一眾粉絲期待已久的關心妍終於重投歌手身份，今年更舉行入行18年首次內地巡唱「Touching Moment Concert Tour」，7月13日於廣州舉行首站，之後再到深圳、東莞和佛山等地，將會陸續公布。
關心妍終於重投歌手身份。
曾兩次踏上紅館的Jade，距離上一次個人演唱會已經相隔5年，這段時間全心照顧囡囡和創辦「妍亮生命慈善基金」幫助情緒抑鬱的小朋友和家庭，今年亦將會回歸樂壇。Jade說︰「內地嘅巡迴真係等咗好耐，一直都等一個啱嘅時機，內地歌迷問咗十幾年都未實現到，今次意義好大，而今年香港嘅場地好爆，希望明年2020可以將巡唱帶返香港。」
Jade希望明年2020可以將巡唱帶回香港。
日前Jade為演唱會海報拍攝，一有時間就跟囡囡玩視像電話，Jade經常和囡囡在屋企玩「煮飯仔」焗麵包和蛋糕，心心一見到媽咪就話要食「包包」和士多啤梨，兩母女更隔空合唱心心的最愛兒歌《太陽伯伯》，Jade說︰「心心每日要聽十五次以上，歌詞背到好熟，哈哈！希望第一站帶埋心心到場，佢出世之後都未見過舞台上嘅媽咪，有俾啲片佢睇過，每次見到媽咪唱歌都好興奮，先幫佢申請定張回鄉証先。」
責編：林偉德 編輯：Pearl Lo