Category Archives: 心妍報章新聞

關心妍昨日在九龍塘出席「第三屆全港青少年進步獎頒獎禮」，她表示要用音樂去支持現場百多名有進步的學生，向他們分享凡事不可一步登天，成功的路是漫長的。
三年前關心妍成立了「妍亮生命慈善基金」，現時要物色地方開中心，她說：「0衣家啲租太貴，之前籌款達唔到目標，只係畀到裝修費，我要努力做嘢搵錢。」

採訪：黃曉妍
攝影：陳慧安

【星島日報報道】關心妍昨日出席「2017第三屆全港青少年進步獎」活動，已是第三年擔任嘉賓，頒獎給有進步的學生。她認為鼓勵對年輕人來說很重要，即使只有少少進步，都要嘉許他們，勉勵學生勿輕言放棄。

關心妍早前為個人慈善基金舉辦籌款晚會，可惜善款數字最終不達標，唯有繼續努力工作，她會繼續物色地方幫助有困難的學生。她說：「其實一直想找個地方，用音樂去開解年輕人，希望每個月在不同學校與10個學生做輔導，但香港的租金太貴，就算找到適合的地方，都不知能夠營運到何時，而且之前籌到的錢都只夠畀裝修費，所以要努力工作賺錢。」

文：黃佩麗 圖：譚志光

關心妍第三年擔任「進步獎」頒獎嘉賓。

香港文匯報訊（記者 梁靜儀）關心妍（(Jade）昨日到九龍塘出席《第三屆全港青少年進步獎頒獎典禮》擔任嘉賓， Jade更以歌聲勉勵學生。她表示學生有少少進步都要為他們加油，讓他們知道成功是條很漫長的路，當中會有起跌，縱然失敗亦要堅持努力，不要放棄。

Jade成立的慈善基金《妍亮生命慈善基登》上月在九展舉行的籌款晚會，惜善款未能達到目標，距營運數字有一大段距離，故今年仍需要繼續努力。她表示一直想設立青少年中心，用音樂與青少年溝通，曾預算每個月收十個學生，幫到幾多得幾多，但時下的租金太貴，就算找到合適的地方也不知能營運多久，而之前所籌得的款項，只夠中心裝修費用，所以要努力工作去賺錢，才能達成心願。

向來熱心慈善活動的歌手關心妍（Jade）下午出席《第三屆全港青少年進步獎頒獎典禮》。她在台上勉勵年輕人不要輕言放棄，又要在場學生記住「摔倒了，躺下來，仍高歌，已經從逆境跨過。」

已經是第三年出席該頒獎禮事的關心妍說：「每一次都係來唱隻歌同埋勉勵佢哋囉，因為依家啲學生真係好需要鼓勵，我覺得就算係一啲啲嘅進步，我哋都要畀啲加油畀佢哋，等佢哋知道唔係每一樣嘢都要一步登天，好快咁去做，等佢哋知道成功條路係好長，中間一定會有失敗，起身，唔好喺失敗嘅時候咁容易放棄。」她又表示好開心見到得獎的學生愈來愈多，會繼續到其他學校演講，讓學生知道：「唔放棄先至係得到自由，放棄係因為你冇得揀。」

用音樂鼓勵年輕人

提到自己成立三年的慈善基金上個月剛完成籌款，希望盡快覓得地方開設中心幫助年輕人，她大嘆可惜：「個籌款數字達唔到標，依家希望搵到地方嘅租可以平啲，自己都努力工作啦，希望可以搵到啲錢嚟配合，但好多地方都好貴租，營運唔到幾個月，籌款都試過，但太辛苦，我希望有啲更有智慧嘅方法嚟做呢件事。」她表示希望開設的中心能夠用音樂作招徠，鼓勵年輕人講出自己的難處與心事，又話如果當中發現有天分的學生亦不介意培養他們在音樂上發展，為樂壇培養人才。

她希望可以有更多參與：「自己嘅基金同杜葉錫恩教育基金一直有合作，自己關注慈善方面都有十幾年，依家囡囡開始大，咁我可以出多啲嚟，希望可以做多啲實在嘅事，唔係再一個人去做，搞一個基金係好難，希望有多啲人支持。」

關心妍為善不甘後人，現身活動鼓勵年輕人。

關心妍勉勵年輕人不要輕言放棄。

關心妍正努力尋找地點建中心。

【星島日報報道】關心妍（Jade）和張玉珊昨日到工展會為「齊惜福」社區廚房宣傳活動擔任義工。由於活動是宣傳珍惜食物，所以Jade也表示從小訓練女兒每次進食也不可吃剩食物及不可浪費。她透露下月女兒便要為入讀學前班面試，由於她不想女兒太辛苦所以只會到一所學校面試。她說︰「女兒很似我，是那種慢熱的人，當她看到人多時便會整個人硬了一樣。若然這學校不收她的話，便等待遲些再報讀幼稚園再算。」晚上她帶同女兒和老公去參加女兒契爺舉行的聖誕派對。問到可有送禮物給老公？Jade表示，有，那是一份很實用的禮物。

此外，張玉珊表示一直有捐助「齊惜福」，早前以7位數字捐了一個廚房，希望能幫助一些無經濟能力的長者，每日可以有溫飽。

文、圖：鍾舜英

關心妍（左）與張玉珊為「齊惜福」活動擔任義工。

張玉珊、關心妍等今日喺銅鑼灣出席慈善活動。

張玉珊早前曾經捐贈價值七位數字嘅廚房俾慈善機構，今次更加幫手邀請到關心妍做表演嘉賓，張玉珊笑言今次做義工嘅同時仲可以做埋歌迷：「原本關心妍要去大陸做嘢，好彩臨時改期佢先可以嚟出席今次活動，一齊做善事好開心。」

而關心妍本身都有開設基金幫助有需要人士，平時亦會向身邊人提倡珍惜食物，對住歲半囡囡時就更加會教導相關意識：「佢淨番一啖我都要佢慢慢食晒，我哋細個阿媽都有教粒粒皆辛苦。」聖誕難得可以放假，關心妍準備夜晚帶埋囡囡同契爺契媽過節，仲買咗禮物俾老公等佢開心吓，雖然阿女得歲半，但係作為媽媽嘅關心妍唔想阿女辛苦之餘都好緊張阿女嘅學前教育，下個月就要去學前班面試：「只係去一間面試，唔想BB太辛苦，如果唔收佢之後先再報，唔想佢太細個就面對咁多。佢其實乜都學識，只係好似我慢熱啲。」

攝影：王連連

張玉珊、關心妍等今日喺銅鑼灣出席慈善活動。

張玉珊早前曾經捐贈價值七位數字嘅廚房俾慈善機構。

今次更加幫手邀請到關心妍做表演嘉賓。

作為媽媽嘅關心妍好緊張阿女嘅學前教育，下個月就要去學前班面試。

一提到關心妍，大家一定會聯想到「關家姐」或者「搶獎事件」，不過關心妍本人一早已對事件免疫，更製作了《關家姐》一曲自嘲，實行與民同樂，Prof J形容關心妍似足一隻重生股，雖然早幾年因為各種「惡搞、取笑」沉寂下來，但透過神秘身份“C-12”以及《關家姐》這首歌曲刺激人氣，有如重生股再次炒起。 　

編輯：何文俊、Prof J

PJ：徐燦傑(Prof J) J：關心妍

PJ：喺訪問前我申報咗先，我唔係「關家姐」嘅Fans，因為我好怕聽唔開心嘅歌，哈哈！咁經濟學上有個理論，我對每個受訪者都會用一次，就係「稀有性」。關心妍同林志美、彭羚一樣，都係從來無拍過電視劇同電影。講真，當年喺娛樂圈唔參與幕前演出，就硬係差啲曝光率，點解會咁樣呢？
J：其實唔係唔做，因為我剩係唱歌叻，咁每次有人搵我演唱會或者出碟，都要取捨，我唔想體力唔夠，又唔夠精神，令到唱Live唔好，而且做戲亦都唔係拿手，再講我唱歌又未到手到拿來嘅境界。所以我覺得唔好太貪心，做好唱歌已經好好喇。
PJ：無錯，專注唔分身。咁「關家姐」係唯一一位歌手攞到十大傑出青年同埋香港傑出義工獎，應該到依一刻都係唯一嗰位，所以都係有稀有性！你正正知道要做乜，令你喺社會企業責任上面做得更加好。而我諗到一種股票類型去形容你，叫「重生股」。
J：重生股？
PJ：即係一隻股炒過一排，大家見無乜表現就唾棄佢，鬧佢點樣點樣唔得，而當全世界都放棄佢，隻股又開始炒起。咁我知你有信仰，2009年你錄咗《愛是不保留》，我好鍾意，男歌手唱唔到你嘅情懷，之後又出咗演唱會，《失戀五步曲》亦好Hit，其後又翻唱過好多歌，而最緊要你喺重生過程搵到自己嘅「亮點」，就係喺2014年化身神秘歌手“C-12”，點解會突然諗到？
J：我哋想要新嘅感覺，因為大家會先入為主，咁要點樣令人聽我嘅歌無咗Bias先呢？所以就有“C-12”呢個神秘歌手出現，你唔好理佢係邊個，最緊要好唔好聽。
PJ：所以“C-12”係好成功嘅，而另一個重新點就係《關家姐》，呢首歌嘅歌詞正正將你喺「關家姐」事件重生。後來發現你嘅信心大咗，有返自己嘅感覺，係咪代表成熟咗，可以行前一步做得更好？
J：因為我明白呢件事無得再辯護，而對我嚟講呢件事傳咗咁耐都無咩喇，已經免疫晒所有難聽嘅說話。咁我就諗，不如我同你哋一齊玩，既然你係咪都笑我，咁不如我自嘲吓，大家又有歌聽，何樂而不為呢。
PJ：所以正正解釋到點解重生成功。而《關家姐》之後有隻歌《人生銀行》都好好，話畀人知「唔好嘅嘢拎走佢，好嘅嘢儲低」，呢樣亦都係好好嘅財富管理嘅心態。咁關家姐經歷過被人玩、被人惡搞嘅痛苦後，而將自己嘅經歷、人生，透過歌曲去同人分享，就好似「重生股」咁重新炒起啦！繼續努力啦，關心妍！

走過人生低谷 辦基金助年輕人

Y：朱明銳｜J：關心妍

關心妍入行15年，音樂路上絕不平坦，經歷過各種惡作劇、事業低潮，關心妍不但沒有氣餒，還視之為寶貴的經歷與年輕人分享，現時更出心出力發展「燃亮生命慈善基金」，透過音樂協助年輕一代。
Y：關心妍係我好鍾意嘅歌手，心妍分享吓點解咁鍾意唱歌呢？
J：我除咗鍾意唱歌，亦成日學唱歌，唱歌係可以學到七、八十歲，因為每個階段唱出嚟都唔一樣，人生經歷咗唔同事情之後，對歌詞嘅理解亦唔一樣。
Y：喺樂壇超過十五年，過去有段日子你唔衝、唔去爭，點睇嗰啲日子，會唔會好辛苦？
J：嗰段時間過得好快，依家回望返先發覺辛苦。有時發覺做歌手，尤其喺香港係好容易絕望，因為唱嚟唱去都係咁，無乜突破，但當有一兩個同我講「其實你唱得好好，堅持住」，我哋身在其中的確好需要呢啲說話，所以依家我都同新歌手講同樣嘅鼓勵說話。
Y：咁呢段時間過得值唔值得？
J：值得！有啲人比較幸福，條路比較易走，但我好感恩條路難行，反而令我嘅生命更加茁壯。而過程中一定有眼淚嘅，但慢慢將視線、歌曲、時間擺喺培育年輕人身上，發覺呢啲經歷係有意義，就算我畀人笑「攞錯獎、關家姐」，可以話畀佢哋知畀人笑唔緊要，人哋點睇唔重要，最緊要你自己知道係點。
Y：係喎，我留意到你放輕咗搞流行音樂，反而集中做你想做嘅事喎。
J：我發展緊「燃亮生命慈善基金」。依家社會好多年輕人有抑鬱，如果我哋唔正視問題，就掌握唔到下一代。而年輕人唔係話傾就傾，坐埋一齊都未必會同你講，但透過音樂就可以令佢哋打開心扉，肯聽你講，分享佢嘅嘢。透過同佢哋輔導，或者教佢哋音樂，希望幫助到呢班青少年，等佢哋唔使置諸絕望。
Y：其實依家樂壇青黃不接，女歌手位置更加係真空，你喺音樂方面仲有得爆㗎，希望你日後除咗做基金會方面，可以做更多有共鳴嘅歌！

關心妍(中)入行至今15年，走過高山低谷，雖然經歷過惡作劇及「搶獎」的蝦碌事，不但沒有一沉不起，更大方演唱《關家姐》，徐燦傑(右)形容關心妍有如重生股，翻炒再起。左為朱明銳。

Prof J(右)雖然未算關心妍的粉絲，不過十分欣賞她樂於透過音樂分享經歷。

2008年十大勁歌金曲頒獎禮，關心妍攞錯獎，引起一時熱話。

關心妍一早對惡搞取笑免疫，更唱出《關家姐》，與民同樂。

關心妍曾化身神秘歌手“C-12”，為聽眾帶來新感覺。

近年關心妍發展「燃亮生命慈善基金」，協助及輔導年輕人。

關心妍去年誕下女兒Jovia，一家三口幸福滿載。

http://www.metrodaily.hk/metro_news/%e5%a8%9b%e6%a8%82%e7%b6%93%e6%bf%9f%e5%ad%b8-%e3%80%8c%e6%83%a1%e6%90%9e%e3%80%8d%e8%87%aa%e5%98%b2-%e9%87%8d%e5%a5%aa%e4%ba%ba%e6%b0%a3-%e9%97%9c%e5%ae%b6%e5%a7%90%e3%80%8c%e9%87%8d%e7%94%9f/

關心妍（Jade）現身山頂明德醫院出席抬轎比賽，Jade透露其「妍亮生命慈善基金」將於今年底舉行慈善晚宴，近日她正積極找人買枱，一共有60圍枱，現在已賣掉一半。Jade說：「仍有一個月時間去努力，是有一點兒吃力，因為今次目標是開服務中心，大約需要300至400萬，希望可以完成這數目。」

Jade今次可謂碌盡人情卡，邀請不少圈內朋友幫忙，更笑說比做演唱會更困難，為了快點湊夠數，下個月她更接了兩個內地騷，Jade話：「沒辦法吧！真是想幫到有需要的人。」（攝影：羅安強）

關心妍為慈善真的仆心仆命。