歌手關心妍（Jade）同楊長智於2009年選擇在峇里結婚，因為峇里係佢同老公訂情地方，她笑說：「我同老公第一次去旅行就係峇里，BVLGARI酒店係我哋訂情嘅酒店，不過我冇揀喺呢度行禮，因為BVLGARI酒店房間數目唔多，容納唔晒我啲親友，所以我喺Tirtha Uluwatu舉行婚禮。」不過婚禮前幾日，佢同老公係先住BVLGARI酒店，到結婚時就住另一間Ritz-Carlton酒店，即係婚前、婚禮、婚後，一共喺峇里住咗三間酒店。
Jade揀選喺Tirtha Uluwatu行禮，因為位於懸崖邊可以望到成個大海，影婚紗相特別靚，「我哋仲特別訂咗個十字架擺喺行禮出面嗰個地方，感覺好似church（教堂），好靚，啲親友都好開心，因為喺陽光與海灘搞婚禮，大家都可以好casual，冇咁拘束，大家玩得好開心。」
玩得開心好緊要！
喺懸崖邊可以望到成個大海。
唔好以為淨係得西式，其實裙褂一樣得！
可以喺陽光與海灘嘅環境行禮~
Jade覺得咁樣大家都可以好Casual。
冇咁拘束，大家玩得好開心。
浪漫一刻。
http://hk.on.cc/hk/bkn/cnt/entertainment/20180812/bkn-20180812140512212-0812_00862_001.html