關心妍（Jade）﹑何嘉莉﹑黃伊汶﹑葉蘊儀及羅霖等，噚晚出席喺灣仔會展舉行嘅「Moiselle SS15 Fashion Show」。
Jade表示自己休息咗一段時間，要構思2015年音樂，農曆新年後有新作品。講到鄭融被網民指「失蹤」咗，更誇張到開po尋人，有網民甚至問鄭融係咪去咗菲律賓發展。
對此Jade表示：「我睇新聞先知，自己都忙，冇了解公司嘅嘢，佢好似傾緊新公司，大個女有佢嘅選擇，希望繼續做佢自己的音樂。」
有指鄭融唔續約？Jade表示：「咁我又唔清楚喎，我向來都唔理，自己做自己嘢。薛生（薛嘉麟）對大家都好好，每個人都有唔同Plan，可能喺一間公司長時間，想有啲新衝擊，我自己都試過。」
