關心妍（Jade）早前接受新城訪問，談到新歌《關家姐》中自嘲10年前一篇潮文的惡意攻擊，Jade形容當時感到非常無奈，網上很多人都開始中傷她，又無法替自己辯護，事件對她的影響亦很大，最委屈的是人格品德受到攻擊和抹黑，當時心情非常低落，甚至有一、兩年不敢外出逛街，後來慢慢檢討自己，逐漸不介意別人的惡言。如今回看此事，Jade已不再怪這位作者：「其實無再嬲你啦，亦某程度上多謝你，因為呢一篇文改變我人格，警愓我更加小心自己言行，更加有禮貌，更加大力去做好事。而我到傑出義工獎、傑青唔多唔少都係因為呢篇文而起。」
此外，Jade表示婚後與老公的甜蜜生活，她認為夫妻相處之道就是互相哄對方，例如在老公生日時會親自製造禮物，又不會規管老公的私人生活，而更讚老公比剛認識時更好，非常疼愛她。
「關家姐」關心妍（Jade）今日到新城宣傳新歌《關家姐》，佢話首歌係為10年前一篇由藝人投訴售貨員，令對方被炒嘅潮文做平反：「當年好多人都覺得潮文入面講嗰個人係我，有段時間連我自己都諗，係咪shopping時得罪咗人，唔經唔覺已經10年，所以就諗住做首歌慶祝下，順便幫自己平反。」Jade又話當年因被誤會而唔開心，有兩年唔敢去行街買嘢，但0依家已經睇開咗。
關心妍到電台宣傳新歌《關家姐》。
【on.cc東網專訊】 歌手關心妍（Jade）現身電台宣傳新歌《關家姐》，她十年前成為了一篇網上潮文的主角而被封「關家姐」，這次她就以自嘲形式出歌，希望以音樂作回應：「好多謝一位記者朋友，佢為我抱不平，inspire到我十年後做呢首歌，以一個開心嘅形式去回應！同埋有咗『關家姐』呢個名之後多咗好多兄弟姐妹，連我媽咪都會咁叫我，當咗做我花名！」她又坦言不介意舊事重提，因為該篇潮文已被大家討論了十年，而且事件並不是真的。
問到可會將當年在頒獎禮上誤奪關菊英獎座一事寫成歌？Jade笑說：「有好多網民都熱捧要我做首《關心菊英》，但要再諗吓點做，因為呢件事真係發生過，嗰畫面大家冇得去幻想，而關家姐做到係因為冇發生過，嗰想像力會豐富啲。同埋樂隊ToNick都真係做咗《關心菊英》呢首歌，我冇理由再做番一樣嘅嘢，創意無限，所以要諗吓其他嘢。」她又謂今年將主力做音樂，但不會密集式出歌：「都要睇吓依家嘅時勢，有冇咩題材值得做呀，都冇得心急。今年都抖咗一陣，用咗啲時間去摸索吓嚟緊做啲咩，年尾都仲會有歌嘅。」
提到唱片公司的歌手愈來愈少，Jade表示沒有留意，但非常感激公司的支持：「依家做音樂好似買股票咁，但最緊要係佢哋肯投資！我都想公司簽多啲人，可能幫忙睇吓有冇啲有潛質嘅人，或者推多啲新血，盡人士啦！」
關心妍被封做「關家姐」，連佢都話阿媽都咁叫佢！
佢話「關家姐」一事冇發生過，呢首歌想像力就會豐富啲。
問到會唔會用「誤奪關菊英獎座」一事寫歌，Jade就話要諗吓先！
【太陽報專訊】人長大後因各種原因，與親人的相聚時間逐漸減少，雖然忙於工作，但抽空回家吃飯也是不可或缺的。關心妍（Jade）早前便抽空探望外婆，更親自下廚！
已為人妻的關心妍雖然工作家庭兩邊忙，但早前抽空陪伴外婆，更親自炮製豐盛餸菜做孝順乖孫！
偷師交換幸福
她在微博上載與外婆的合照，相中的她趣怪地吐舌拿着親手煮的菜式，含蓄微笑的外婆則拿着大螃蟹，單看表情已感受到滿滿的幸福，Jade留言：「小時候永遠都是外婆煮飯給我吃，而我的廚藝也是在她身上學會的，所以現在能夠煮給她吃真是一件幸福的事。菜單：潮式加拿大凍蟹和燒汁青椒炒肥牛！」
小時候，父母及親人總是不辭勞苦的照顧及教導我們，長大後當然要好好孝順一番！即使只是一頓小小的飯菜，相信亦足以令長輩開心一整天！
「還記得關家姐與友人去PP幫襯
佢炆 佢忍 佢等咗一陣
至能 名牌勁掃
又要即刻封舖 招呼要好
「Sale屎驚佢冇人性關家姐個性 惡頂
扮巨星效應 太任性 打俾公司最後決定
要拒絕佢就算佢隔天寫信complain
「嗱嗱嗱其實冇邊個 只因我俾公司炒咗」關家姐潮文又嚟？？？仲要係關家姐本人唱番？邊位關家姐？關心妍呀！
高登巴打又一次成功咁樣，令佢哋嘅潮文拍成短片，依家，仲變成歌，今次自抽「關家姐」水嘅，真係關家姐關心妍。佢噚日plug咗新歌《關家姐》，就係以潮文「關心妍搞到我家姐無左份工」為引子，C君填詞，道盡關心姘近11年來，因為「關家姐」呢單嘢所受嘅影響。(有聲附歌詞： http://bit.ly/1HrFIGi
）
溫馨回帶，去年6月，關心妍以「C-12」名義推出幾首歌，其中一首叫《被注射》，mv都有辣埋「關家姐」同09年《勁歌》同關菊英搶獎單嘢，但變成歌詞就係第一次。
歌詞寫道:
「還記得關家姐個趣聞最初都幾過癮
記者 去邊 去邊都訪問
答完 回頭又答 未有C1都有呢一細格 」
「其實我好多新聞 都有叫你開心 不錯
就當我 譲你快樂過
『家姐』稱謂我 不必推搪太多
街中偶遇我 這麼稱呼也可
誰人來延續這篇潮文誰來談論我」自嘲得來說明關家姐真的睇化咗。
其實關家姐所講嘅「其實我好多新聞 都有叫你開心」，當然唔少得喺無綫《勁歌金曲》頒獎禮上領錯獎單嘢，真心膠中之膠，事後本地樂隊TONICK仲整咗《關心菊英》抽水，歌名明影射關心妍首《關心心妍》，點擊率累積至今已達24萬，之後TONICK仲成功喺演唱會上邀請到關心妍做嘉賓一齊唱。
所以話，關家姐其實真係好玩得同有器量。 
【on.cc東網專訊】 話說大約十年前開始，網上流傳一篇叫《關心妍搞到我家姐無左份工》嘅潮文，係一名網友指自己家姐於名店做售貨員，但因為一次無法滿足顧客無理要求而被投訴，最終更被豉椒炒魷，而呢位麻煩顧客就係歌手關心妍（Jade）喇！雖然唔知故事係真定假，不過娛樂性肯定滿分，呢篇潮文其後被改咗多個唔同嘅改編惡搞版本，更令Jade自此多咗個花名叫「關家姐」，搞到Jade都百口莫辯！
Jade最近推出新歌《關家姐》，歌詞由組合農夫C君所寫，竟然就係改編自呢篇潮文，更加入呢潮文所引起嘅效應，好似提到：「還記得關家姐個趣聞最初都幾過癮 記者 去邊 去邊都訪問 答完 回頭又答 未有C1都有呢一細格」，充份體現抽水之中最高境界－「自抽」！輕快跳躍嘅節奏，配埋相當抵死嘅歌詞，真係唔知點解越聽越有畫面。
話明係自抽，歌詞更唱出Jade嘅心聲：「其實我好多新聞 都有叫你開心 不錯 就當我 讓你快樂過 『家姐』稱謂我 不必推搪太多」又就正如歌詞所講「這關家姐 這報導已將整個網絡百科覆蓋 大家厚愛 我亦會全力愛 而家姐我已經睇開」如果Jade少啲氣度相信都唱唔出呀！
網民有話兒：
魯XXX：真係何等胸襟是可以咁樣？
屢XXX：仲以為係潮文配音樂再唱！
arhXXX：望住啲歌詞，腦海聽到C君把聲唱出嚟！
一個XXX：第時佢班fans舉牌會唔會寫家姐？個名其實好親切！
何XXX：大家同唔同意關家姐潮文係以訛傳訛嘅極致？
關心妍今次做出抽水最高境界啦～真係只可以大讚佢胸襟廣闊呀！
心妍的胸襟真係好廣闊嘅！（資料圖片）
有次記者要求再拍一次佢喊，佢都一口答應再喊一次畀記者影相。（資料圖片）
佢仲有完全唔介意將自己嘅瘀事擺上枱，認真抵讚！（資
料圖片）
其實心妍都不時被拍到去名店Shopping。
結婚已有五年的關心妍（Jade），早前跟老公楊長智去沖繩參加好友的婚禮，首次到當地當然順道遊覽，沒想到當地的食物非常好味道，特別是石垣牛和恩納 豚，兩公婆試過一日食足八餐，加上住的酒店又是全海景，風和日麗，日日都好開心。如此Relax，造人最適合，可惜她歎仍未有好消息，並笑言：「快㗎喇！ 快㗎喇！」但當前急務是回港減肥，因下月出新歌，又要為演唱會DVD做宣傳，有排忙。 撰文：李佩儀
經常到東京、大阪的關心妍未去過沖繩，所以與老公出席完好友婚禮後便急急享受陽光與海灘，但因當地天氣時好時壞，兩人沒有游水、浮潛和玩水上活動，只在沙 灘散步吹吓海風。之後到了那霸巿中心行，買了好多特產如鹽、海葡萄和辣椒油作手信，Jade笑言：「其實都有百貨公司，但啲嘢唔係好得，如果諗住買嘢，沖 繩就唔太適合。
提起亦回味
整個旅程最開心就是食嘢，燒牛肉、石垣牛固然美味，而恩納豚就最出色，Jade說時還回味無窮：「啲牛好腍身，牛味好 重，個豚肉先特別，食落好肥美，但佢聲稱膽固醇唔高，老闆會將個Shabu Shabu湯撈白飯再加芝士拎去焗，變咗個意大利飯，超正！」由於由朝食到晚，Jade肥了幾磅，所以一返港便要進行三日減肥療程：「都係唔食澱粉質、甜 嘢，多菜少肉，勁清淡，起碼食細番個胃。」然後便要出新歌和為演唱會DVD做宣傳，望以最佳的狀態示人 。
※關心妍由酒店露台向外望，可看到無敵大海景，海上那艘船可出海看海底世界。
※關心妍表示，新娘是由細玩到大的好友，沙灘旁邊就是教堂，令她回想當年在峇里舉行婚禮。
※關心妍（後左二）吃飯時只要加港幣60元，便可邊食邊看藝伎表演。
※雖然沒有游水，但關心妍行沙灘、吹吹風也不錯。
※關心妍到「美國村」玩時，夾了很多公仔，令她很興奮。
※位於沖繩南城市的酒店「百名伽藍」，雖偏遠但私隱度高，它的豬腸湯和甜品都十分特別。
※恩納豚十分出名，配麵豉辣湯底的Shabu Shabu非常美味，每位約港幣700元。
※恩納豚
關心妍、小肥昨日於葵涌出席一慈善活動，關心妍透露申請了六年的「妍亮生命基金會」已經成立，旨在幫助曾迷失的邊緣青年或是戒毒成功的年輕人增值自己，從而尋回人生方向及希望。她謂接下來會以基金主席身份行善，希望籌辦有別於一般的慈善晚宴，透露正為舉行慈善歌唱比賽做準備。
關心妍直言為基金籌款有困難，慶幸過往曾在不同的慈善機構工作而累積相關經驗，不用特別麻煩朋友。問她可有就基金會問過丈夫楊長智意見？她謂對方在法律及會計上有給予她建議，其他事就由自己負責。
※（左）小肥與關心妍齊參與活動。
※關心妍昨以休閒打扮現身。
香港文匯報訊（記者 李慶全）第一屆「The Apogee頂計劃」啟動禮昨日舉行，活動是為在戒毒青少年設計的具挑戰性訓練，兩位頂大使關心妍（Jade）及小肥齊出席支持。
關心妍昨日亦是以另一個身份出席，她透露從2009年開始向政府申請成立基金會，現終獲批准成立並命名為「妍亮生命基金」，故昨日她亦以其基金會主席名義出席。Jade表示要營運一個基金並不簡單，一切要自負盈虧，也要有一定的想法去做，不能單靠朋友幫忙，其基金主力希望能夠幫助到一些戒毒及更生人士，提供學習機會讓他們增值自己，另一方面也希望能協助一些迷失邊青重新尋回生活方向。
Jade指其基金尚剛開始營運，故先會與其他慈善機構合作，自己邊學邊做，現已構思去舉辦首項慈善歌唱比賽，總之一步步來。問她可有徵詢過老公意見？她表示在法律及會計上有問過老公意見，但其他方面都是自己親力親為。
關心妍昨日在葵涌出席國際戒毒基金會活動，她表示今次是以一個特別的身份亮相，花了6年時間申請成立的「妍亮生命基金會」，最近終於申請成功，所以自己是以基金主席身份參與活動，她說：「主要係幫戒毒成功嘅年輕人增值自己，或曾迷失過嘅邊青搵番希望同方向。」
心妍指老公楊長智亦有在法律及會計方面提供意見，其他事宜就要親力親為，雖然慈善工作佔據了自己大部份時間，但唱歌工作依然會繼續，希望暑假可以推出新作。
採訪、攝影：王連連
關心妍表示雖忙於基金會工作，但不會放棄唱歌。
