別舞台兩年，關心妍(Jade)將於11月28日在九展開Show，為了以最Fit姿態示人，Jade日日食烚肉加烚菜，周六日就可以小休，食多少 少。難得「放假」，Jade必食至愛台灣菜，特別推介starzcafe。「大廚走訪台灣20多間食店尋找大熱美食同甜品再用心改良，好有誠意，最重要 cafe位於銅鑼灣區，但價錢一的都唔貴。」採訪：方騫平 攝影：李權威 化妝：Cyruslee 服裝：Iblues
店舖介紹
關於starzcafe
由 張芝經理人余毓興開設，其實係一間主題餐廳，提供飲食及娛樂服務，因為餐廳下半年會配合AGE新亞洲舉行招募新人計劃，又會製作兩部微電影。同時，又會 提供娛樂代購服務，如購買中港台韓國演唱會門票，屬香港少有的綜合性餐廳。當日Jade興之所致，由大廚教路，做一道蒜子鮮草菇。
地址：銅鑼灣登龍街永光中心17樓
電話：28912001
沙茶牛仔骨$78 評價：因為用半煎炸方式，所以保持到肉汁，做得非常嫩口，加埋松露香味，真係一絕，兩者配搭得宜，好味。
星級滷蛋肉燥飯$58 評價：用貴價五花腩做，所以做出肉燥好滑，同一般食店用肥豬肉做質感唔同，而滷蛋用秘製滷汁滷成，味道夠香濃。
星級鹽酥雞$52 評價：外脆內嫩好好味，其實做到呢個效果好有難度，控制油溫同火喉唔容易，而且好惹味，師傅走均台灣街頭同小店試食再返港鑽研醃料，加以改良，所以口味獨特，呢個小食係我至愛食到停唔到口。
火鳳燎園$68 評價：招牌菜，賣點係夠平，用成本價就可以食到成隻春雞，呢個價錢街市買隻生雞都唔得啦。春雞香港好少食到，細細隻，易入味又夠多肉，雖然似炸雞，但製作過程更加複雜，醃完風乾，再拖熱水同落鑊炸，最後上蜜糖汁。
蒜子鮮草菇$62 評價：烚菜食得太多好悶，加埋上湯同炸過蒜子，後者成為菜式靈魂，因為蒜香令菜式豐富好多，增添食欲，我一定偷師。
星級牛肉麵$68 評價：牛?夠稔身，湯底係用牛骨製作，餚足15粒鐘，最特別係手作麵，質地似干扁麵，係要向麵廠訂造，厚度好，夠煙韌。
星級菠蘿甜酸肉$88 評價：即甜酸咕嚕肉，唯一係採用豬頸肉同新鮮菠蘿做，菠蘿夠新鮮，豬頸肉口感好，好醒胃！而且咕嚕肉炸得好，肉地唔太乾身，最神奇係，就算加甜酸汁仲Keep住脆身，真係好考大廚功力，我屋企做過好多次咕嚕肉，但每次都失敗。
窩夫$58 評價：製作餅底所用機器係訂製，凹凸感較出，所以比較脆身，唔似出面窩夫做到好似格仔餅咁。
奇脆蜜糖磚塊 $68 評價：將麵包粒烘到脆身再加上蜜糖，香甜脆卜卜，再加入比利時雪糕，好好味。
