗B女。她笑說現在上圍「很恐怖」，一生人未見過那麼震撼的畫面，感到負荷很重。

關心妍續稱，未決定剖腹還是自然分娩，反而要先預約醫院牀位。

懷孕4個多月的關心妍拍攝MV，腹部微隆。（楊安莉攝）

關心妍想要B女。（楊安莉攝

關心妍早前在微博宣佈懷孕喜訊。（資料圖片）

2016年2月23日蘋果日報 (即時娛樂 ) 【懷孕後首現身】關心妍陀B上圍升級：未見過自己咁震撼

關心妍懷孕4個多月，今日喺屯門拍攝MV《空心人》，肚子微隆由助手扶著出入，亦帶備輕便消毒器。

上圍升級嘅關心妍笑言：「未見過自己咁震撼，估唔到幾個月已經咁澎湃。」佢又指下月就知道BB性別，但兩公婆比較鍾意生女，預產期就約喺佢嘅生日(7月)，問到佢會唔會剖腹生產？佢表示：「未知，但首先要book床位，聽講都好緊張。」

至於，老公楊長智會唔會有任何獎勵，關心妍稱：「應該係我畀佢，今年係拍拖連結婚10週年，都等咗咁耐先有，已經等咗好耐。」關心妍亦大晒幸福，笑稱自己有老公悉心照顧，唔使工作嗰陣，就留喺屋企，佢稱：「佢好緊張，仲有朋友提我有乜注意。但家中細狗最初知道後，發脾氣亂屙尿，o依家接受咗，我都日日講。」

2016年2月23日 On.cc 東網關心妍佗B急升Cup：未見過咁震撼嘅畫面

【on.cc東網專訊】早前宣布有喜的關心妍（Jade）今日為新歌《空心人》拍MV，因在廢置的廠房拍攝，Jade特別帶備了消毒機在身邊，而Jade為保身子穿上黑色大長褸配上黑色波鞋，Jade明顯肚凸凸，表示已懷孕四個多月，初期亦有又嘔又暈，現在就沒有了，所以BB都好乖好錫媽媽。

狂食一個月肥10磅

講到BB性別？Jade謂：「下個月就知嘞，但我都老公都鍾意女，而公司同事都有開盤估我生仔生女。」講到上圍已明顯升級？Jade笑言：「一世人未見過咁震撼嘅畫面，冇諗過幾個月已經咁澎湃，未試過咁形容自己，依家都未到一半時間，遲啲唔知點算。」Jade承認初期都有狂食，所以一個月已肥了10磅，現已減少亂食，會注重營養。問到可有轉飲食口味？Jade謂：「鍾意食點心，所以咁快就肥咗6，7磅，依家就穩定番。（有冇凌晨突然想食嘢要老公去買？）又冇，冇咁陰功。」Jade笑言身邊朋友們都變了「懷孕警察」，不時提她這不能用，那個又不能做，而她除工作外，已經禁足不能外出，因她本身有藥物敏感，所以不能病，怕病了不能服藥。

懷孕令愛犬呷醋

問到老公是否變得好緊張？Jade表示：「佢本身係緊張嘅人，所以仲緊張。」而Jade一向有養狗狗，問可有因有BB而棄養？Jade即言：「冇呀，反而隻細狗Butter喺我有咗1、2個月時，佢好似知道我有咗，平時好聽話嘅佢就竟然亂咁喺梳化同枱底屙尿，佢應該係呷醋，我後尾同佢講媽咪有咗BB！又畀佢伏喺我肚度，之後佢就冇嘢，所以狗係好有靈性。」