【on.cc東網專訊】 歌手關心妍（Jade）早前生咗囡囡楊榮心，身為好友的張栢芝今日就帶埋兩個仔Lucas同Quintus去探BB，栢芝的官方微博上載咗幾張合照，見栢芝抱起榮心手勢純熟，果然係兩子嘅媽媽，而關心妍就抱起自己隻狗仔，Lucas同Quintus兩兄弟高咗好多，仲愈大愈似樣。
探BB當然要準備禮物啦，不過栢芝就唔係送衫仔、嬰兒用品呢啲行貨，而係自己親手畫咗一幅BB油畫送畀關心妍同佢囡囡，真係特別得嚟又溫馨。
栢芝寶刀未老，抱B手勢好正宗。
似乎Lucas（中）同Quintus（左）都有禮物收。
栢芝抱咗榮心，心妍只好抱狗。
栢芝親手畫咗幅油畫畀關心妍，又幾特別喎！
榮心都望住栢芝姨姨，心諗邊個嚟呢？