懷孕七個半月的關心妍（Jade）昨日挺巨肚出席慈善活動，貪靚的她腳踏兩吋Platform向公公婆婆大派利是。Jade早前透露因體重超標，有患妊娠糖尿病的風險，幸好減肥成功：「平時開騷慣咗減肥，估唔到大住肚都要減！因為醫生話我有啲偏高，驚我會有（妊娠糖尿），所以依個月都食得好清淡，大肚婆忍唔到餓，好辛苦o架！好彩最後啱水平。」她又表示因BB的手腳較長，經常在肚內踢來踢去，問到是否已準備「走佬袋」？她說：「未啊！Book咗日子開刀，但如果早咗生就順產。」Jade笑言屆時會「逼」老公陪產：「佢都問緊意見，但我想佢入產房，得老公可以入去，或者到時叫佢戴黑超半遮咁樣入去睇。」
