【on.cc東網專訊】 藝人黃淑儀、徐平、鄧麗欣、關心妍（Jade）、周國賢出席活動。Jade表示87歲高齡的婆婆亦有錸捧場：「佢住呢頭，佢未聽過我表演咁滯，所以今日好開心！」婆婆去年曾患了一場大病，從而令Jade更珍惜與對方相處的時刻，不時與老公下廚煮美食氹婆婆。
原來Jade從小就跟婆婆學廚藝：「我11歲移民加拿大，之前就跟婆婆學咗煮好多嘢，佢嘅功力我都接收咗好多，佢教我切牛肉、煲湯，所以我識煮飯都係因為佢！」她又透露與老公都非常為食，又喜歡下廚、又喜歡做運動：「我哋好瘋狂嘅，會瘋狂咁食，再瘋狂做運動！」
新花名：較剪擦紙膠
提到有傳同唱片公司的雨僑及鄭欣宜爭做一姐，但二人都回應指Jade才是一姐，Jade笑說：「算啦！我做關家姐好過做一姐！呢啲新聞成日有，兩個我都欣賞，大家當新聞一則啦！（覺得佢哋有冇爭寵？）冇嘅，我知道公司都好錫佢哋，呢個可能係宣傳啫，我之前都有好多一姐、二姐、三姐啦！冇所謂啦！最緊要大家都係為公司做得好！」
對於被網民指她變面，並出現「間尺鼻」，Jade表示可能自己太少曝光，又笑言多了一個新花名：「除咗間尺之外，可能又會有擦紙膠、較剪，都係笑吓啦，都咁多年，化妝唔同咗或者各樣嘢我都唔使一一解釋。我覺得個樣點變都好，最緊要大家繼續聽我嘅歌啦！」
關心妍笑言唔會同雨僑（右）、鄭欣宜（左）爭做一姐：「我係關家姐！」
關心妍與婆婆出席活動。
關心妍與眾同樂。
關心妍用歌聲冧婆婆。