【on.cc東網專訊】 歌手關心妍（Jade）憑《關家姐》在《勁歌金曲頒獎禮》贏得歌曲獎，更大騷性感事業線，Jade笑言：「呢排肥番啲，女人要有嘅都返晒嚟，失蹤咗好幾年啦。（有冇再push up？）冇啦，再push好驚，電視唔好太性感。」
嘆當時一時衝動
由於2012年度頒獎禮成績欠佳，關心妍於2013年初曾表示不再出席任何頒獎禮，對於現今反口「唔嫁又嫁」，Jade表示：「三年前係講咗呢件事，但每年公司都游說我攞獎，而當時我係一時衝動咁做。但其實我唔能夠咁自私，因為團隊、公司、同事都需要同老闆交代，所以三年嚟公司不停游說我，咁所以我答應如果歌曲真係有成績，我就代表佢哋攞番獎。」
當被問到怕不怕被指出爾反爾，Jade坦言：「好無奈㗎，I feel so sorry，就得一邊又就唔到一邊，咁公司同事都好難做，如果有獎自己又唔去，唔想累咗人冇咗份工，係兩難，情願出番嚟，so sorry！」
關心妍反口喺《勁歌金曲頒獎禮》拎番獎。
關心妍大騷性感事業線。
攞番獎都係為咗同事向老闆嘅一個交代。
真係左右做人難啊。