關心妍（Jade）與方皓玟前晚錄影無綫節目《勁歌金曲》，將舉行音樂會的關心妍表示已邀請了兩位神秘型男助陣，問到「型男」是否要畀老公過目？她說：「唔使佢揀，佢揀就個個都唔啱o架喇！我同佢講如果唔畀我揀，就要佢一齊上嚟做嘉賓，咁佢就叫我揀，因為佢好驚上台。」她又笑言與老公屆時會齊齊以Deep V示人：「老公只着重靚唔靚。（騷馬甲線？）依家練咗四舊腹肌，之後仲要地獄式訓練！」而方皓玟則表示已有一段時間沒有到電視城，今次會宣傳一首以分手為題的新歌：「今次自己作曲、作詞感覺好Fresh。」她又指與葛民輝合作拍攝微電影，年底會推出新碟及舉行音樂會。
關心妍（右）與方皓玟一起錄影《勁歌金曲》。
關心妍（Jade）昨晚錄影《勁歌金曲》，談到個唱海報被指與Angelababy「撞樣」，Jade坦言不介意，皆因大家都是靚女，當是免費宣傳，至於個唱籌備進度，Jade自爆已邀得兩位神秘型男任嘉賓，連老公楊長智亦無法左右其「揀仔」決定，她又指歌衫皆是貼身，故最近開始地獄式減肥，雖已有4塊腹肌，仍希望練出6塊腹肌，更自嘲年紀不少，要多下苦功才能成事，她說：「老公也被迫陪我減肥，如果我性感示人，老公都要着Deep V西裝，哈哈！」
別舞台兩年，關心妍(Jade)將於11月28日在九展開Show，為了以最Fit姿態示人，Jade日日食烚肉加烚菜，周六日就可以小休，食多少 少。難得「放假」，Jade必食至愛台灣菜，特別推介starzcafe。「大廚走訪台灣20多間食店尋找大熱美食同甜品再用心改良，好有誠意，最重要 cafe位於銅鑼灣區，但價錢一的都唔貴。」採訪：方騫平 攝影：李權威 化妝：Cyruslee 服裝：Iblues
將於11月尾在九展開個唱的關心妍（Jade），入行時因怕工作忙碌無時間陪媽咪，於是帶了比熊犬Yogi返家，轉眼間已過了十四年。09年與金融才俊楊長智結婚後，Yogi留低陪媽咪。至去年她心思思想再養狗，順便與老公一齊學習照顧愛犬，為生小朋友做準備.
其實沒有愛犬在身邊，Jade一直有點不慣，心想：「結婚咁多年，不如養隻狗等我同老公學習去照顧，之後再去生小朋友會無咁多分歧。」
由於Yogi太重磅，很難抱起，所以Jade一心想養細狗，還要白色的，托朋友終於搵到茶杯貴婦Butter。當時Butter已經六個月大，但因之前經常被冷落而變得膽小怕事，Jade悉心地照顧她，「我會同佢刷牙、梳毛、抹面同沖涼，我依家仲學緊同佢剪毛。」
愛犬是忠實Fans
Butter最鍾意捉Jade的手咬和玩，興奮時可以360度翻筋斗三次，十分厲害。所以Jade每次回家都愛攬她錫錫，令老公有時都會呷醋說：「咁我呢！」
但無可否認，Butter是幾抵錫的，皆因Jade即將開演唱會，每天在家中練習時，Butter會靜心地做她的聽眾，她笑言：「如果佢係人，應該識唱晒我歌。」
Butter雖膽小，但經過關心妍的悉心愛護，牠漸漸有番自信。
Yogi（右二）和Butter（右一）有時會與其他小狗一齊開派對。
Butter喜歡黐實關心妍，不過老公楊長智也很愛錫牠，只是較嚴厲。
Butter是女孩子，戴上紅色蝴蝶結十分可愛。
關心妍很愛錫Butter，經常有禮物送給牠
香港文匯報訊（記者 李慶全）關心妍（Jade）昨日舉行記者會公布於11月在九展開一場「說」音樂會，其老公楊長智亦到場支持，Jade笑言本有多條靚裙挑選，及後知道老公要來免得刺激到他，昨日才穿了最密實的裙，到音樂會當晚才去性感。會否不讓老公來捧場欣賞其音樂會？Jade帶笑說：「關心妍其實不性感，性感的是C12（之前的化名），讓C12還給大家吧！」不過Jade曾想過將MV中的床戲搬到舞台之上，然而實太過大膽了。Jade坦言今次音樂會最困難的地方是要跳舞，畢竟這非她的專長。至於表演嘉賓，她表示以前請過關淑怡及陳慧嫻，今次會請未在台上合作過的嘉賓。Jade介紹音樂會時笑言想請型男做嘉賓，難道不怕老公吃醋？她笑指要得看誰人較型，不過在她眼中一定是老公最型。
Jade話想生BB好耐，不過肚皮仍然未有聲氣。
原來老公在場喎!
嗯，今日Jade唔太性感喎!
關心妍（Jade）將於11月喺九展舉行一場「說」演唱會，今日喺旺角舉行記招，Jade老公楊長智都有撐場。
Jade笑言因為老公在場，所以揀咗條較密實嘅裙，佢笑言：「我廢事刺激佢太深。」Jade之前以化名C12拍大膽MV，佢表示：「之前嘅床戲有諗過搬上舞台，但係太大膽，開到肚臍嘅，C12一定會還比大家。」佢又話今次另一困難係跳舞，反而唱歌唔太辛苦。講到嘉賓方面，佢透露想請型男做嘉賓，唔怕老公呷醋？佢話：「睇下邊個型啲，我梗係覺得我老公最型。」
提到Jade今次由紅館降呢至九展，佢話紅館檔期好難有；至於早前被發現喺大坑睇樓，Jade表示暫時睇住先，始終樓市太貴，問有冇計劃生B？佢話：「有，但未有聲氣。」考慮人工受孕？佢話：「要問下楊生，始終信仰同道德上未過到，要再考慮。」提到范瑋琪打排卵針，Jade話可同步考慮。 
得老公支持的Jade可以全心投入歌唱事業。
Jade對第三幢低密度住宅的露台非常鍾愛。
關心妍跟老公上星期出動睇樓，似乎看好樓市。
已貴為人妻、現年35歲的關心妍（Jade）依然沒有放棄歌唱事業，年底會在九展舉行演唱會。深得老公楊長智愛護及全力支持的Jade，除了事業外她對物業亦非常有興趣。
上周六下午3時許，Jade跟老公乘坐七人車，去到大坑一幢樓齡應有30年的大廈外下車，門外已經有一名女經紀在恭候。上樓看了不到10分鐘就見兩夫婦落樓，看來Jade不太滿意。之後再看了另一間在附近的舊樓，今趟Jade逗留稍耐，不過亦是不盡喜歡。最後女經紀帶他們去到一幢只有7、8層高的但密度低的全新住宅，今趟見到Jade在露台非常滿意地眺望景色，更不時用手量度室內的尺寸，看來Jade今次十分滿意，置業在望。
採訪、攝影：朱志聰、畢紹基
關心妍昨日到電台宣傳新歌時自爆，在錄音中途因太投入而崩潰爆喊：「我都係第一次唱唔係慘情歌唱到喊咋！」
關心妍近期嘅歌都以關心社會時事為主。
關心妍仲話自己錄歌錄到爆喊。
Randy（左起）、關心妍、徐浩
【on.cc東網專訊】 歌手關心妍（Jade）與兩位監製Randy及徐浩現身電台，宣傳新歌《逆來順受》，Jade表示新歌是由周柏豪作曲：「好欣賞柏豪嘅曲風，自己都好鍾意首歌！」又感恩可以同兩位認識十年的監製首次合作，亦能夠擦出火花：「合作嗰時睇到大家成長咗好多！」
錄音爆喊嚇親監製
今次新歌主要都是反映香港人在社會及工作上均承受好大壓力，遇上困難時都迫住要「硬食」。問到Jade自己可有同感？她說：「自己都逆來順受咗好多嘢，抒發咗就冇嘢！（因為上年攞唔到獎？）依啲嘢過咗去，咪從新出發囉！」她又透露錄音時因為太投入，回想起自己的經歷，所以錄到一半就崩潰爆喊，笑言嚇親兩位監製。
上網搵網友求救
另外，問到由入行開始養的愛犬Yogi試過兩次暈倒及抽筋，Jade表示已經帶Yogi睇醫生：「但醫生檢查完話Yogi好正常，所以唔知道咩事，好驚佢下次抽筋暈咗就唔掂，希望大家如果有相似情況可以喺網上話我知！」
