歌手關心妍出席Moiselle時裝騷，她表示女兒一日未上學前班，她也不想工作：「囡囡依家一歲兩個月，我出嚟之前都要安排好晒佢食飯同沖涼，佢八、九點瞓覺，我先開始自己嘅夜生活。依家一、三、五陪囡囡上Playgroup，一齊學三文兩語，我都幾Enjoy，而且可以見到佢個性格。（囡囡同其他小朋友相處成點？）佢未係好識同其他BB溝通。不過老師好鍚佢，囡囡又識飛吻同好識電人，啲人都好鍾意佢，又問我點解囡囡咁多頭髮，以為我畀啲生髮水佢搽。不過我懷孕嘅時候食好多菠菜，所以佢好大力同多頭髮，佢大力到可以拉咕????個扣，佢好鍾意做嘢，我培養吓佢做家務，佢真係好似大力水手咁食咗大力菜。」
提到民網大讚其女兒是小美人，關心妍稱不要這樣讚她，又指老公對女兒很嚴格，免她養成公主病，她說：「佢好擔心個女，見到有男仔BB想掂個女，就話要望住，我估個女將來都要讀女校。」
個女似大力水手，係真唔係呀？
關心妍同老公孖住出席活動！
佢話囡囡一日未上學前班，都唔會復工！
大讚囡囡孔武有力！
視個女如珠如寶。（資料圖片）
