懷孕7個半月嘅關心妍（Jade）同葉文輝（啤梨）、車淑梅今日到大埔桐梓做義工，為80位長者獻唱。準靚媽Jade着住鬆糕鞋現身，又向長者派利是。Jade話依家都係著厚踭：「今日吋零咋，平時都要着平底鞋。」
早前驗出有妊娠糖尿病嘅她，努力戒口節食，依家已經回復正常水平：「辛苦過演唱會，陀住佢特別肚餓、真係好難忍。」Jade仲透露醫生指BB女手長腳長，頭都好大：「唔知係咪負負得正呢？我同老公都唔高，哈。」已預約7月中剖腹生B嘅佢，話如果BB早咗出嚟都會自然分娩。
佢仲話期待臨生前食西瓜及腐竹糖水，Jade話：「我好想佢快啲出嚟，依家都好玩嘅，不過我仲未捉到佢啲手仔、腳仔印。」咁老公楊長智會否陪入產房？佢笑指老公驚血，不過好想老公陪伴：「都想佢幫BB剪臍帶，都係象徵式啫，我叫佢唔好咁擔心。」
懷孕7個半月嘅關心妍今日到大埔做義工
Jade笑指老公驚血，不過好想老公陪伴，幫BB剪臍帶
Jade着住吋零厚踭鬆糕鞋現身