關心妍（Jade）今日喺炮台山出席雜誌頒獎禮，懷孕5個月嘅Jade著上咗4吋高踭鞋，上圍明顯升cup， 佢話：「我驚唔着高踭鞋會唔識行，都要向屋企人申請。」
Jade透露月尾先知道BB性別，自己就希望係女兒，而佢完成手頭上的工作，下個月就開始閉關養胎，佢話：「剩返4個月，冇乜特別會留喺屋企。」提到改名，佢表示要跟族譜，Jade話：「係要跟個榮字，楊榮X，改一個字都比較易。O依家開始感受到佢踼我，之前睇慧嫻演唱會，返到屋企都未肯收手。」而Jade陀B時經常出席慈善活動，佢話：「今日會攞慈善之星獎，未出世就帶佢做義工，希望佢係一個善良、幫到人嘅小朋友。」
懷孕5個月嘅Jade肚子微隆
不過佢竟然仲著上4吋高踭鞋
