喺呢一個月內，港鐵已經最少有2次唔俾同學帶樂器進入港鐵車站，原因係行李長度違反規定，不過有市民發現水貨客就仍然可以安全出入港鐵車站。有好多市民都對港鐵呢種雙重標準行為表示反感，更加有更有網民發起於10月3日星期六傍晚於大圍站舉行「號召中西樂學生老師樂手攜帶大型樂器搭東鐵」行動。
咁多人都出聲，身為歌手嘅HOCC何韻詩又點會唔出聲呢？佢今日就喺自己個fb，呼籲大家一齊聯署投訴港鐵唔俾樂器入閘欠道理，跟住仲分享埋「港鐵車站藝術表演」個網址話「但不能入閘，Quartet(四重奏)變trio(三重奏)，陰公。」寸爆港鐵。
其實早前著名填詞人梁栢堅都將關心妍主唱嘅〈你有心〉改詞，改為〈你有箏〉，真係想搵Jade親自唱番次喎。
就係因為港鐵禁止呢位女同學帶古箏入站，因此樂手對港鐵嘅戰爭都隨即展開。(網上圖片)
HOCC明寸港鐵啦。(網上圖片)
填詞人梁栢堅立馬填番首歌應景。
連GOGOVAN都推出抽港鐵水嘅優惠。(網上圖片)
首〈你有箏〉真係要搵Jade唱先得。
向來「有嘢講」嘅HOCC點會唔對港鐵近日禁止樂器入閘出聲呀。(網上圖片)