【on.cc東網專訊】 歌手關心妍早前接受有線電視節目《樂壇第一手》訪問，分享新歌中帶出的訊息，更談及個人的感情經歷。
MV大考演技
心妍早前為新歌MV費盡心思，她表示：「欣宜不嬲畀人感覺係好開心，今次試吓大反差，等大家估佢唔到。阿Yu（趙頌茹）就負責摑欣宜一巴，因為佢係一個有經歷嘅人，好簡單就交代到震撼嘅畫面。」對於MV中鎅手被指教壞細路，她解釋指：「我想畀人睇到真實世界真係有呢啲人，令青年人明白係唔啱，用MV去摑醒佢哋唔好咁傻。」
幸福人妻曾遇情傷
她又指歌曲想帶出的訊息是希望每個人都可放下以前，更自爆曾因失戀有自殺念頭：「好多人話關心妍已經係幸福人妻，梗係講得容易，但其實我都曾經因失戀而爭啲服藥自殺，咁啱嗰時我哥哥衝咗入房，佢唔知我準備自殺，只係見到我喊緊，佢幫我抹眼淚，就係咁救番我一命。」
關心妍以自身感情經歷，勸勉別人放低過去。
關心妍自爆曾因失戀想自殺，好彩獲哥哥救回一命。
鄭欣宜（資料圖片）
趙頌茹（資料圖片）