Monthly Archives: 六月 2016

今年娛圈勁多猴B，就呢幾個月，就有李心潔生孖B（早前話預產期係5月）。8至9月，就輪到湯唯。下月，36歲的關心妍亦會生頭一胎。

佗B9個月的關心妍，日前出席活動，發福不少。

近日興奮為腹中B女Bubble BB（乳名）砌定牀仔，迎接B女。

【星島日報報道】懷有身孕的關心妍（Jade）前晚現身馬天佑蛋糕店的開張儀式，挺 巨肚仍親臨支持，相當畀面。她指老公與馬天佑相熟，派她來恭賀對方，預產期於下個月，出席完本周日棟篤笑活動便全面停工。

Jade於7月31日生辰，她想B女在7月中出世，暫沒早產 象，本想開刀生產，但如早產就自然分娩，所以要練氣同游水，都怕痛及心情緊張。她指醫生表示很多孕婦都早產，不要吃太多生冷食物，並早已訂了 位，希望不要早產。

Jade已拍了大肚照珍藏，也想拍全裸孕照，或者下次試試。問到會否再生？她稱沒特別計畫，聽聞生了一胎後會較容易再懷孕。她已為女兒改乳名Bubble，與其愛犬Butter同是「B」字頭。

文、圖：張穎芝

關心妍挺 巨肚到賀馬天佑蛋糕店開張。

關心妍（Jade）今晚去咗馬天佑間新餅舖開幕，佢個肚已經籮咁大，但佢話獲得老公批准，而且特登着波鞋出席。

Jade話BB女預產期會喺下月中，喺佢自己生日（7月31號）之前，佢話暫時都冇乜早產跡象，但佢已經練定氣、游吓水，以防BB真係早產，又執定走佬袋等。Jade又話會選擇開刀生，因為怕痛，而且亦已盡量戒口，唔敢食涼嘢。

Jade另指早排已經影咗大肚相，原本諗過全裸上陣，但去到嗰一刻冇影到，啲相會自己珍藏。被問到會唔會打算再追一個？Jade話：「啲人話生開好易有，但冇話特別打算要再追，等BB出咗世再算，而且下一個都冇咁快，因為開刀起碼要休息一年。」提到BB改名，佢話已經改咗個花名叫Bubble：「因為自己隻狗仔叫Butter，大家都用番個B字咁囉。」

肚大如籮嘅關心妍今晚現身中環，出席馬天佑間新舖開幕。（攝影：張俊銘）(蘋果日報)

Jade今晚着波鞋出席活動

關心妍 (Jade) 肚裏的小公主將於7月中出世，如今懷孕八個多月，肚子一日比一日大，亦時常感到很疲累，早前體檢更因體重超標，遭醫生勒令減肥以免出現妊娠糖尿病，連她都笑言辛苦過做演唱會。

　　Jade早前特意拍攝了大肚寫真，為首次做媽媽留下紀念。她為BB健康及建立母嬰親密關係，雖然餵母乳較辛苦，仍希望餵哺母乳一段時間，為此看了很多有關餵母乳的資料，亦向很多已為人母的朋友討教，並跟老公上育嬰課程，真正了解餵母乳的學問和技巧，連早前梁詠琪（GiGi）探望她，她亦趁機偷師。

資料來源 : 星島日報

【on.cc東網專訊】 現年36歲的關心妍（Jade）結婚後期待早日有bb，結果努力7年終「得咗」，令Jade老公楊長智（Jonas）恨女成功非常高興！Jade現在懷孕8個多月，預產期為下月中，為紀念首次當父母，日前Jade着露臍裝晒又圓又凸的肚子跟Jonas拍攝大肚寫真，見Jonas比老婆笑得更開懷，可知準爸爸心情是如何的興奮！

「依家最緊要係bb！」

據知，唱片公司透露自Jade宣布懷孕後，有不少嬰兒產品廣告傾Jade合作，可是全被Jonas拒卻，令唱片公司大呻逾百萬「見財化水」，Jade接受《東網》訪問時，她表示：「聽唱片公司講係有好多廣告搵我，但老公話唔好拍住，怕我企得耐會辛苦，所以之前我只係接咗一個廣告，全程都係坐低拍嘅。」又稱其實有不少商演找她，可是同樣因懷孕不可接，她說：「其實年頭好多商演搵我，但老公都話唔好唱住，全部推晒。（咁咪好肉痛？）又唔係嘅，依家最緊要係bb！」

老公花名叫「雞蛋仔」

Jonas得知Jade懷孕後，對太太更加愛護有加，Jonas被太太的朋友們改花名為「雞蛋仔」，Jade接受《東網》電話訪問時稱：「我有咗bb後，有次突然想食雞蛋仔，老公立即話去買，但嗰晚好夜，啲雞蛋仔舖頭都閂晒，我話返屋企唔食啦，點知佢堅持去搵第二間，仲冒雨去等人整雞蛋仔畀我，佢買到後笑得好開心，其實我睇見佢咁錫我仲心甜，不過老公就畀人笑叫佢『雞蛋仔』。」

問到已為囡囡改名？Jade稱bb會跟老公族譜排名有個「榮」字，不過現時尚構思中，還要跟長輩商量，希望在囡囡出世前改好名，至於英文名跟返兩人用「J」字頭，她說：「想改個特別啲嘅英文名。」

關心妍為咗bb推job，賺少咗成百萬！