另外，歌手關心妍同老公楊長智育有囡囡楊榮心（Jovia），呢日楊長智喺社交網晒囡囡嘅得意相，相中Jovia玩到好悶，突然擘大口仔「打喊露」，認真CUTE到暈！有網友仲留言話Jovia擘大口嘅樣，好似學緊媽咪開聲練歌咁，相當搞笑！
關心妍（右）同洪欣互晒湊女樂！
關心妍個女打喊露好得意呀！
2017年5月5日 on.cc東網 【邊個夠我萌】關心妍洪欣鬥晒可愛囡囡
Category Archives: 心妍報章新聞
2017年5月1日 on.cc東網 囡囡發燒！關心妍三日三夜貼身照顧
關心妍（Jade）自從愛女心心出世後，Jade已決定暫別樂壇一段日子，全力照顧心心，希望陪伴愛女成長，Jade在社交網上載一張兩母女的新照，見到心心愈大愈似媽咪咁靚女，不過額頭有塊退熱貼，Jade留言：「九個月來首次發燒，我經過三日三夜不眠不休，她的高燒終於退了，感恩在她病的時候，還活潑精靈，令我放心不少！」
關心妍囡囡第一次病。
三日三夜不眠不休貼身照顧。
囡囡好番，關心妍一定開心晒。
2017年4月14日 on.cc東網 有女萬事足！關心妍爆唔敢追多個
歌手關心妍（Jade）跟老公楊長智去捧容祖兒的sidetrack演唱會場，睇完騷Jade在社交網貼上夫婦跟祖兒在後台的合照，並對祖兒個騷讚口不絕，Jade接受東網訪問說：「好好睇，一直好想睇，但之前同老公去咗旅行，依家夜晚又要搵人睇住囡囡，安排好晒先可以出去睇騷。」Jade坦言好多side-track歌現場好少聽到，祖兒有好多首她都好喜歡，她特別鍾意《貪嗔癡》，她說：「祖祖唱得好好，可能佢好鍾意呢個騷，佢係特別投入，同我哋好closed，佢喺台上好cute睇到佢好多面好可愛。」
爆囡囡好鍾意音樂
久未有演唱的Jade可有技癢？她笑說：「等心心（女兒楊榮心）大個啲先，佢依家都係得8個月半咋，佢啱啱返緊Play group進入另一個階段，都想擺多啲時間喺佢身邊，起碼等佢歲幾再算，我自己日日都開騷畀佢聽㗎啦，因為佢鍾意聽我唱歌，佢好鍾意音樂，雖然冇工作，但係對住佢開嘅騷，我諗仲多過我返工，不過我好enjoy，佢一日一日大過好可愛。」
孖老公去旅行
Jade與老公剛去完福岡旅行，她坦言兩公婆已經好耐冇去旅行，她說：「都係去唞吓享受番二人世界，真係好耐冇試過淨係我哋兩個，唔使湊BB，食吓嘢去玩吓，本身我哋想去睇櫻花嘅，但我哋去嘅時候，一粒櫻花都冇，好可惜，我哋兩個一齊十幾年都未試過見到櫻花，今次特別去睇又冇，期待下次或者帶埋心心一齊去睇啦。」今次兩公婆可有趁機「造人」？她說：「試多個我諗真係要睇上帝安排，因為呢個（心心）都試咗咁多年，所以都唔敢再有呢個諗法住，我覺得都係順其自然，我依家覺得湊好心心已經好開心，如果上帝再賜多個畀我當然係好，刻意再去試我就應該唔會囉。」
順其自然就最好啦。
去日本旅行Relax吓。
而關心妍有心心就夠啦！
上世情人。
開心妍同老公去睇容祖兒（中）演唱會
2017年4月7日 星島日報 (節錄)
關心妍呻產後難修身
到場睇騷的關心妍產後修身效果不錯，但她略嫌比理想還相差6磅，坦言減得好痛苦，跟以往瘦身有分別，以前地獄式減得很快，現時減極都不太理想，努力之下雖已減掉十幾磅，仍覺未夠實，要穿矯形內衣助修 條，也盡量食清淡。她指女兒已9個月大開始上Playgroup，初時不停哭令場面尷尬，現在幾好，女兒會企起身想行，但不想她太早學行怕有O形腳，形容女兒是大力妹，有時捉她抹面會大力反抗，次次被她擊中臉，懷疑佗她時食得太多菠菜。
關心妍笑稱女兒是大力妹。
2017年4月6日 on.cc東網 囡囡營養足氣力大 關心妍：盡母愛偉大
歌手關心妍（Jade）出席活動，問是否已完全收身？她說：「仲有6磅，呢啲肥唔同嗰陣演唱會減肥，減極都唔落，我已經好努力減咗15磅，但離正常嘅我仲差9磅。我依家已經食得好清淡，即係隔籬嗰個（老公）大魚大肉，但我都好清淡。（係咪因為仲餵緊人奶所以未減到？）其實我餵完喇，佢（囡囡）依家都9個月大，已經盡咗我母愛嘅偉大，所以先開始減肥，之前唔減得住，因為要畀營養佢。」
Jade又透露囡囡是大力妹，現在經常要站起來：「可能我佗佢時食好多菠菜真係有用，佢真係好大力，因為醫生話唔好咁快行路住，如果唔係會O字腳，所以佢一想企我要撳住佢，但佢好大力，唔知佢邊度嚟嘅力。」
關心妍表示還有9磅要減，仍在努力。
關心妍會繼續努力收身。
講起收身，關心妍就顯得特別激動。
關心妍笑言依家只可以睇住老公同囡囡食嘢，自己就要封口。（資料圖片）
2017年3月11日 蘋果日報 (即時娛樂) 【為囡囡讀書鋪路】8個月大返Playgroup？ 關心妍：配合環境去行
關心妍（Jade）、周慧敏噚晚喺尖沙嘴出席「拉濶金曲開心夜慈善音樂會」，Jade話：「年尾會有7場報道會，今次嗰個騷係為咗報道會籌經費，目標籌2千萬，不過我都未知目前籌到幾多錢，我有出錢出力去支持。」
做慈善之外，最近佢忙緊幫囡囡楊榮心（Jovia）報Playgroup，雖然囡囡就嚟只係8個月大，Jade坦言：「好多家長都咁講， 0依家唔報嘅話，將來好多幼稚園都會唔收，因為一條龍政策，收生標準係先考慮收讀過Playgroup嗰啲學生，之後至收冇讀過嘅學生。」
Jade慨歎冇辦法，要跟住環境去行：「惟有盡量去配合，但我唔係怪獸家長，我同老公(楊長智)唔會太逼個女。」心心會唔會唔知返乜㗎？Jade話：「都係㗎，我哋會陪小朋友一齊返。」係咪學得香港教育制度有問題？佢再話：「學生有唔同嘅壓力，明白大環境係咁，有啲學校係商業掛帥。」雖然問題處處，但佢話希望囡囡先學好中文，首選讀本土學校，最後搞唔掂先考慮去外國讀書：「我真係唔要求佢讀到啲咩，但求開開心心，學校都會揀屋企附近，做到0依家嘅準標就好。」
關心妍話希望囡囡開開心心讀書！
2017年3月10日 星島頭條網 關心妍為8個月大囡囡計劃報Playgroup
關心妍出席籌款活動，她稱現在主力湊B女楊榮心（Jovia），雖然囡囡現在約8個月大，但已經計劃為她報讀Playgroup。她說：「朋友話現在的學校都是一條龍，如果不由Playgroup讀起，之後報讀幼稚園獲得學位的機會不大，我不是怪獸家長。（覺得香港教育制度有問題？）做了媽咪後才發現，都沒有辦法。」她又說不會強迫囡囡讀書，如果囡囡讀得辛苦，不排除送她到外國升學。
關心妍都怕囡囡大嗰咗讀書辛苦，不排除送佢去外國升學。
關心妍自言唔係怪獸家長。
2017年3月10日 明報 幫8個月大囡囡報playgroup 關心妍：等佢食下啲菌
【今晚直擊】關心妍（Jade）今晚為一個音樂劇演出，Jade表示最近忙為8個月大的女兒楊榮心（Jovia）報playgroup，她說：「個制度一條龍，聽過有部分家長一間都無報，後來幼稚園真的不取錄，我起初也不信，後來發現做家長真的不容易，制度無得不配合。」
Jade又表示幫囡囡報讀playgroup，讓她玩耍之餘，也等她「食下啲菌」：「等她適應外面環境，將來返學無咁容易病，我會陪她返學，但也不想太怪獸家長，所以只報讀一間。」問她有否覺得香港教育制度有問題？Jade說：「這個System是大家配合造成，這些Playgroup有商業因素，家長唔做又唔得，變咗無得揀。」
雖然囡囡楊榮心僅8個月大，但Jade已幫她報定playgroup。（左圖攝影：孫華中）
Jade表示不想做怪獸家長。（攝影：孫華中）
2017年3月10日 On.cc 東網 停餵人奶上圍縮水 關心妍否認怪獸家長
歌手關心妍（Jade）出席慈善音樂會，上圍大縮水的她坦言已停止餵人奶，問到是否降了兩Cup？Jade一臉尷尬說：「唔識計，唔好講呢啲，兒童不宜。」隨即滔滔不絕大讚活動有意義，Jade說：「今年底會係大球場搞七日布道會，全部免費入場，所以依家我係義唱籌款，目標係籌二千萬港元，其實之前係會展搞咗個133圍晚宴都籌咗啲錢。」
由於Jade老公楊長智曾被指有三億身家，問到會否叫老公捐錢？Jade說：「盡力啦。」隨即表示能義唱是福氣，基督徒的她說：「為神去做。」Jade去年成功誕下寶貝女楊榮心（Jovia），她自爆準備為七個月大的愛女報名讀Playgroup，即被指是「怪獸家長」，Jade否認說：「好似好早報讀，不過唔申請就好難插班讀幼稚園，好多都七、八個月就去上Playgroup學群體生活。（好慘啫？）我都係報一間，好多父母係報幾間，依家社會係咁。（老公緊張過你？）一般緊張。」曾於加拿大求學的Jade表示暫時會安排囡囡讀本地學校。
另外，問到今年會否推出新歌？Jade說：「唔知，公司都好錫我，畀好多時間我，接好多Online嘢畀我，唱歌就要等一等，因為我仲係放假中，搞掂小朋友先啦。」
Jade好似瘦咗咁多嘅？
Jade上圍大縮水。
Jade表示已為囡囡報名讀Playgroup。
Jade與老公楊長智（資料圖片）
2016年12月15日 星島頭條網 關心妍請假專心湊女 暫無意追多個
關心妍（Jade）晚上以大使身份，為「2016全港青少年進步獎頒獎晚宴」擔任頒獎嘉賓及獻唱。已是第2年參與活動的Jade表示，其教育基金跟大會的慈善基金有合作，去年剛懷孕時還挺著肚子到學校進行分享，在後台又暈又嘔也在所不惜，因十分有意義。不過今年完成活動，她就要趕回家湊囡囡，事關囡囡很黐她，扭親計都要找她，故暫向公司請假，專心湊女，只做一些慈善工作。
Jade分享湊女心得，說：「我出門口時有跟囡囡講拜拜，告訴她媽咪要去做甚麼，因覺得對她要有交代；除了幫她沖涼，每晚還會跟她說很多話，應該搞到她很累，哈哈。（何時復出？）還未知道，況且即將過年，外國的家人會回港見囡囡，哥哥也會帶同美國剛出世的BB回港首次見面，至少要待囡囡打完所有防疫針才考慮。」作為新任媽咪的Jade，自覺學會了七七八八，但希望將所有的愛都給囡囡，因此暫時也無意追多個。（攝影：林子棠)
Jade笑稱每晚都跟囡囡說好話，搞到囡囡好累。
Jade出席完活動後就心急趕回家湊女。