Category Archives: 心妍報章新聞

on.cc東網專訊】 歌手關心妍（Jade）今日在將軍澳一酒店以嘉賓身份出席義工獎頒禮，她透露已做義工11年：「自己2011年攞咗獎，多得車淑梅帶領啦，我亦不斷推動身邊朋友做義工。最近自己亦成立咗基金，唔想掛住籌錢，而係去分享燃亮生命，想去啲學校燃亮學生嘅夢想。我定咗目標，想每個禮拜去4間，1日去兩間，因為全香港好多學校，要去晒的話要十年時間，我哋已經遲咗，做咗11年義工都未去到十分之一，所以今年會努力，想去勻港九新界先，會用平時weekday時間去，想佢哋有一堂聽到心妍姐姐嘅分享，但依家同佢哋分享都唔易，做過research睇佢哋想知啲乜，個個都想知我以前喺外面生活有幾曳，由曳變乖呢啲過程，同佢哋亦最切身。（試過有幾曳？）我13、4歲就食煙飲酒，走堂、離家出走全部試過，所以想話畀佢哋知曳過唔緊要，最緊要中途搵番自己，咁今日心妍姐姐就係個歌手。（怕冇時間陪老公？）有啲地方都要佢車我哋去，所以佢係其中一個司機，都係義工一分子。用少啲時間玩同睇戲，一齊幫手派吓嘢都好。」

問到新歌《人生銀行》有欣宜鎅手的橋段，被指教壞細路時，她表示是反面教材：「係想講好多人會因為情傷做傻事，而阿yu（趙頌茹）後尾有摑欣宜一巴令佢清醒，所以係有背後意思，唔想大家只focus喺鎅手度。」

關心妍透露13、4歲就食煙飲酒，走堂、離家出走，想同學生分享曳過唔緊要，要識得搵番自己！

依家仲定埋目標，每個禮拜想去4間學校做分享。

關心妍寧願少啲時間玩都想去學校做分享，仲搵埋老公做司機o添！

談到新歌被指教壞細路，關心妍就話只係反面教材，唔使刻意Focus喺鎅手度！

關心妍及老公（資料圖片）

MV中，欣宜鎅手。（資料圖片）

趙頌茹（左）、欣宜（資料圖片）

投入義工服務11年的關心妍(Jade)，以表演嘉賓身分出席「第六屆香港傑出義工獎」頒獎禮，她近4年出任義務工作發展局執事，今年還成立個人基金會，首波是以「心妍姐姐」身分到學校分享人生經歷，預計每星期到4所學校。

問她昔日的「曳」事是甚麼？Jade直言：「我13、14歲已食煙飲酒、走堂兼離家出走，都迷失過，但怎『曳』都不緊要，最緊要中途找回自己，我會鼓勵年青人。(會沒時間陪老公？)他是其中一位司機，會載我去學校，都是義工來的，有時還落地幫手。(呼應妳以C-12身份唱的勵志歌？)是，希望大家會燃亮生命。(但新作《人生銀行》有?手情節？)那是反面教材，MV內的欣宜?手，阿Yu(趙頌茹)摑她一巴，即不可以這樣做。(妳?過？)沒有。」(攝影：Jazz Chow)

歌手關心妍（Jade）日前推出的新歌《人生銀行》MV，盡顯其唱片公司「一姐」地位，請來伍允龍半裸演出外，更邀鄭欣宜及趙頌茹（阿Yu）客串。欣宜在MV中為情痛心欲絕而做傻事，在手臂鎅字，意識大膽，有教壞他人之嫌。演欣宜閨蜜的阿Yu則心痛欣宜自殘而一巴摑醒對方，最後相擁而泣。Jade昨日受訪時認為MV內容不算太血腥，只是按劇情所需。她在MV中與伍允龍有床戲，對方更大方騷肌，問老公會否呷醋？她笑說：「都冇搞啲乜，佢為咗今次MV一個星期前就減飲水，都好佩服佢。」

非譁眾取寵
至於唱片公司高層朱先生，受訪時坦言理解(界)手戲份敏感，故特意製作「乾淨版」在電視及卡啦OK播放。問有否接獲投訴？他表示沒收到投訴，若有的話會將MV下架。他強調MV包含血腥鏡頭並非譁眾取寵，而是配合講述人遇挫折時，要學懂放下，不擔心觀眾有樣學樣。他又解釋雖然是用真(界)刀拍攝，但沒有推出刀片，加上特技化妝效果，才令鏡頭逼真。

出力摑欣宜
阿Yu特別鳴謝Jade的推薦，令她有機會演出，她透露拍攝時沒有勾起不愉快回憶：「我角色係正面，叫欣宜唔好做傻事。（真摑？）係，欣宜叫唔好就力，大力打咗三、四次，啲人聽到啪啪聲都O咗嘴。」

文：音樂組

關心妍請來伍允龍在新MV半裸晒肌。

阿Yu同欣宜在鏡頭外老友鬼鬼玩自拍。

【on.cc東網專訊】 歌手關心妍（Jade）日前推出新歌《人生銀行》MV，邀請伍允龍、鄭欣宜及趙頌茹（阿Yu）助陣，盡顯「一姐」地位，欣宜更挑戰尺度玩鎅手自殘，惹來教壞他人之嫌，阿Yu則心痛欣宜自殘而一把摑醒對方，兩人最後相擁痛哭，Jade受訪時認為MV只是按劇情需要並不血腥，至於欣宜和阿Yu的表現引起討論並搶了Jade風頭，她笑言不介意：「刻意架！自己演技唔得嘛。（點解搵阿Yu？）同工作人員傾覺得啱佢。（故事講錯愛，唔怕挖對方瘡疤？）OK啦，佢一口應承冇難受感覺。」問到老公對她與大騷肌肉的伍允龍有對手戲會否呷醋？她則笑說：「都冇搞啲乜，佢為咗今次MV一個星期前就減磅，都好佩服佢。」

Jade所屬公司高層朱先生接受電話訪問時表示明白鎅手戲份敏感，已製作「乾淨版」在電視及卡啦OK播放，若收到投訴會將MV下架，他強調這次的敏感鏡頭並非嘩眾取寵，只是配合講述遇挫折要學懂放下別執着的劇情，並解釋欣宜拍鎅手時採用真鎅刀，然而並沒有推出刀片，故十分安全，另外他表示大讚阿Yu有潛質，不排除有簽約的可能性。

阿Yu則表示拍攝過程沒勾起不快回憶，問摑欣宜一巴的情節是真打？她說：「係，佢叫唔好就力，大力打咗三、四次，啲人聽到啪啪聲都O咗嘴，最後我哋都好投入，攬住一齊喊。」至於對於Jade所屬公司高層指或有與她簽約的可能，阿Yu直言：「希望佢快啲嚟搵我，好想同各方都有多啲合作。」

關心妍的新MV被指太過血腥。

關心妍邀得肌男伍允龍演出。

大隻到呢。

欣宜喺MV中失控喪喊。

仲鎅手添。

攬住喊。

趙頌茹在MV中演技被激讚。

香港文匯報訊（記者 李慶全）關心妍昨日出席「葵青區議會30載 ??建共融 健康起動 同樂日」，與市民分享共融與關顧健康訊息。

關家姐表示自己一向注重健康，每年必定做身體檢查，因為其家族遺傳心臟有問題，她亦先天性膽固醇偏高，雖然未至於要服藥去控制情況，但她都會注意健康飲食，平日海鮮和肉類也少吃，周一至周五大多吃齋。關家姐笑指老公跟她一樣膽固醇偏高，卻非先天性，所以一樣要多吃素食，他倆會想一些特別的素菜如素生菜包及素日式意粉，一樣吃得精彩，且經過大半年控制飲食，她的膽固醇指標已回落一半安全達標。不過關家姐仍苦笑說：「我最愛吃奶黃月餅，但老公會喝住我只可以吃一小件，或者只能吃低糖月餅。」

另關家姐之前返過溫哥華一趟，她表示主要是與老爺、奶奶、媽咪及哥哥提早共度中秋，此外亦順便回去換領車牌。

【大公報訊】記者吳珊珊報道：關心妍（Jade）昨到葵涌運動場出席“葵青區議會30載 攜建共融 健康起動 同樂日”活動，與市民分享共融與健康訊息。

　　Jade坦言一向注重健康，因其家族遺傳有心臟問題，她每年定必做身體檢查，同時她本身有先天性膽固醇偏高，雖然未至於要服藥去控制情況，她平日都會注意飲食健康，同時少吃海鮮和肉類，週一至五大多吃齋。Jade笑言，老公跟她一樣膽固醇偏高，雖非先天性，一樣要多吃素。她説：“我們會想出一些特別的素菜，如素生菜包及素日式意粉，一樣吃得精彩。”

　　經過大半年控制飲食，現時Jade的膽固醇指標已回落，安全達標，不過適逢中秋，她又最愛吃奶黃月餅，故老公會喝住她只准吃一小件，或者只吃低糖月餅。

　　Jade又透露自己之前去了温哥華，主要是提早與老爺、奶奶、媽咪及哥哥慶中秋，並順便換領車牌。

心妍注重飲食保健康

【on.cc東網專訊】 歌手關心妍（Jade）接受電台訪問，講到新歌《人生銀行》的MV，Jade表示請來好友伍允龍、趙頌茹和鄭欣宜幫手：「其實有幾個故事，我同伍允龍個故事係我哋有一夜情，本身以為佢會唔負責任，諗住做單親媽媽，點知佢係有負責任嘅，但因為要做孕婦所以有用假肚扮，有時會自己摸下佢咁，都好Enjoy，但有一幕係要我嘔，原來要食好多餅乾同埋飲奶，之後個幾日都唔係好想飲奶同埋食粟米片。」

而欣宜就在MV中扮演因分手而自暴自棄的人，在MV中她鎅手、食煙、飲酒、講粗口樣樣做齊，Jade笑言：「平時唔做嘅嘢都做晒，真係好多謝佢，啲戲做得好好，而趙頌茹就用過來人身份去鼓勵番欣宜，個幕真係好真實同入心。」

關心妍喺新歌MV中扮大肚婆。

趙頌茹　資料圖片

鄭欣宜　資料圖片

伍允龍　資料圖片

關心妍(Jade)、馮允謙、王梓軒現身葵青區健康起動同樂日，Jade剛與家人回加拿大溫哥華團聚，預祝一年一度中秋節。這天她配合大會宣傳健康主題。

Jade表示自己是個非常注重健康之人，可惜要面對家族遺傳的高膽固醇問題，所以每年總會定期做身體檢查，早前她驗出膽固醇超標，現與老公1星期吃5餐素食。Jade開心吃了大半年素後，現在2人的膽固醇已達標，但最苦腦每天怎樣開發一些新的素菜。(攝影：鍾舜英)

阿Jade每年定期做身體檢查。

昨日歌手關心妍（Jade）現身電台宣傳新歌《人生銀行》，她說：「今次係Wyman作畀我，總結番之前失戀嘅歌，Wyman話依家唱喊嘅歌好似說服力唔太高，係時候將啲傷痛放低。」曾差點為情自殺的Jade，直言過去見到前度已經結婚生育，曾經一度覺得後悔沒繼續和前度一齊，但現在知道只是未遇到最好。

談到下月與老公結婚六周年，最近忙於準備澳門演唱會的Jade，坦言未有時間準備禮物：「上年係五年木婚，我整咗一Set Harry Potter木公仔畀佢，都唔係難諗，我鍾意自己親手整。」她又稱沒特別想收到甚麼禮物，反而想老公捐錢到自己的慈善基金。

關心妍下月結婚六周年，無暇預備禮物。