36歲的歌手關心妍（Jade）上周六誕下囡囡楊榮心（Jovia），她昨日公開一家三口的合照，大晒溫馨，又在社交網站甫囡囡的獨照，代囡囡向大家打招呼！雖然Jovia在相中未有張開眼睛，但其眼線修長，相信必定有一雙大眼睛。Jade透露囡囡出生時有6磅6，長48厘米，又指聽取朋友的意見後，決定會餵全母乳：「我依家得好少初乳，所以餵得比較頻密，一日10至12次，好彩我之前有去上堂，好快上手，BB又好乖，識搵食，大家好容易配合到。」
好快要剪髮
Jade表示要感謝大家的祝福，希望盡快能帶囡囡與大家見面，又笑指囡囡一出世時似自己，但過了兩日就似爸爸：「佢好多頭髮，我諗佢係最快要去剪頭髮嘅BB！」而剖腹產女的Jade獲老公楊長智陪入產房，她笑謂要頒獎給表現冷靜的老公：「開頭以為佢會好緊張，點知佢好冷靜，仲好勇敢咁剪埋臍帶，嗰刻好感動，有小小想流淚，好touching！」
關心妍晒一家三口幸福照，B女初生就已經長了濃密黑髮。
36歲關心妍（Jade）前日為老公楊長智生咗小公主楊榮心（Jovia），初為人母嘅Jade為咗囡囡嘅健康堅持餵母乳，佢就話：「o依家因為好多人話初乳好緊要，我問咗好多人意見，堅持會餵全母乳，但開頭因為o依家好少初乳，餵嘅時候好頻密，要十至十二次，好在之前有上堂，埋手已經好ok，BB又好乖識搵食，好容易大家配合到，暫時呢個moment都非常之好，佢都食咗好多，餵母乳感覺好amazing。」
最後，Jade話好多謝大家祝福：「希望BB快啲同大家見面，佢出世時似我多啲，過一兩日後，佢o依家似daddy，好多頭髮好得意，我諗佢係最快嘅BB要剪頭髮。」
【星島日報報道】關心妍（Jade）前日（上周六）誕下女兒楊榮心Jovia，她直言希望囡囡是個喜樂BB。Jade笑稱囡囡出世時似她多一點，但只是一兩日時間，又似爹哋多點，「都好多頭髮啦，好得意，我想她是最快的BB要去剪頭髮，多謝大家祝福，希望BB身體健康啦！」
Jade透露女兒出世時6.6磅，身長有48CM（約19吋），剖腹產女的她表示過程順利，之後有少許痛都頂得住，還沒想像中那麼痛。她坦言初乳好緊要，但因現在得好少初乳，所以她一日餵的時間較頻密。她說：「一日餵十至十二次，好好彩之前有去上堂，一埋手就已好OK，BB好乖好識得搵食，好易就大家配合到。」她更形容餵母乳感覺好Amazing！
至於老公Jonas有陪入產房，Jade就大讚老公異常冷靜，更剪埋臍帶，好勇敢，感動到她眼濕想喊添！
Jovia超得意，果然是喜樂BB。
36歲關心妍（Jade）前日為老公楊長智誕下小公主楊榮心（Jovia），母女平安，小公主眼型好長，應該係大眼女，佢打呵欠時仲擘到嘴仔好大，O型嘴好可愛。
初為人母嘅Jade今日接受訪問，佢好開心話：「BB中文名叫楊榮心，我哋跟族譜改，因為榮字，代表榮耀同有神嘅心，所以叫楊榮心，英文名大家都想用番J字，所以叫Jovia，代表joyful、開心，希望佢係一個喜樂bb，佢出世6磅6，身長48cm，大約19吋左右，生產過程我係剖腹產女，一切都ok，之後有少少痛，都頂到，比我想像中冇咁痛。」
Jade話老公楊長智有陪佢入產房：「我諗住佢會唔會好緊張，因為佢係緊張大師，都驚佢入到產房手忙腳亂，佢只係攞部電話入去影相同拍video，點知佢出嚟嘅時候異常冷靜，我真係要頒個獎畀佢，冇諗過佢係可以咁冷靜，仲可以剪埋臍帶，雖然我瞓咗喺度，但感筧有少少流淚，呢個時候感覺好touching。」
BB中文名跟族譜改，叫楊榮心。
囡囡英文名Jovia代表joyful
【明報專訊】36歲關心妍（Jade）做媽咪，寶貝女兒楊榮心（Jovia）出世了！昨晚9時許，Jade與老公楊長智分別在社交平台報喜，母女平安。Jade留言：「"兒女是耶和華所賜的產業…" （詩127：3）今天我家小女兒楊榮心來到我們懷中，感謝主，等我休息一下，再帶Jovia同各位見面啦。」
Jade貼上女兒的腳仔照片，腳趾撐開了似跟大家Say Hi，而楊長智則選擇一張囡囡腳趾「收晒」的照片，肥嘟嘟好趣致！囡囡出世前Jade已為她改名，中文名楊榮心，英文名Jovia。
Jade於2009年結婚，她一直恨做媽咪，今年2月宣布懷孕，為迎接家庭新成員，買4千萬的豪宅，有5個房間，做足準備繼續努力造人。
娛樂組
關心妍囡囡楊榮心的腳仔肥嘟嘟，腳趾撐開了像跟大家Say Hi！（網上圖片）
關心妍與老公楊長智昨晚分別在社交平台報喜，開心宣布囡囡楊榮心（Jovia）出世了！（資料圖片）
今年娛圈勁多猴B，就呢幾個月，就有李心潔生孖B（早前話預產期係5月）。8至9月，就輪到湯唯。下月，36歲的關心妍亦會生頭一胎。
佗B9個月的關心妍，日前出席活動，發福不少。
近日興奮為腹中B女Bubble BB（乳名）砌定牀仔，迎接B女。
【星島日報報道】懷有身孕的關心妍（Jade）前晚現身馬天佑蛋糕店的開張儀式，挺 巨肚仍親臨支持，相當畀面。她指老公與馬天佑相熟，派她來恭賀對方，預產期於下個月，出席完本周日棟篤笑活動便全面停工。
Jade於7月31日生辰，她想B女在7月中出世，暫沒早產 象，本想開刀生產，但如早產就自然分娩，所以要練氣同游水，都怕痛及心情緊張。她指醫生表示很多孕婦都早產，不要吃太多生冷食物，並早已訂了 位，希望不要早產。
Jade已拍了大肚照珍藏，也想拍全裸孕照，或者下次試試。問到會否再生？她稱沒特別計畫，聽聞生了一胎後會較容易再懷孕。她已為女兒改乳名Bubble，與其愛犬Butter同是「B」字頭。
文、圖：張穎芝
關心妍挺 巨肚到賀馬天佑蛋糕店開張。
關心妍（Jade）今晚去咗馬天佑間新餅舖開幕，佢個肚已經籮咁大，但佢話獲得老公批准，而且特登着波鞋出席。
Jade話BB女預產期會喺下月中，喺佢自己生日（7月31號）之前，佢話暫時都冇乜早產跡象，但佢已經練定氣、游吓水，以防BB真係早產，又執定走佬袋等。Jade又話會選擇開刀生，因為怕痛，而且亦已盡量戒口，唔敢食涼嘢。
Jade另指早排已經影咗大肚相，原本諗過全裸上陣，但去到嗰一刻冇影到，啲相會自己珍藏。被問到會唔會打算再追一個？Jade話：「啲人話生開好易有，但冇話特別打算要再追，等BB出咗世再算，而且下一個都冇咁快，因為開刀起碼要休息一年。」提到BB改名，佢話已經改咗個花名叫Bubble：「因為自己隻狗仔叫Butter，大家都用番個B字咁囉。」
肚大如籮嘅關心妍今晚現身中環，出席馬天佑間新舖開幕。（攝影：張俊銘）(蘋果日報)
Jade今晚着波鞋出席活動
【on.cc東網專訊】 歌手關心妍腹大便便出席活動，她透露現在已經停工，是次純粹賀朋友的蛋糕店開幕。而預產期在七月中，她說：「我7月31號生日，希望BB大概十幾號或者廿幾號個禮拜出世，暫時冇乜早產跡象，諗住開刀，但如果早產都會試吓自己生，所以依家要游水練氣，因為自己生要Push道氣出嚟。我怕痛，醫生話近來好多孕婦早產，如果唔想早產就唔好食生冷嘢。」
準備再追第二胎
早前拍攝大肚照，她自爆原本想全裸上陣，但臨時改變主意，笑言留待下次。問是否準備會再追第二胎？她說：「我就冇計劃嘅，但好多人話生過好容易會再有，睇吓點啦！（產後不設防？）我試咗七年啦，不過好似話開刀唔可以咁快生，睇上帝旨意啦！唔係我決定。」
囡囡乳名Bubble
她又透露已訂了床位，希望B女不要早產，因為床位爆滿，怕早產沒有床位。現也為囡囡改了乳名「Bubble」，因為家中愛犬叫「Butter」。
已經停工的關心妍腹大便便出巡，只是為撐老友場。
腹大便便的關心妍透露預產期在七月。
馬天佑上前慰問關心妍。
關家姐出巡，閒人彈開！
關心妍暗示想生完後再追多個。
關心妍笑言追多個要交由上帝安排。
馬天佑（右起）、關心妍、少爺占等為新店開幕切蛋糕。
關心妍望BB女不要早產，否則隨時冇床位。
關心妍 (Jade) 肚裏的小公主將於7月中出世，如今懷孕八個多月，肚子一日比一日大，亦時常感到很疲累，早前體檢更因體重超標，遭醫生勒令減肥以免出現妊娠糖尿病，連她都笑言辛苦過做演唱會。
Jade早前特意拍攝了大肚寫真，為首次做媽媽留下紀念。她為BB健康及建立母嬰親密關係，雖然餵母乳較辛苦，仍希望餵哺母乳一段時間，為此看了很多有關餵母乳的資料，亦向很多已為人母的朋友討教，並跟老公上育嬰課程，真正了解餵母乳的學問和技巧，連早前梁詠琪（GiGi）探望她，她亦趁機偷師。
資料來源 : 星島日報
