關心妍（Jade）昨日到商台宣傳新歌《空心人》，懷孕5個多月的她終捨棄高跟鞋，改以平底Boots示人。她說：「上次 高跟鞋後，收到30多個勸喻短訊，朋友們比我跟老公還緊張，很多『懷孕警察』在附近監視呢！（BB有否踢你？）有呀，BB很喜歡聽音樂，但每當我想拿手機拍低BB踢我肚皮的畫面時，BB就不踢了。」她又指有意拍大肚寫真，但擔心害羞的老公不肯就範，至於會否追多個則視乎天意，但頂盡兩個就夠晒數！
對於有指她重金禮聘曾照顧楊千嬅的「星級陪月」，Jade否認其事：「不知道，陪月是圈中人用過後推介，希望跟她2、3個月學習湊B技巧。」
關心妍否認聘用曾照顧楊千嬅的陪月。
關心妍終於得償所願造人成功，梗係開心啦。至於生仔定生女嘅問題，佢就話同老公意見一致想生女，因為女仔聽話顧家啲喎，而且以後再生，感覺家姐會識睇住細佬多啲。愈講愈興奮，不過佢話陀B令到佢有嚴重偏頭痛所以日前Jade孖住老公去中環睇中醫。
「一起身就痛醒，一路都解決唔到，西醫淨係俾到止痛藥，但食得多都會影響BB，然後有啲朋友建議我睇中醫。其實開頭我老公都唔想我睇中醫，因為我前幾年想要BB都試過睇中醫，搞到太過補，補到個心有事。」關心妍話。
個心有事？咪就係心律不正囉，因為早幾年時不時都見Jade買補品、花膠補身，又飲埋唔少中藥進補，結果弄巧成拙，睇咗成年心臟科先好返，難怪老公反對佢再睇中醫！「咁我就勸老公不如俾我試吓，因為我個頭真係好痛，好似俾把刀插住咁痛，所以我話不如睇一睇啦，睇吓個中醫講咩，講得合理咪試吓食啲藥囉，如果可以解決到，又唔會影響BB。」
最後發現，原來Jade大肚後體質變咗，又飲薑水、紅棗水搞到肝火盛唔夠血，先會谷到頭痛，依家食咗啲中藥調理返，無咩大礙。
關心妍同老公楊長智結婚7年造人造足7年，今年二月公開攬馬騮公仔嘅相，宣佈陀猴B，終於證實造人成功。
數吓手指，原來Jade依家陀咗5個月，仲話隻馬騮B會係7月出世所以，老公搵咗楊千嬅當年生Torres嘅陪月俾老婆，據知好難book架，就算預早約都未必夾到檔期，真係爭崩頭，勁渴市！難怪Jade話：「好難搵呀，我都覺得好幸運，好多謝啲藝人朋友好好咁介紹俾我，啲陪月好難book架，點知陪月姐姐七月尾完上一個job，夾到我7月中或尾生，可以接手我個project，咁我就放心晒喇。」
聽聞一個好嘅陪月要成5萬一個月喎，勁貴囉！「係呀都好貴呀，但呢啲錢唔慳得，幾萬蚊我諗依家係標準價喇！咁所以我嗰個都好好，無獅子開大口，我都要佢陪廿四小時，頭幾個月要佢幫手，我亦會學，之後自己湊返。」Jade話。
仲有4個月就迎接新生命，時間話長唔長，阿Jade諗好餵母乳定奶粉未呀？「奶粉都有人sponsor，都有兩個選擇，到時睇情況，餵到就盡量餵，都要睇吓身體狀況，同埋可唔可以餵到咁耐。」
原來Jade係驚自己唔夠奶水，放心喎，佢上圍本身都唔係ipad，而且依家都谷得幾犀利。「係呀都好犀利，原來係咁厲害，我都希望佢可以停一停，因為我無衫可以著，我依家先明白驕人身材係點樣。」
關心妍（Jade）今日喺炮台山出席雜誌頒獎禮，懷孕5個月嘅Jade著上咗4吋高踭鞋，上圍明顯升cup， 佢話：「我驚唔着高踭鞋會唔識行，都要向屋企人申請。」
Jade透露月尾先知道BB性別，自己就希望係女兒，而佢完成手頭上的工作，下個月就開始閉關養胎，佢話：「剩返4個月，冇乜特別會留喺屋企。」提到改名，佢表示要跟族譜，Jade話：「係要跟個榮字，楊榮X，改一個字都比較易。O依家開始感受到佢踼我，之前睇慧嫻演唱會，返到屋企都未肯收手。」而Jade陀B時經常出席慈善活動，佢話：「今日會攞慈善之星獎，未出世就帶佢做義工，希望佢係一個善良、幫到人嘅小朋友。」
懷孕5個月嘅Jade肚子微隆
不過佢竟然仲著上4吋高踭鞋
【on.cc東網專訊】 已懷孕五個月的關心妍（Jade）腳踏貌似四吋的高踭鞋出席活動，十分震撼！談及這對高踭鞋，她解釋：「你睇佢好似4吋咁，其實得兩吋，同埋對我嚟講都唔係高踭鞋嚟，平時着開個啲5至6吋，呢對係可以出街嘅，而且只係着一陣，我依家着平底鞋好似唔識行咁。」她又笑言着高踭鞋要先同家人申請，為免他們擔心，並答應只着半個鐘。
消毒用品跟身
Jade又表示老公經常叫她小心身體，出入隨身帶備空氣清新機和消毒用品：「因為呢排流感好勁，我好多朋友都病咗，我自己抵抗力都唔係咁好，病咗又冇藥食，好麻煩。」她又表示原定今個月出新歌，所以今個月會繼續做宣傳，之後就會閉關休養，等候BB出世。
BB改名跟足族譜
談到BB的性別，Jade表示要等月底才揭曉：「大家都估係女仔，我都希望係女仔。（買定BB用品？）未知，唔敢買住，都好多公司贊助，慳好多之餘又環保啲。」談及為BB改名，Jade強調會跟族譜：「有個『榮』字，都輕鬆已經有一個字喺度。」Jade又笑說BB現在時不時會踢自己，早前去睇陳慧嫻演唱會，BB到夜晚仍沒有「收腳」，笑言是BB未試過聽到如此厲害的音樂。
胎教做個善良人
另外，Jade表示今日以慈善之星的身份出席活動，直言可以帶住BB一齊出席覺得好開心：「我初初懷孕嗰時都仲有去學校同學生分享，一講就個半鐘，但我對住青年人都扮冇事，希望今日帶住佢嚟參與活動，會影響到佢第日會做一個善良、會幫助別人嘅小朋友。」
貪靚關心妍穿上一對扮四吋的兩吋高踭鞋出席活動，十分震撼！
關心妍坦言着高踭鞋要先得到家人的批准。
關心妍強調這對是扮四吋、其實只得兩吋的高踭鞋。
早前宣布有喜的歌手關心妍（Jade）昨日為新歌《空心人》拍MV，更特別帶備消毒機到拍攝場地。因佗B令身材急速「升Cup」，Jade不禁自誇「好震撼，好澎湃」，透露下個月便得悉BB性別，預產期好有可能於她七月的生日周出世。
Jade懷有身孕後首度公開露面，為新歌拍MV，因在廢置廠房內拍攝，Jade特別帶備消毒機在身邊，Jade為保身子而穿上黑色大長褸及波鞋，明顯肚凸凸的Jade表示已懷孕四個多月，初期都有又嘔又暈，現在都沒有了，所以BB都好乖好錫媽媽。
老公鍾意女
講到BB性別，Jade謂：「下個月就知喇，我同老公都鍾意女，而公司同事都有開盤估我生仔定生女。」問她上圍是否明顯升Cup？Jade笑言：「一生人未見過咁震撼嘅畫面，冇諗過幾個月已經咁澎湃，未試過咁形容自己，都未到一半時間，遲啲唔知點算。」Jade承認初期都有狂食，一個月已肥了10磅，現已減少亂吃及多注重營養食物。Jade笑指身邊的朋友都變了「懷孕警察」，不時提她這個不能吃，那個又不能做，現除工作外已足不出戶。
仲未有床位
Jade又表示老公現在已好緊張，對於是否自然分娩？Jade稱很大機會在她生日周出世，但如果擇日開刀就要早少少，她大呼：「最緊要Book到醫院床位先，仲未有。」而Jade一向有養狗，問她可有因有BB棄養？Jade即言：「冇呀，不過細嗰隻呷醋，初頭係咁喺梳化同枱底屙尿，我後尾同佢講媽咪有咗BB，又畀佢伏喺我肚度，之後佢就冇嘢，所以狗係好有靈性。」
文：音樂組
懷孕四個多月的關心妍表示鍾意B女，而下個月就會知道ＢＢ的性別。
關心妍由工作人員扶着到場，並帶備消毒機（小圖）。
關心妍現在已沒有孕吐，可以投入拍攝MV。
【晴報專訊】懷孕四個多月的關心妍（Jade），昨天在屯門海水化淡廠拍攝新歌《空心人》MV。適逢與老公楊長智由相識到結婚，至今剛好十周年，腹中胎兒正是兩人最好的禮物，並預計BB與關心妍同樣都是獅子座。
關心妍本月初宣布懷孕之後，昨天首次見傳媒，穿上長裙的她，在助手攙扶下由片場行出來接受訪問，並接受大家的祝福。她笑言：「未見過自己咁震撼，懷孕四個幾月，最辛苦係頭兩個月，又嘔又暈。依家BB好乖，下個月應該會知性別，我同老公都鍾意女。」但搞笑的是，Jade的朋友都開盤估是仔。
床頭放包餅
昨天拍MV所穿的裙比較貼身，她都擔心肚皮太大，件衫穿不下，直言：「太澎湃喇！」飲食方面變化不大，甚麼都照食，至今肥了十磅，單是一個月已肥六、七磅。問她可有試過半夜突然想食嘢叫老公買？Jade笑言最想食點心，但未試過叫醒老公去買，反而會放包餅在床頭，方便肚餓隨時食。
Jade又說懷孕初期老公十分緊張，工作以外完全禁止她出街，現在懷孕情況穩定，才可以外出走走。而本身養了狗仔的她表示，狗狗起初發脾氣，在屋內四處便溺，其後Jade讓牠輕摸微隆肚皮，狗仔才沒有呷醋。
採訪：Pauline
攝影：Lego
編輯：陳禮恒
設計：梁政敏
Jade出入拍攝現場，由幾個助手睇實。
近日天氣轉冷，她帶備電子暖蛋取暖。
結婚六年，楊長智照顧老婆無微不至。
歌手關心妍（Jade）宣布有B後，昨日首度公開現身，到荒廢的廠房為新歌《空心人》拍MV，Jade隨身帶備消毒機，並披上厚長褸保暖，內裏穿上輕紗裙的她明顯肚凸凸兼上圍「升Cup」，對此她笑說：「一生人未見過咁震撼嘅畫面，冇諗過幾個月已經咁澎湃，未試過咁形容自己。」Jade稱下周便知道BB性別，預產期在她7月的生日周，未定自然分娩抑或剖腹：「但最緊要嘅床位都未Book到呀！」Jade稱懷孕初期不斷狂食，一個月已重了10磅。問到老公是否很緊張？Jade說：「佢本身係緊張嘅人，所以更緊張。」
懷胎四月的Jade全程着大褸保暖，果然做足準備！
懷孕4個多月的關心妍（Jade）昨在廢置廠房內拍攝MV，由於她對多種藥物敏感，Jade特意關注身體，以免感染感冒或其他疾病，昨天她就隨身帶備消毒機，以防萬一。另外，懷孕令Jade胸部變大，「我此生都未見過自己有那麼震撼的畫面！」
文：鍾舜英 圖：李樹勳
昨日Jade為新歌《空心人》到廢置廠房拍攝MV，身懷4個多月的她，更隨身帶備消毒機以防萬一。
Jade更笑 自爆，自己一生中，從未見過胸部會出現如此震撼的畫面，「沒想到只是4個多月，胸部已大得那麼快！」至於老公楊長智，在她懷孕至今，一直大為緊張，問Jade可有因懷孕而改變口味，要求老公出外買消夜給她吃？「我真係做唔出咁殘忍 事，只會放一 梳打餅在身邊，等老公有時間 覺。」
陀B令愛犬呷醋
另外，在Jade懷孕多月期間，家中的狗狗可能因嗅到她的懷孕味道而呷醋，經常在家中四處小便，Jade說：「惟有每日同狗狗解釋和 佢囉。」又笑言：「動物係有靈性 ，希望日後狗狗能幫我照顧寶寶。」
根據醫生的計算，假若Jade順產的話，寶寶大約會在Jade的生日周出生，若然剖腹，便會提早，讓她日後可跟寶寶分開慶祝生日。至於Jade會否拍攝大肚寫真？她表示，要看自己身形會否變得肥腫難分，才作打算。
資料來源 : 星島日報
※隨身帶備消毒機，以防萬一。
※狗狗因嗅到Jade身中的孕味而呷醋，經常在家四處小便。
※老公一直關心又緊張，Jade不忍叫他出外買消夜。
※有4個月身孕的Jade，昨到廢置廠房拍新歌《空心人》MV，並笑言從未見過自己胸部出現如此震撼的巨變。
關心妍懷孕4個多月，今日喺屯門拍攝MV《空心人》，肚子微隆由助手扶著出入，亦帶備輕便消毒器。
上圍升級嘅關心妍笑言：「未見過自己咁震撼，估唔到幾個月已經咁澎湃。」佢又指下月就知道BB性別，但兩公婆比較鍾意生女，預產期就約喺佢嘅生日(7月)，問到佢會唔會剖腹生產？佢表示：「未知，但首先要book床位，聽講都好緊張。」
至於，老公楊長智會唔會有任何獎勵，關心妍稱：「應該係我畀佢，今年係拍拖連結婚10週年，都等咗咁耐先有，已經等咗好耐。」關心妍亦大晒幸福，笑稱自己有老公悉心照顧，唔使工作嗰陣，就留喺屋企，佢稱：「佢好緊張，仲有朋友提我有乜注意。但家中細狗最初知道後，發脾氣亂屙尿，o依家接受咗，我都日日講。」
