36歲關心妍（Jade）前日為老公楊長智誕下小公主楊榮心（Jovia），母女平安，小公主眼型好長，應該係大眼女，佢打呵欠時仲擘到嘴仔好大，O型嘴好可愛。
初為人母嘅Jade今日接受訪問，佢好開心話：「BB中文名叫楊榮心，我哋跟族譜改，因為榮字，代表榮耀同有神嘅心，所以叫楊榮心，英文名大家都想用番J字，所以叫Jovia，代表joyful、開心，希望佢係一個喜樂bb，佢出世6磅6，身長48cm，大約19吋左右，生產過程我係剖腹產女，一切都ok，之後有少少痛，都頂到，比我想像中冇咁痛。」
Jade話老公楊長智有陪佢入產房：「我諗住佢會唔會好緊張，因為佢係緊張大師，都驚佢入到產房手忙腳亂，佢只係攞部電話入去影相同拍video，點知佢出嚟嘅時候異常冷靜，我真係要頒個獎畀佢，冇諗過佢係可以咁冷靜，仲可以剪埋臍帶，雖然我瞓咗喺度，但感筧有少少流淚，呢個時候感覺好touching。」
BB中文名跟族譜改，叫楊榮心。
囡囡英文名Jovia代表joyful
