嚟緊升呢做媽咪嘅關心妍(Jade)已懷孕八個幾月，「小公主」即將喺7月中出世，個肚一日大過一日，Jade早前仲去咗影大肚寫真作留念o添！第一次做媽媽嘅Jade，笑言陀B比做演唱會更辛苦，佢仲坦言話現階段比較辛苦，好容易疲累。而早前體檢時仲因為磅數過重，醫生擔心有妊娠糖尿，所以勒令要減肥控制體重！
而臨盆在即嘅Jade亦為小公主做好準備，同老公四出搜羅BB日用品。Jade仲話BB出世後希望可以餵哺母乳，佢話：「已讀了很多有關餵哺母乳嘅書籍同資料，亦問咗好多做咗媽媽嘅朋友意見，大家都好贊成母乳育嬰，因為母乳可以為BB提供全面營養，仲可以建立親密親子關係！我同老公早前特登上咗一趟母乳育嬰課程，真正了解到餵哺母乳有好多學問，例如餵哺技巧，媽媽嘅飲食習慣等！早前Gigi(梁詠琪)嚟咗探我，我當然趁機會向佢偷師。為咗BB身體更健康，雖然比較辛苦，但我亦希望餵哺母乳一段時間。」
預產期7月，關心妍早前去咗影孕婦寫真
