【星島日報報道】關心妍（Jade）昨日出席活動，談到同時於2002年出道的盧凱彤（Ellen）昨晨於跑馬地墮樓身亡，她坦言得知對方離世消息後大感愕然。Jade謂：「我 係同一年的新人，一直很欣賞她的音樂，聽到呢個消息好突然，真係無諗過！我知道之前她有抑鬱症，尤其我 呢個圈經歷好多不同的事，抑鬱好多時不由自主，所以有抑鬱的人要醫，亦要留意身邊的人，有少少異樣要畀多少少關懷。如果朋友突然響WeChat唔見 ，叫佢又唔出 ，咁就要留意 。不過，我依然唔知Ellen咩原因，如果係抑鬱就真係可大可小。」
成立了「妍亮生命慈善基金」的Jade坦言，近年專注情緒問題方面，亦有身邊朋友因情緒病而離開。她認為情緒病不是一般的病，很容易受情感觸動，所以康復期間也要多加留意。Jade謂：「要多 分享，希望她的靈魂Rest and Peace。」
文、圖：鄺芷瑩
關心妍認為情緒病可大可小，要多加留意。
香港文匯報訊（記者 李思穎）關心妍(Jade)昨日到灣仔會展的BB展覽會，為代言產品出席新手媽媽身心健康講座活動，期間她與一班新手媽媽分享苦與樂，Jade見到現場的小朋友時，更盡顯母愛一面。Jade談到懷有女兒之初，因不用工作，那段時間吃飽便睡，毫無壓力，但當生下囡囡後，雖然請了陪月幫手，但她這位新手媽咪完全不懂幫BB換片沖涼，有點不知所措，期間試過情緒崩潰，不能自控，便獨自躲入房跪地祈禱，當時她喊了二小時，不快情緒釋放後便回復力量。
Jade表示：「老公有問我咩事，我們等了多年才有BB，萬一有何閃失難以擔當，自己會有一定心理壓力，幸而最後都沒事，也要提醒孕婦產後補身好重要，有好的健康便有好情緒，我坐月時都好注意飲食，應該有吃下幾斤米，哈哈。」
Jade已為女兒做好準備，下星期便開始上學前班，Jade亦會多了一些私人時間打理音樂學院，她稱：「每日可以抽三小時返學院，之前試過單對單教學，緊接上堂，最初連飲水和去廁所都沒時間，現在慢慢懂得調教。」
http://paper.wenweipo.com/2018/08/06/EN1808060020.htm
藝人關心妍（Jade）出席產品活動，對於歌手盧凱彤墮樓身亡，與對方同是2002年樂壇新人的Jade，表示一直欣賞對方音樂，獲悉不幸事件後感愕然：「我知佢有抑鬱，所以我呢幾年先開設個中心，希望幫助有需要嘅人，呢個圈子會經歷好多唔同嘢，呢個病亦會擊倒好多人，係不由自主，所以都需要多啲留意身邊人，抑鬱可大可小。」她透露身邊也有朋友曾患抑鬱，不幸地痊愈後又再翻發，最終選擇結束生命。
Jade又於活動上分享作為新手媽媽兩年的經驗，表示懷孕時「停工」，於沒有工作壓力情況下，每日只要食及瞓，反而感覺輕鬆，惟生女後要學習換片、沖奶等事情，再加上身邊人有很多不同聲音，令其情緒崩潰了兩天：「真係好無助，所以走入房開大音樂喊咗半個鐘，將情緒一次過釋放出嚟，喊完就充滿力量，之後都有同老公分享番。」
而忙於教小朋友唱歌的她，笑指女兒學前班即將開課，終讓她每日有幾小時私人時間：「以前要陪佢上Playgroup，依家可以用呢啲時間做自己嘢，好在個女學校同我個音樂中心好近，方便好多，不過呢兩個月時間不停教，有時教到連去廁所時間都冇。」
http://hk.on.cc/hk/bkn/cnt/entertainment/20180805/bkn-20180805162922840-0805_00862_001.html
關心妍（Jade）日前為健康產品拍攝最新一輯廣告及宣傳短片，拍攝當日與廣告中飾演其女兒的可愛妹妹有不少親密互動，冧盡在場工作人員！
問及其產後養顏秘笈，她笑言：「不知不覺囡囡就嚟兩歲，能夠日日見證住佢開心成長，嗰種感動真係好難形容！因為唔想錯過佢成長嘅每一刻，所以我好珍惜自己身體，要夠健康先可以全力照顧佢同屋企人。」
唔知關心妍有咩養顏心得呢？
關心妍喺廣告中有不少同小朋友嘅互動。
關心妍又指囡囡就嚟兩歲，嗰種感動真係好難形容！
「三代同堂」齊齊食飯！
好溫馨呀！
關心妍日前為健康產品拍攝廣告及宣傳短片。
http://hk.on.cc/hk/bkn/cnt/entertainment/20180716/bkn-20180716214654286-0716_00862_001.html
歌手關心妍（Jade）出席義工分享活動，大談14年來做義工的心得，希望鼓勵不同年紀的朋友一起做義工，問到可打算帶囡囡一齊做義工？她表示：「會呀，佢就嚟兩歲，我都希望簡單嗰啲可以帶埋佢去。」她又表示其慈善基金下月將在銅鑼灣設立中心，到時她會教唱歌，把所得學費捐到慈善基金，亦會教低收入家庭的朋友唱歌，中心亦會與音樂治療師合作，幫助情緒有問題的朋友。她亦歡迎其他歌手朋友幫忙義教：「我一個人教唔到咁多，教多啲就可以有多啲善款幫到人。」
Jade直言和老公為中心一腳踢，因為不夠錢請其他人，但幸好得到很多有心人幫助，例如銅鑼灣的店舖，獲對方以平過市價一萬蚊的價錢租給她，她表示：「真係好感恩！（成個中心有冇花費咗6位數字？）都要，因為要裝修同埋買器材，好彩樂器公司畀咗好大嘅Discount我，個個一知道係做善事就好幫手，我唔想使好多錢去做，想以最低嘅價錢去做。」講到她如此忙碌，何時會再唱歌？她坦言：「今年都唔會有時間，希望中心啲嘢上咗軌道先。」
機會嚟喇！
關心妍話會親自教唱歌。
關心妍真係好有善心！
加油呀！
http://hk.on.cc/hk/bkn/cnt/entertainment/20180714/bkn-20180714174016894-0714_00862_001.html
關心妍（Jade）今日喺灣仔出席妍亮生命講座，分享自己做義工嘅經驗，亦鼓勵多啲朋友做義工，Jade話成立咗「妍亮生命基金會」，已經喺銅鑼灣搵到辦公室，佢好感恩好多人知道做善事都有幫手：「租金比巿價平咗一萬蚊，而且我哋會提供課程教學生唱歌，啲樂器更平咗。」
因為初成立，Jade話未請到很多工作人員，主力由佢同老公做：「o依家個女兩歲幾，佢再大啲會帶佢一齊做義工。」Jade話現時花很多時間營運基金會，暫時冇時間唱歌：「今年真係唔會有時間，因為基金會會搞好多課程，等上咗軌道先。」
https://hk.entertainment.appledaily.com/enews/realtime/article/20180714/58442456
歌手關心妍（Jade）、吳業坤、石詠莉（Sukie）、樂隊 sp’ACE、澳門組合MFM、羅啟聰（KIS）及蘇煒喬（Ivan）等齊出席星娛樂唱片公司的新春團拜。大病初癒的黎瑞恩（小恩子）因要在家好好休息預備4月的紅館演唱會所以未能出席。而孫耀威（Eric）剛巧在內地工作，「愛夫號」陳美詩（Macy）則跟隨Eric在旁照顧而缺席團拜。
Jade忙湊女
Jade過往一年忙於照顧女兒Jovia及處理由她一手創立的《妍亮生命慈善基金》工作，Jade感恩表示：「真的好多謝唱片公司體諒，因為唔想錯過囡囡Jovia每一段成長過程，所以過去一年將大部時間放在Jovia身上，睇到佢一日一日健康成長，喜悅心情非筆墨形容！加上處理自己慈善基金工作，未有放太多時間在歌唱事業方面，2018年希望能在家庭、工作上取得平衡。我跟唱片公司已有共識，其實大家都一直在物識新歌，希望2018年能做出一個有概念的音樂作品，新曲風、新主題，希望以一個全新嘅關心妍 跟歌迷見面！」
吳業坤去巴黎當去camp
而剛剛從巴黎回來不久的吳業坤，開始正式投入新歌錄音工作，吳業坤直言2017年放了比較多時間在拍攝劇集方面，今年希望能有多些音樂作品跟歌迷見面。他說：「剛過去巴黎之旅，對自己在音樂上有好大啟發，跟一班同是來自香港既音樂精英於一個陌生國度一齊生活、一齊創作，感覺好舒服、自在，好似學生時代跟一班同學去camp嘅感覺，結果短短幾日完成了新歌《凱旋門》，MV同歌詞紀錄咗我喺巴黎生活同錄音過程、感受、啟發。」提到2018計劃，吳業坤希望能夠出到一張全新專輯，跟更多不同音樂人合作，發掘更多自己音樂上潛能！
Sukie首次以人妻身份派利是
新婚不久的Sukie今年首次以人妻身份派利是，甜蜜表示感覺開心、特別！Sukie透露正籌備新專輯工作，希望今年能推出一張全新創作的音樂作品。而Patrick（鄧健泓）將於4月尾舉行演唱會，所以近兩個月Sukie會特別專心照顧Patrick飲食，笑言要做個盡責的賢妻！
咁齊人梗係要派利是啦！
星娛樂唱片公司眾星出席新春團拜，關心妍（前排中）、吳業坤（前排右一）、石詠莉（前排左一）等難得聚首一堂！
開年飯首度菜式《撈起》，眾星一齊動手撈起，寓意 2018 大家都「風生水起」！
Jade（右一）及吳業坤（左一）跟唱片公司執行董事Tommy Chu（中）拜年！
吳業坤派利是給Jade囡囡Jovia，祝她身體健康，快高長大！
歌手關心妍（Jade）嫁給好老公楊長智後，等足七年如願誕下寶貝女楊榮心，現已一歲多的心心，今年正式出動夥拍愛犬Butter四出拜年利是，望一人一狗合作會利是大豐收。Jade表示：「今年係心心第一年正式出動拜年，佢好叻女，教佢恭喜發財手勢，一學就曉，但未識講成句嘅恭喜說話，我同阿女講媽咪齋派咗九年利是，喺時候要佢幫補吓啦。」而心心所得利是錢將會留作女兒的教育基金。至於Butter的利是錢亦不會被Jade沒收，她說：「會畀Butter買零食，不過唔知點解狗仔利是錢收少啲，每封得20蚊，紅衫魚就唔多。」
問到新一年可會希望出碟或追多個小朋友？Jade就話兩樣都隨緣，不會刻意強求：「我唔想為出碟而出碟，想做得有意思啲。至於再生另一個，其實有個女我已經好感恩啦，再想要多個就係貪心，況且我每日已很忙，根本冇時間再做太多其餘嘅事。」
Jade稱現時最大心願是搞好慈善基金，又指之前舉行的慈善晚宴，雖然跟合作的另一慈善機構各得七位數善款，但跟其目標300萬還有很遠的距離，令她明白籌款很難，她稱：「我個慈善基金係自負盈虧，所以乜都要自己做，好似有人打電話嚟，主席係我，秘書又係我，有時要搵埋老公出動，老公同佢啲同事都好好，已經做義工，依家最大問題係想搵一個平租又交通方便嘅地方開我間音樂治療中心，希望有心人會畀一個租平啲嘅地方我，等我可以用音樂去治療受情緒困擾嘅人。」
問Jade有少奶奶不做，反而為慈善出錢出力可覺得「攞苦嚟辛」，她稱：「我覺得好值得，我相信好心有好報，上帝知我冇錢，之前突然喺一個月內有4、5個筍job搵我，仲係又近，價錢又好嗰啲，等我有歌酬放喺基金度營運，我歡迎任何主辦單位搵我唱歌，等我有錢放喺基金度。」她否認自已是「攞苦嚟辛」，反而是勇字當頭，因為她投資多多，可能有機會反應麻麻，她説：「我放咗咁多錢落間音樂治療中心度，可能會冇人嚟，咁到時我仲蝕得犀利，所以我覺得呢鑊自己好博。」
Hair:Angus Leung @hip Hair culture
Make up:Cyrus Lee
Outfit :Ted Baker
場地:糖街CEO
http://hk.on.cc/hk/bkn/cnt/entertainment/20180219/bkn-20180219000220211-0219_00862_001.html
派咗9年利是，喺時候要收番啲喇！
呢次佢就帶埋囡囡同狗狗一齊出去拜年！
一人一狗合作，今年利是仲唔係大豐收！
狗狗嘅利是錢就會用嚟買零食。
但佢就呻狗狗嘅利是唔多！
而囡囡嘅利是就會留嚟做教育基金。
至於會唔會生多個？關心妍就話隨緣。
關心妍就話自己有囡囡已經好感恩！
記者﹕楊安莉
攝影﹕鍾偉茵
【明報專訊】立春過後，已踏入狗年，今年是狗狗的世界，關心妍（Jade）與她的愛犬Butter向《明報》讀者拜個早年。Jade飼養的白色茶杯貴婦狗Butter是她的心肝寶貝，不過自愛女楊榮心（心心）出世後，就算Jade跟丈夫楊長智沒有忽略Butter，但親友到訪難免追住跟心心玩而冷待Butter，搞到「人狗爭寵」。心心與Butter的關係麻麻，Jade唯有想盡辦法令「兩姊妹」和解，也抽空跟Butter好好獨處，免傷和氣。
關心妍（Jade）一向是愛狗之人，飼養4歲多的Butter體型細小，非常可愛，一直以來是Jade一家人眼中的「小可愛」，也由於細細粒，一家人都對牠呵護備至，過往Jade都帶過Butter接受大大小小的訪問。
心心出世 Butter被冷待
直至2016年Jade的囡囡楊榮心（心心）出世後，大家難免將焦點由Butter轉移到可愛的心心身上，Jade說﹕「大家以前來我家，一入屋都是先找Butter，現在一入屋就大叫心心，Butter要等陣先，好慘，大家太現實，冷落了Butter。」Jade形容心心和Butter的關係是﹕「君子之交淡如水，畢竟Butter先來我家，有時候心心走近牠，牠會吠，所以要保持距離，唯有叫心心不時餵牠吃餅餅，奉承一吓，希望可以收買狗心，『兩姊妹』關係慢慢變好。」Jade表示與Butter建立了4年多的感情，已視為家庭的一分子，Butter是家姐，心心是妹妹，為免Butter不開心，所以趁快將狗年，獨自帶牠去剪毛穿新衣服，更為牠準備了狗狗大餐，讓牠再次做主角。
愛犬遞手轉圈無難度
Jade特別到有狗仔食物的餐廳，讓Butter可以大快朵頤，分別準備了菠菜甘筍雞肉卷和藍梅杯子蛋糕，但由於Butter體型較小，餵食都要特別小心，Jade將食物弄碎，慢慢餵Butter，相當細心。不過開餐前，Jade都要Butter表演一系列指令，包括坐下、遞手、轉圈、倒數進食等。美食在前，當然難不倒Butter，輕鬆過關，美食統統落肚，而且牠表現得非常興奮，主人同狗狗都一樣開心。Jade說﹕「平日會食得較清淡，因為牠的胃好細，不過難得狗年，就讓牠品嘗美食。」
準備帶囡囡面試入讀學前班
Jade產後減少工作全力照顧家庭，她跟老公都堅持自己帶囡囡上學，主婦的生活比當歌手還要忙碌，今年心心要返幼兒園，Jade都要準備帶她出去面試，希望入讀到心儀的學前班，就可以一條龍不需要左撲右撲。
透過音樂撫慰心靈創傷者
Jade也開始投入繼續做她的慈善基金工作，她說：「今年主力是辦慈善的音樂治療學院，希望透過音樂去撫慰心靈創傷或者受到壓力的人，而不一定要食藥。『妍亮生命慈善基金』之前有搞音樂會籌款，但仍未足夠，我也正在物色合適的地方，希望今年可以成事。」問到會否再追多一個？她稱不敢期望太多，畢竟心心都是等待了7年才來臨，她說﹕「不想太多，靜待上帝給予的禮物。」
場地﹕Roofy Bar & Cafe
髮型﹕Angus Leung@Hip Hair Culture
化妝﹕Cyrus Lee
服裝﹕Ted Baker
關心妍餵食時要愛犬Butter站立遞手，Butter輕鬆過關，十分搞笑。（攝影﹕鍾偉茵）
關心妍與老公楊長智的愛女楊榮心已歲半大，不時與「家姐」Butter爭寵。（資料圖片）
關心妍帶同愛犬Butter到有狗仔食物的餐廳，讓Butter大快朵頤。（攝影﹕鍾偉茵）
關心妍跟愛犬跟《明報》讀者拜早年，祝大家狗年心想事成，財源滾滾來。（攝影﹕鍾偉茵）
歌手關心妍（Jade）昨日現身九龍塘教育服務中心，出席第三屆全港青少年進步獎頒獎禮，現場作了15分鐘簡短分享，並於得獎者前獻唱以作鼓勵。
本身有「妍亮慈善基金」的Jade表示，今年已經是第三年出席這個獎獎禮，主要為時下青少年作出鼓勵及傳遞正面信息，成功是條很漫長的路，當中會有起跌，跌倒了要自己起身，縱然失敗亦要堅持努力，不要放棄，方能達到成功之路。
慨歎善款不達標
Jade受訪時表示，去年自己的慈善基金曾與其他慈善機構合作籌款，可惜未能達到籌款目標，距營運數字有一大段距離，今年仍需要繼續努力：「 籌款數字未能達標，連租營運中心未夠錢經費，曾預算每個月收10個學生，幫到幾多得幾多，可惜時下租金高昂，都未能找到合適的地方，而之前所籌得的款項，只夠中心的裝修費用，要設立青少年中心，起碼條件有鋼琴、導師，有鏡排舞的地方，用音樂與青少年溝通，藉中心為他們尋找出路，用音樂去吸引他們尋找未來目標，未來一年要努力工作去賺錢，才能達成心願！」
<採訪、攝影>陸曼美
Jade昨日出席頒獎禮。
